Dei vart konfirmerte i året 1961 og kunne søndag 16. oktober feire 50-års jubileum.  -Me var dei første som tok i bruk kvite kappar, kunne jubilantane fortelja, -men me hadde vel ikkje komme inn i dei idag, lo dei.  Dette var eit av dei største konfirmantkulla som har vore i Vikebygd.  Heile 17 ungdommar vart konfirmerte den gongen. Av dei møtte 12 til jubileumsmar-keringa. Etter Gudstenesta vart resten av dagen markert med middag på Gamlatunet. Her kunne dei og nytta høvet til å drøsa om ungdomstida som dei hadde i saman i bygda. Fleire av jubilantane bur ennå i bygda.

Gudstenesta vart halden på bedehuset då kyrkja ennå er til oppussing og dermed stengd. Sokneprest Johannes Nedrelid hadde vore i kontakt med byggjeleiinga som hadde byggjemøte på fredag og fått forsikringar om at dei planlegg å ha alt ferdig til neste gudsteneste den 30.oktober.  Før den tid må der gjennomførast ein stor dugnad på reinhald inne i kyrkja.