(10.10.12 SteinarS)  Med over 520 medlemer i Den norske Kyrkja i Vikebygd, - og eit gjennomsnittleg frammøte til gudstenestene på 80 personar i 2011, skulle ein tru at mange var opptekne av korleis det vert å delta i kyrkja frametter.  Men berre ni møtte då Soknerådet kalla inn til soknemøte om "lokal grunnordning for gudstenesta," onsdag 10. oktober.  Møtet vart halde på bedehuset.

Øyvind Valen, som har leia ei nemnd som har sett på liturgien i vår lokale kyrkja, orienterte om forslaget dei har laga til endringar.  Dei har teke utgangspunkt i hovud-strukturen i gudstenestene i dag, og føreslår mindre endringar i denne.  Erfaringar og tilbakemeldingar lokalt er samanhalde med forslag dei fekk på kurs og i sentrale framlegg.  I Vikebygd vil nok dei fleste kjenna igjen gudstenesta også i framtida - og det skal ikkje skremma nokon frå å delta. 

Store forskjellar mellom nabosokn
Fleire var meir uroa over at det kan verta store forskjellar i gudstenestene mellom dei ulike sokna.  I Skjold og Vikedal er det vedteke store endringar, noko ein ikkje har vald å gjera lokalt. -Vedtaket gjeld for 2-4 år, sa sokneprest Johannes Nedrelid.  -Ein kan tidlegast endra framlegget om to år, men det skal seinast evaluerast om fire år.

'Klokkaren' er borte - erstatta av 'Medliturg'
Den gamle skikken med klokkar er skifta ut med omgrepet:  'Medliturg.'  Dette kan vera omlag det same som klokkar har vore til nå, eller at ein inkluderer konfirmantar eller andre til å delta med ulike oppgåver.  Nytt i forslaget er at medliturgen skal orientere om gangen i gudstenesta heilt i starten, etter at ringinga er ferdig. Her vil også kunngjeringane koma. Etter orienteringa slår klokkene tre slag, og gudstenesta kan ta til.  Ein vil også ta i bruk den nye versjonen av "Fader Vår" som frå nå av tek til med: "Vår Far i Himmelen."  I starten av forbøna vil ein minnast dei døde som har gått bort sidan sist gudsteneste og be for dei sørgjande.

I hovudsak vart framlegget til ny gudstenesteordning godt motteke i soknemøtet, men det er soknerådet som endeleg vedtek den nye ordninga.

Overføring til nytt prosti
(17.10.2012 SteinarS)  Det har lenge vore klart at Vikebygd, saman med resten av Vindafjord, skal skifte prostitilknyting. Me har i nokre år hatt prosten vår i Sauda og har tilhøyrt Nordre Ryfylke prosti. Dette prostiet skal leggast ned frå nyttår av og då vil me tilhøyra Haugaland prosti, og prosten vil ha kontor i Haugesund.

Sigfred Sørensen fungerande prost
Tidlegare prost i Nordre Ryfylke prosti, Arne O Øystese slutta av tenesta og vart pensjonist i slutten av september, ei veke etter at han deltok på jubileumsgudstenesta i Vikebygd.  Som ei overgangsordning skal Sigfred Sørensen fungere i tenesta som prost i Nordre Ryfylke prosti ut år 2012, fortel sokneprest Nedrelid. Sørensen er i dag tilsett som prost i Ytre Stavanger prosti, men er i studiepermisjon frå denne tenesta. Sørensen er busett på Jelsa.

Overføring til nytt prosti
(27.9.12 Ø.Valen)  Det har lenge vore klart at Vikebygd, saman med resten av Vindafjord, skal skifte prostitilknyting. Me har i nokre år hatt prosten vår i Sauda og har tilhøyrt Nordre Ryfylke prosti. Dette prostiet skal leggast ned, sannsynlegvis frå nyttår, og då vil me tilhøyra Haugaland prosti, og prosten vil ha kontor i Haugesund.

Vil Vikebygd få ny sokneprest?
(27.9.12 SteinarS)  Det har lenge vore slik at soknepresten i Ølen har hatt ansvar for Ølen, Bjoa og Vikebygd, medan soknepresten i Skjold har hatt ansvar for Skjold og Vats. Soknerådet i Vikebygd har spelt inn ynskje om at det skal vera felles sokneprest for Vikebygd, Skjold og Vats, noko som kan bli realitet i samband med at det skal tilsetjast ny prest i Skjold på nyåret 2013. Det har tidlegare vore nemnd i bispevisitasrapportane som ei ynskt utvikling. I fleire år har allereie konfirmantane vore hatt konfirmantførebuingane saman med Skjold og Vats, og dette er mellom anna ei av grunnane til endringa. I tillegg budde det vesentleg fleire menneske i Ølen, Bjoa og Vik enn det gjorde i Skjold og Vats. Med endringa blir det ei jamnare fordeling, men når dette vert skreve er endringa ennå ikkje avklara.

Les meir om dette her