1. Tradisjonell juletrefest på bedehuset

2. Romjulsmesse i Ølen 

3. Grøn jul i Vikebygd 

4. Stappfull kyrkje juleafta 

5. Ljosmesse 18. des. 

6. Plantene forvirra av temperaturen 

Laurdagsklubben inviterte til
Juletrefest på bedehuset 30. desember
(30.12.2011 SteinarS)  Omlag 60 born og vaksne var med då Laurdagsklubben inviterte til juletrefest på bedehuset i Vikebygd.  Kjersti Bjerga hadde andakten. Her fekk me høyra om Jesus som vart fødd og måtte liggja i "matfatet til dyra" (krybba), om englane som song og gjetarane som gjekk for å finna barnet.  Julesongen tona flott i møtesalen denne dagen.  Etter eit julemåltid var det tid for leiker og utlodding, før festen vart avslutta med alle i ring om juletreet og song av dei kjende julesongane.

Forsøk på å verve nye innbyggjarar
Romjulsmesse i Ølen kulturhus
Les også om messa i Grannar, her.
(28.12.2011 SteinarS)  Rune Hetland, leiaren i Vikebygd Grendeutval, stilte opp i kulturhuset i Ølen torsdag i romjula, for å verva nye Vikebuar. Han var ein av omlag 20 utstillarar som tok imot utfordringa frå Tomteselskapet og kommunen om å delta på romjulsmessa. 

I tillegg til å visa fram næringslivet og det store spekteret av arbeidsplassar som finnes i Vindafjord, kunne Vindafjord Tomteselskap, VAF og kommunen presentera ledige tomter.  Rune var her for å setja fokus på Vikebygd.  
-Vi har hatt folk innom som har vore interessert i tomter i Vikebygd, kunne Rune fortelja.

Nyleg vart opna 19 nye tomter i Vikebygd som utviding av Lio 2.  I flg. dagleg leiar i Tomteselskapet, Leon Dyngeland, har det vore fire seriøse førespurnadar på tomter i dette feltet til nå.  Dette teiknar godt for bygda.  Tomtene ligg i gangavstand frå butikk, skule, barnehage, bygdehus og kyrkje. Men også med ein ny flott leikeplass som nærmaste nabo.

Ei anna bygd som var i fokus var Bjoa.  Her stilte to ungdomsband opp og underheldt med musikk det var trøkk i.  Kulturhuset har eit svært bra lydanlegg, og med profesjonell styring av lys og lyd får ein det beste ut av dei som skal opptre her. 

Så står det att å sjå om det blir tomtekjøp og bygging for dei som har vore og sett på tomter i Vikebygd.  Mange er klar til å ynskja dei velkommen.

Ungdomar frå Bjoa underheldt på romjulsmessa.
Les meir i Grannar, her.

Grøn Jul
Ei våt julefeiring i Vikebygd
(26.12.2011 SteinarS)  Det kom litt snø og kulde i adventstida, men vêret snudde om før jul.  Både juleafta og juledagane har det vore mildvêr og regn i Vikebygd.  2. juledag viste termometeret 10 grader ute, og ein kunne undra seg på om det snart var tid for å ta fram grasklypparen og stussa plenen litt. 

Lengre nord på kysten var det stormen og orkanen Dagmar som herja.  Ein av dei verste stormane på Vestlandet på svært mange år. 

Litt merka ein nok og den i Vikebygd, men ikkje mykje. 

I år vart det nok liten grunn for borna til å prøva akeutstyret sitt om dei fekk slikt til jul. Likevel var det fleire som fekk høve til det då den nye leikeplassen i Vikebygd vart opna 18. desember. 

Mest imponerte aspirantane som hadde fått sine første instrument utdelt i September i år, og som stilte opp og framførte "Bjelleklang" heilt åleine.

Det er eit stort korps i Vikebygd, med musikkarar i alle aldrar.  Dei fleste har spela i mange år og er svært dyktige under leiing av Andreas Ulveraker.  Sokneprest Bjarne Hjelvik måtte saman-likna korpsmusikken med Bytunet når han skulle rosa dei.  Kyrkjelyden i den fullsette kyrkja applauderte godt for å visa at dei sette pris på korpset si deltaking og musikalske innslag. 

Arne Tveit spela kyrkjeorgel i lag med korpset på nokre musikkstykke.  Her var også andre innslag der Marie og Astrid Mortveit song duett til musikk av Arne Tveit på piano.  Helge Veastad framførte etterpå: "Mitt hjerte alltid vanker," på sologitar i samspel med kyrkjeorgelet.

Gudstenesta var ei flott innleiing til julehøgtida - der folket kunne køyra heim til lyden av klokkene som ringde jula inn klokka 17:00.

God Jul til alle i Vikebygd. 

Vikebygd Kyrkje
Ljosmesse 18.desember
(18.12.2011 SteinarS)  I mange år har det vore tradisjon for Vikebygd med ljosmesse i desember.  Søndagskvelden den 18. 12. tok folk igjen ut frå heimane og samlast i kyrkja.  156 deltakarar kunne Brit Nelly telja opp.  I sentrum stod speidarane og konfirmantane.  Soknepresten kom inn med eit stort ljos.  Ljoset vart delt med ei gruppe speidarar som vart sende ut med sine ljos.  Desse spreidde seg til fleire og fleire.  Så kom dei inn. Ei lang rekkje med speidarar toga så inn i den mørklagde kyrkja.  Kvar med sitt levande ljos.  Til saman gjorde dei det ljosare i kyrkja. Slik den glade bodskapen vert spreidd ut i verda.
Den fekk speidarar, konfirmantar og prest vera med og dela i kyrkja denne kvelden.  I tekstlesing, song og deltaking.

 

Plantene forvirra
Krøll med klima og årstider
(31.12.2011 Roald Årvik) På den siste dagen i året så har Snøsløyfa Iberis Sempervirens byrja å blome, ei mengde knoppar ligg klar til å skyte ut til ein blome.

Snøsløyfa blomar vanlegvis i april/mai.