Jens Bjordal (Sørabygda) kom først i mål, tett fylgd av Karsten Veastad (Midtbygda).  Jone Bjerga (Nordabygda) måtte nøya seg med bronse-plass i Triatlon kampen mellom grendene.

(8.9.12 SteinarS) Det mangla ikkje på inn-satsen då Gunn Vikingstad starta triatlon løpet med deltakarar på tvers av gene-rasjonane.  Først i løpet som var lagt opp som stafett, var stylteløparane som kunne sende neste pulje ut på 60 meter baneløp.

Ved enden av denne etappen stod dei tre sykkelistane klare for å ta siste etappe rundt idrettsbanen.  Det var heilt klart at varierande utfordringar i dei to første puljene også var med på å avgjere rekkefylgja sykkelistane kunne trø i veg. Men alle ga det dei hadde i dette humørfylte løpet på Vikebygd stadion.
Veksling mellom stylter og 60 m løp  

100 deltakarar i idrettsaktivitetar
Etter veker med Olympiade og Paralympiade i London, hadde folk i alle aldrar fått inspi-rasjon til å visa kva dei dugde til på idrettsbanen.  Uttaksreglane til konkurransane var at dei som klarer å ta seg fram til idrettsbanen denne dagen - får delta.  Her var store og små saman i lengdehopp, kulestøyt, fotballferdigheiter, 60 meter baneløp, 400 meter baneløp, orientering og speedorientering.  Alle borna fekk premiar. 

Og mellom dei som stilte viste det seg også dei som var godt over snittet i idrettsleg nivå denne dagen. Alf Inge Solheim var klart raskast på "60 meteren" med tida 7:38.  - Dette er ny banerekord, kunngjorde tidtakar Gunnar Birkeland etter prestasjonen.

Etter å ha samanlikna med at Jaysuma Saidy Ndure sette norsk rekord på 60 meteren på 6,55 i 2008, konkluderer underteikna med at dette er sabla godt.  Andre har trekt i tvil om Gunnar hadde ein heil meter i kvart steg som vart nytta til oppmåling. Han har nå planar om å gå bort på banen etter at det er mørkt i kveld, for å kontrollmåle.
Alf Inge Solheim spring inn på 7:38.
 

Mellom dei mange gode prestasjonane merka vi oss også Vegard Skartland som sprang inn til suveren siger på 400 meter baneløp.  Ungdom med erfaring frå orienteringsløp.

Under heile arrangementet var det sal av pølser, lappar, kaker, havre-grynsuppe, brus og kaffi i kiosken. Dagen var prega av mange folk på dugnad for å få til eit arrangement som folk sette stor pris på. 
Gratis saft til deltakarane.

Alle påmelde fekk lodd som vart trekt i slutten av dagen.  Hovudpremien for dei over 17 år var gratis deltakarplass i Hårfagrerittet neste år.  Vinnaren vart Rune Fostenes.  Han har ikkje tidlegare delteke i Hårfagrerittet, men tar utfordringa og ser fram til å kunne delta med sykkelen der.  For deltakarane under opp til 17 år var premien to billettar til FK Haugesund sin kamp.

Last ned og sjå plakaten HER
 

Kø for å få premie for innsatsen