Vikebuen arrangerte
St.Hans feiring på Bryggjebakken
(25.6.2012  BH/SS,  Foto: Beate Håland) 

Folket i Vikebygd set ikkje inne og sturer om det er litt regn i lufta.  Vêrmeldinga hadde varsla opphald eit par timar på St. Hans kvelden, og det høvde godt for å få gjennomført det årvisse arrangementet med bål i strandkanten nede ved båthamna i Vikebygd.  Folk utstyrte seg med regnklede og møtte trufast fram til båltenninga klokka 18:00.

- Eg reknar med at det var i underkant av 100 personar til stades, fortel Beate Håland.
- Dessverre var det ingen som hadde instrument med seg.  Været var sånn passe, litt regn/yr og litt opphaldsvær. Men trass alt fint i forhold til kva som blei meldt eit par dagar i førevegen.
Vikebuen stod for arrangementet som dei har hatt i 5-6 år nå.  Styret, som består av 6 personar med Ingrid Mathilde Sørvåg i spissen, stod bak denne kvelden.  Det var ikkje noko spesielt program, men folk kunne grilla pølser, prata og kosa seg.  Borna leika på Bryggjebakken og sjekka temperaturen i sjøkanten.

I tillegg til fekk arrangørane god hjelp.  Einar Johannes Bakkevik laga til bålet i år også.
- Ein fantastisk service innstilt mann som alltid svarar ja, seier Beate.  Ole Harald lånte ut telt og sette opp for laget. Gunn Vikingstad laga fantastiske lappar som Vikebuen selde. I tillegg vart det seld kaker, kaffi og brus.

Beate Håland hadde i skrivande stund ikkje oversikt over det økonomiske resultatet av kvelden, men reknar med at det blei eit lite pluss i år og. Formålet med kvelden er å ha ein koselig kveld kor alle kan hyggja seg. Eit eventuelt overskott blir brukt til å vera med å finansiera eit nytt førstehjelpskurs/ hjartestartarkurs til hausten, fortel ho.

Fotoalbum /bilete frå arrangementet her

Mannfolka strøymer til når Knut Heggland opnar panseret på sin Ford veteranbil.