(17.11.2012 SteinarS)  Tittelen er tildelt på bakgrunn av mangeårig engasjement og interesse for barne- og ungdomsarbeidet, samt bidrag og investering til glede for alle i bygda.

"Stiftelsen Liv og Thomas Bakkevigs fond til støtte for barne- og ungdomsarbeid" og "Stiftelsen Liv og Thomas Bakkevigs fond til støtte til reparasjon og vedlikehold av Vikebygd kirke" vil også i fremtiden gi gode bidrag til Vikebygd, står det trykt på den innramma diplomen som følgjer med tittelen.  Ein statuett i glas med innprega orda "Årets Vikebu", fylgjer også med.

Laget Vikebuen fekk ein ide og eit ynskje om å gjera stas på nokre av alle dei som gjer så stor innsats for bygda vår. For å finna ein verdig kandidat så bad dei folket i bygda om å senda inn forslag.
- I starten var det lite innmelding, men når fristen nærma seg tok det av, kunne Ingrid Sørvåg som sit i styret for laget, fortelje.  Vikebygd manglar ikkje gode kandidatar, men samtlege som underteikna snakka med etter pristildelinga var samde i at dette var vel fortent for ekteparet Bakkevig. 

Liv og Thomas har vore opptekne av å støtte opp om det rike barne og ungdomsarbeidet som pågår i bygda, noko det store speidararbeidet i bygda har nytt godt av gjennom mange år. Men ikkje berre her.  Nå har dei oppretta to fond som eigne stiftingar og med lokale styre, som har fått tillit til å dele ut midlar til både lag og organisasjonar, samt vedlikehald av den særprega murkyrkja i bygda. 

Rett etter at pristildelinga var gjort kjent, kom desse kommentarane på facebook: 

"Vel fortjent!! Fantastiske folk."
"Vel undt,de er så kjekke."
"Det var et meget godt valg. Gratulerer."
 
Link til FOTOALBUMET

(17.11.2012 SteinarS)  På ein av standane under julemessa fann vi Karmøybuen, Jon Rødder, som arbeider som seljar og prosjektutviklar for Vestlandshus.  Han hadde avtale med tomteselskapet om fire tomter på det nye bustadfeltet midt i Vikebygd.  - Det skal ikkje vera nødvendig å byggja hus for over 3 millionar kroner, for å komma seg inn på bustadmarknaden, sa han og viste teikningar frå huskatalogen deira.

- Eit hus på 90 kvadratmeter bruksareal skal me kunna tilby nøkkelferdig for 2 millionar og oppover.  Med husbank-finansiering og skattefrådrag for  renter, vil huseigar sitja igjen med ei kostnad pr månad på 2-3000 kroner.  Då er loftet uinnreia, og dette kan huseigar ta som eigeninnsats seinare, fortalde han.

Vestlandshus har ikkje eige byggjefirma lokalt, men samarbeider med lokale byggmeistrar og firma som dei leiger inn til arbeidet. 

- Når det gjeld dei fire tomtene me har avtale om, så er det ikkje låst til ei  bestemt tomt.  Vil kjøparen ha ei anna tomt på feltet så kan vi byte på det, fortel Rødder som nå inviterer alle til Huskveld på Plassabakeriet, om kvelden  17. januar.

Vi lar oss imponere !

Vi lar oss imponere !