Vindafjord Kommune
Kulturstipendet til Per Øyvind Valen og Jane Espevoll.
(15.12.2011 SteinarS)  Under ein pause i kommunestyret den 13. desember vart det utdelt prisar frå kommunen til personar som hadde utmerka seg innan ulike område.  M.a. vart kulsturstipendet frå Vindafjord Kommune delt mellom to kandidatar: 

Per Øyvind Valen for hans idrettsinnsats.  I tillegg til å ha kome langt innan orientering, så går han nå 2. året på Haugaland Idrettsgymnas.  - Planane er å kunne delta på treningsleirar i inn- og utland, fortel Per Øyvind.  Kulturstipendet på 15.000 kroner vil nok vera ei hjelp her.

Stipendet var i år delt på to, og den andre halvdelen gjekk til Jane Espevoll, som driv med trening av gjetarhundar.  Ho har delteke i fleire EM og VM i tillegg til konkurransar i Noreg.  Begge er med sin innsats gode ambassadørar for Vindafjord.
  

Det var, Gustav Løge Fosse leiar i utval for oppvekst og omsorg (OPOM), som hadde æra av å overrekka kulturstipenda og Kjartan Innbjo (leiar i utval DUK), som overrekte dei andre prisane (sjå bilde-teksten), som i tillegg til blomar og diplom består av eit måleri av kunstnaren Lars Tveit.  Byggeskikksprisen gjekk til Magnar Frøyland.  Han var forhindra frå å møte denne kvelden, og vil få prisen ved eit anna høve. I tillegg vert omsorgsprisen utdelt onsdag under ei tilstelning på Vindafjordtunet.  Denne gjekk i år til "Dei frivillige på Vindafjordtunet."  Her er ei stor gruppe med pårørande og pasientvener som både vitjar bebuarane på sjukeheimen og lagar til ulike sosiale arrangement for dei.

Per Øyvind Valen (idrett), Jane Espevoll (gjetarhundar), Jan Hegerland (Næringsprisen), Elisabeth Kallevik Nesheim (Kjerringsprisen) og Lars Olav Larsen (Kulturprisen)

Les om dette også på Vindafjord Kommune