Utandørskonsert 30. november:
Korpset spela til tenninga av juletreet ved Joker'n.
av Steinar Skartland 30.11.12
 

Klokka seks på fredagskvelden var Vikebygd Skule- og Ungdomskorps med omlag 20 musikkarar klar innanfor lagerporten til Joker'n.  Dei ville nok sikra at det ikkje kom fullt av snø på instrument og notar, for i starten lava snøen ned. Rolf kunne tenna ljosa på juletreet, ikkje ei gran, men ei god norsk furu. Utanfor var det samla seg 80 born og vaksne, så med korpset var her omlag 100 som ville markera at vi nå går inn i adventstida.  Rolf Alne hadde fyrt opp i ei halv tønne.  Her fekk nokre gutar jobben med å grilla pølser på ein høygaffel.  Butikkmannen delte villig ut både varm gløgg og pølser til gjestene. 

Etter at korpset hadde spela fleire flotte musikkstykke fekk borna utdelt faklar.  Flesteparten av dei frammøtte deltok i fakkeltog frå butikken til Gamlatunet.  Her hadde Jakop og Anita kokt ei stor gryte risgraut. 
 
 
 
 
 

Då fakkeltoget nådde fram vart det ei stund kø for å få koma seg inn og kjøpe ein grauttallerken, eller kaffi og kaker. Fleire familiemedlemmer stod på bak disken og sikra at alle fekk metta seg.  Alt medan korpset spela det eine nummeret etter det andre  oppe i andre etasjen.

Sjå her korleis det gjekk føre seg i fjor.