Vinden tok godt tak natt til laurdag, som her i Campingvogn på Skartland og takstein på ei hytte.

Skiføret over for denne gong?
Laurdag 15. desember middag: Temperatur +3º C.  Kuling.  Stigande temperaturar og regn i vente.  Yr melder at temperaturen i Vikebygd vil stiga til 6 + grader på søndag.  Vinden vil halda fram, men både laurdag og søndag vil det koma yr og regn.  Skiføret er over for denne gong.  Les oppdatert vêrmelding her

Den andre veka av advent var prega av snø. Mens ein i Sør-Rogaland opplevde enorme snømengder, viste tommestokken på Skartland berre 15 - 20 cm på flatmark.  Så kom vinden då vi gjekk inn i den tredje helga i advent. På flatmark kom det visne, brune graset fram. Små snøfenner pakkar seg saman der det er terreng for det. Men for meg som bur i le bak ein haug er det helst i trekken i omnen vinden kan merkast.  Naboane som ligg meir utsett til må halda seg fast.

Storm og uvêr prega bygda dei siste vekene av året 2012.  Her er ei hytte ved Vasslivatnet som vinden har herja med i romjula.

Storm og uvêr prega bygda dei siste vekene av året 2012.  Ved Vasslivatnet opplevde to av hytteeigarane at det vart skader ved at stormar i desember bles takstein av hyttetaka. I stormen 27. desember vart hytta på biletet sterkt skada i taket.  Dei store nedbørs-mengdene i dagane etterpå førte til omfattande fuktskadar på denne hytta.  Eigarane vonar å få dekka naturskadane på forsikringa, men står føre eit omfattande renoverings-arbeid der mykje av det innvendige må skiftast.  Det låg vassdammar på golvet inne etter nedbøren, kunne dei fortelja.

  
Nyttårsaftan var det ekstra høg flo i Ålfjorden.  Ved toppen i 12 - 13 tida var vatnet mest oppå moloen i båthamna. Bildet er teke ein time seinare.  Mørke og tette skyer gjorde at det vart tidleg mørkt på ettermiddagane.  Likevel klarte månen fleire gonger å kjempa seg gjennom skydekket.  Innimellom kunne ein sjå stjerneklar himmel.

Link til FOTOALBUM

Fleire reportasjar frå Vikebygd 2012 ser du her.