 |
Kyrkjejubileet 15. - 23. september 2012
Fullt hus på "Sprell levande gudsteneste"
16. sept.
(16.9.12 SS) Det var fullt på parkeringsplassen
ved kyrkja. Born, ungdom og vaksne i alle aldrar fylte benkene i
kyrkja. Jubileumsveka har teke til. Britt Karstensen leia
gudstenesta på borna sine premisser. Dei kom inn i ei lang rekkje,
berande på frukt og grønsaker i korger. Haustfest på bygda er også å
takka for den grøde jorda gjev. Guds skaparverk som vi kvar vår får
oppleva vaknar til liv. Framme i koret fekk borna syngja fleire songar
for kyrkjelyden. Det vart ingen stiv tale frå preikestolen.
Britt, Kjersti, Brit Nelly og Lina framførte bibelforteljinga om søstrene
Marta og Maria som fekk besøk av Jesus. Borna sat på golvet heilt
framme. Jo, vi må ta tid til å lytta til Jesus. I denne
gudstenesta fekk alle 4-åringane sin eigen barnebibel. Frå den kan
foreldra lesa for dei. Dei borna som er eldre har fått bibelen før.
15 konfirmantar
Så var det tid for å presentera konfirmantane som har teke til med
undervisningsåret. 15 er dei i år. Ei flott gruppe med ungdom.
Brit Nelly hadde med seg bønnekort og oppfordra kyrkjelyden om å ta med seg
eit kort, og be for konfirmanten. Så vart det bønnevandring i kyrkja.
Ein kunne tenna lys, få velsigning, skriva eit bønnekort eller lima eit
bilde opp på ei stor plate. Framme stod offerkorga, for dei som ville
gje ei støtte til søndagsskulearbeidet. |
 |
Så ringde kyrkjeklokkene dei 9 slaga. Då Arne spela opp på postludiet
kom smilet fram hjå mange og dei nikka gjenkjennande til kjenningsmelodien
til Noreg Rundt. Gudstenesta hadde element som alle kunne kjenna seg
igjen i, både dei som går ofte og dei som går sjeldan til kyrkja. Her
er rom for alle. Kyrkja i Vikebygd har desidert det største frammøtet,
sett i forhold til innbyggjartalet, fortalde kyrkjeverja ein dag. Sist
år var gjennomsnitt frammøtet på gudstenester 80 personar. Nokre
gonger berr 20, andre gonger langt over 100. Gudstenesta denne
søndagen var av dei som får gjennomsnittet opp.
Etter gudstenesta kunne folket stoppa igjen ei stund til kyrkjekaffi, og
Britt Nelly kunne invitera til fleire arrangement denne veka, fram mot
sjølve gebursdagen for kyrkja vår: 23. september. Då blir det
fest for alle.
Sjå programmet her.
Meir info. |
Ei flott gruppe på 15 ungdomar som førebur seg på
konfirmasjon til våren |
|
 |
Kyrkjejubileet 15. - 23. september 2012
Nytt høvet til å oppleva kunsten
Skuleborna stiller ut i kyrkja denne veka
(15.9.12 SS) Elevane på Vik skule har teikna, måla, fotografert og forma modellar og
fram-stillingar av kyrkja som nå feirar 75 år. Heile komande veke vil dette
vera utstilt i kyrkja slik at alle kan få sjå dette når dei kjem på dei
ulike jubileumsarrangementa. Sjå
programmet her.
Noko av dette er lagt ut på internett her på vikebygd.org, men skikkeleg
oppleving av kunsten kan du berre få ved å koma til kyrkja. Takk til
born og skule for eit godt arbeid. |
 |
|
|
|
|
|
|
4-åringane vitja kyrkja
Laurdag
15.9 var alle 4-åringane på besøk i kyrkja. Her fekk dei vera med heilt opp
i tårnet og høyra kyrkjeklokkene. Britt fortalde om dåpen.
Etter bollar og saft laga dei teikningar som skal få hengja i kyrkja denne veka.
