Jubileumsfeiring 10 år etter første festival
Mykje folk og fisk på festivalen, - og vêret letna

(21.7.2012 SteinarS)   Jubileumsfestivalen i Vikebygd, arrangert i samarbeid mellom Vikebygd Skule- og ungdomskorps, Fotballgruppa og Plassabakeriet den 21. juli, samla mykje folk i alle aldersgrupper.  Skodde og regn om morgonen veik plassen då arrangementet opna klokka 12.  Utstillarar, arrangørar og gjester var svært nøgde med tilstellinga.  
Sjå fleire bilete i fotoalbumet.

Leiar og konferansier, Solveig Hortman, ynskte folket velkommen til ein allsidig festival i Vikebygd 21. juli. Første fiskefestival her var i 2002, og nå feira dei 10-års jubilèet. Det ligg stor dugnadsinnsats bak ein slik festival, frå medlemmer og familie i skulekorps og fotballgruppa, som saman med Plassabakeriet drog i gong denne lokale festivalen.  Fiskekonkurranse og aktivitetar på land, hadde desse to laga ansvaret for, medan det på plassabakeriet var servering og det tradisjonelle salet av snurringar, baka i gamald steinomn.  Her hadde vore fyr heile natta for å få ret varme i for steikinga.  Om kvelden var det dans og levande musikk på denne lokale restauranten.

Opning av ordføraren
Klokka 13:00 kunne Solveig ynskja velkommen ordførar Ole Johan Vierdal, som tala og opna festivalen.  Han rosa dugnadsånda som kjem til uttrykk gjennom alt folket får til i ei bygd som Vikebygd, og måtte også nemna vegen gjennom Vossaplass svingane, der bygdefolket ikkje vil

venta på den offentlege mølla, men tek skeia i eigen hand og dreg lasset med å få dette bygd.  - Når folk sjølv viser slik initiativ, så skal vi (kommunen) hjelpa til og stø opp om det, sa ordføraren.

Levande musikk
På kaien var det levande musikk heile dagen med den dyktige 79-åringen, Ivar Pøyken Glette på trekkspel og Trygve Flåtene på gitar.

 
Politikarane vart dukka i iskaldt vatn.
Både ordførar og varaordførar måtte elles gå på planken og enda i det kalde vatnet gong etter gong.  Her kunne dei som ville betala 20 kroner og få kasta tre kuler mot ein blink.  Traff dei, så fekk den som sat på planken ein kald dukkert.

Fiskekonkurranse med mykje fisk.
Hovudpunktet er likevel fiskekonkurransen.  I år deltok 254 som hadde kjøpt fiskekort.  Det vart tald over 50 småbåtar som gjekk utover då starten gjekk klokka 14:30.  Nokre båtar låg visst også utpå allereie.  Etter to timar kom dei inn igjen med store fangstar, både i storleik på fisk og mengde.  Fiskelukke var god i dag, sjølv om det var fjørande sjø.

Far og son med to pokalar kvar.  Johnny Standal tok pokal for beste mann og mest fisk (20,295 kg)
Andreas Panda Standal vart nest beste gut, men fekk dagens største fisk, på 7,1 kg.

Pokalen for beste gut gjekk til Andrè Fostenes.

Fisken August Birkeland Bryn drog opp på stang var heller ikkje liten, men nådde ikkje opp til pokal. - Du må dra fisken inn litt og så sveive når han slappar av, fortalde han etter dragkampen.

Sjå festivalbileta her.


  I fly over Vikebygd

Mange spanderte kr 450,- og fekk seg ein tur over bygda med Helikopterdrift AS. 
Piloten transporterte til vanleg jaktlag og andre som vil kortast veg til fjells.

  
Bjørn med nytt snurringsbrett - rett frå bakaromnen.   Søstrene Marie og Astrid Mortveit i bakeriet. 

Du kan sjå fleire bilete i fotoalbumet - her

Les om hendinga i Grannar 
Les om hendinga i Haugesunds Avis  
Sjå bileta i Haugesunds Avis 

 

Les også om festivalane tidlegare år, her:

Året 2011;   året 2010;  året 2009;  året 2008;  året 2007