Vikebygd KFUK-M speidarar
Tradisjonen tru - Speidarbasaren

(12.2.2012 SS)  Fredag 10. februar var dagen for den årlege speidarbasaren.  Eit arran-gement som først og fremst samlar speidarane og deira familiar, men også nokre andre bygdefolk.  Det var nok tider der den store salen var fullsett, men då var også speidar-gruppa så stor at dei aller fleste borna i bygda var med. Likevel.  Ei flott gruppe med vaksne leiarar står bak og ungdomen driv sjølv arbeidet i speidargruppa.  Leiartrening er ein viktig del av arbeidet.  Årleg deltek ungdomar frå gruppa på kurs og leirar der dei får trening i både leiing, leirarbeidet og speidarferdigheiter.
 

Basaren er ikkje som ein vanleg bedehusbasar.  Her får speidarungdomen utfalde seg gjennom underhaldning, sketsjar, konkurransar og andre aktivitetar som syner kva speidarane er gode for. 

Ungdomane som får nokre år med seg i speidaren står betre rusta enn mange andre til å klara seg innan friluftsliv, men truleg også elles i samfunnet.  Dei lærer å samarbeide, hjelpe kvarandre og å tru på noko positivt.  Vikebygda kan med takksemd applaudera det flotte arbeidet og dei mange kjekke ungdomane som inviterer stadig fleire born til å melda seg til å ta del i spennande fritidsaktivitet med leir, uteliv og trening i gode ferdigheitar dei vil ha nytte av i alle delar av samfunnet dei skal ut i.

Nutastavane
I år etter år har speidarane sett ut nutakassar på 6 fjelltoppar i Vikefjella.  Dei inviterer bygdefolk i alle aldrar til å ta turen ut i naturen.  Alle kan få diplom eller premie, men den ungdomen og den vaksne som har flest fjellturar, får del i kvar sin vandrestav.  I år var det far og son, Roald og Petter Årvik som stakk av med napp i stavane.  Det er ikkje første gongen desse to kan skilta med mange fjellturar.  Vi gratulerer.

Roald og Petter mottar vandrestavane, omkransa av dei andre som fekk nutamerke
Sjå fleire bilete i fotoalbumet her 

Programmet kan lastast ned her