Søndagen var dei der igjen for å få barnebibelen |
 75 års dag
Inviterer heile bygda på festKyrkja i Vikebygd
fyller 75 år den 23. september. Soknerådet steller til stor feiring
med middag på Bygdahuset denne søndagen. Dei vonar at mange vel å ta
søndagsmiddagen der denne dagen.
Men før denne dagen så skal det vera markering av jubileet ei heil veke.
Sjå programmet - og bli med på det som skal skje i kyrkja denne veka.
Her er noko for store og for små. (Klikk på plakaten og sjå den i stort
format). Programmet:
Laurdag 15.09 kl. 15.30-17.00
4-åringane vert invitert til bli-kjent dag i kyrkja
Søndag 16.09 kl. 11.00
Sprell levande gudsteneste/haustakke fest ved kateket Britt Karstensen.
Utdelinga av bibel til 4-åringane og presentasjon av konfirmantane
Kyrkjekaffi
Torsdag 20.09 på dagtid
Kyrkjevandring for barnehageborn og skuleelevar
Fredag 21.09 kl. 19.30
Konsert med lokale krefter. Bilettsal.
Søndag 23.09 kl. 11.00
Festgudsteneste ved sokneprest Johannes Nedrelid og prost Arne Øystese
Søndag 23.09 Etter gudstenesta vert det festsamling på
Bygdahuset
med sal av middag, kaker og kaffi.
|
 Gir
ut bok om kyrkja i Vikebygd
(11.9.2012
SS) I samband med kyrkja sitt 75 års jubileum 15. - 23.
september, har ei eiga nemnd arbeida aktivt med å gje ut ei bok. Denne
skil seg ut frå tidlegare jubileumsskrift, og har med seg mykje av livet som
rører seg rundt kyrkje og bedehus, godt dokumentert med bilete.
Boka vil bli delt ut i
posten med ei til kvar heim i bygda. Ynskjer ein fleire, t.d. for å bruka
den som gåve til andre, så kan fleire eksemplar kjøpast av soknerådet eller
på Joker butikken i Vikebygd for kr 150,-. Soknerådet oppmodar også
alle som kan og vil, om å nytta den giroen som vart levert med boka og
betale inn ein sum. Dette for å klara restfinansieringa av boka utover
det ein har fått i sponsormidlar. Det gjeld også andre som
ynskjer eit eksemplar av boka. Dei har noko å gle seg til.
|
 Vindafjord vert overført til Haugaland Prosti
(17.3.2012
Steinar S)
Stavanger
Bispedøme vedtok
i november i fjor å endra prostigrensene
og å oppretta både Haugaland Prosti og Ryfylke prosti.
Vindafjord og Vikebygd vert då i Haugaland Prosti.
Les meir her.
|
|
|
|
|
|
|
|
|
|
|
|
|
|
|
|
|
Det skjedde i åra:
 2006
2007
2008
2009
2010
2011
2012
|
Informasjon
om Vikebygd. Bygda som ligg
ved Ålfjorden i Vindafjord Kommune i Nord-Rogaland.
--------------------
Har du ynskje om å få lagd link herfrå
til gode Vikebygd sider,
så send ei melding om dette til Steinar Skartland,
eller
Tilbakemeldingar
om websida HER.
|
Minner frå åra:
 2006
2007
2008
2009
2010
2011
2012 |
kvamsen.vikebygd.org
kyrkja.vikebygd.org
speidaren.vikebygd.org
skartland.vikebygd.org
|
Ein
ikkje-kommersiell, idealistisk nettstad for Vikebygd.
Formålet med denne nettstaden er
å gje oppdatert informasjon om kva som skjer i
Vikebygd. Dersom lokale grupper ynskjer å
få leggja ut informasjon om sitt lag eller foreining
så ta kontakt
med eigar av domenet 'vikebygd.org': Steinar
Skartland.
|
Web-Ansvarleg:
Steinar Skartland
5568 VIKEBYGD.
Tlf 53769128 -Mobil 908 73 170
steinar.skartland@vikebygd.org
|
ORD FOR DAGEN
