Vikebygd kyrkje
Lysmesse med speidarane
av Steinar Skartland 9.12.2012
Mykje folk var møtt fram for å delta i den årlege lysmessa,
søndag 9. desember, saman med speidarane og sokneprest Nedrelid.
Omlag 40 speidarar deltok. Saman kom dei inn med levande lys i den
mørklagde kyrkja. Så fekk dei delta i bøner, tekslesingar,
lystenning og prosesjon. Om det var mørkt i kyrkja så ga lyset frå
alle stearinlysa ei flott stemning. Denne
  årlege
gudstenesta har vorte ein fast tradisjon som mange ser fram til.
Johannes Nedrelid leia gudstenesta, som var den fyrste i det nye
kyrkjeåret. Også den første etter at ny liturgi vart innført.
Lysmessa føregjekk likevel i stor grad i den vante tradisjonen.
Men kyrkjelyden fekk denne kvelden delta i den nye versjonen av Herrens
bøn, som nå tar til med: Vår Far i Himmelen.
Det er ein
aktiv speidartropp vi har i Vikebygd. All ære til leiarane som
står i spissen for dette gode arbeidet. Her får ungdommen med seg
positive verdiar, får lære å klara seg ute i naturen, får leiartrening
og ikkje minst, gode vennskap. Og rekrutteringa nedanfrå er god.
Heile 23 er nå med i småspeidaren, aldersgruppa 8 - 10 år. Når dei vert
11 får dei bli med dei store speidarane.
|
LES / SKRIV i 
