TV-Aksjonen for Amnesty International 21.10.
8 bøsseberar samla inn 21.172 kr i Vikebygd
 
(21.10.2012  SS)  I Vikebygd slo vi rekorden frå det gode innsamlingsåret i fjor, med heile kr 21.172 som kom inn i bøssene.  I tillegg kjem det som folket gir på andre måtar, t.d. ved å ringe inn. 

Tusen takk til alle i hus og hytter i Vikebygd for di store gåve til Amnesty International!
Skulle du ikkje ha fått høve til å gi fordi du ikkje var heime då vi kom, så kan du nytta telefon nummer 820 44 110 (kr 200,-).

I kommunen totalt kom det inn kr 258.304 (mot kr 294.052 i fjor som var eit svært godt resultat), mens formannskapet auka sitt bidrag til kr 15.000 i år (10.000 i fjor).  Dei bygdene som hadde auke var: Vikebygd, Bjoa, Skjold, mens det var reduksjon i bygdene Imsland, Vikedal, Sandeid, Vats, Ølen og Ølensvåg.

Som vanleg i Vindafjord har formannskapet i kommunen utpeika ein komité for å leia den lokale innsamlingsaksjonen, med ein representant frå kvar av dei ni bygdene i kommunen.  Ordførar Ole Johan Vierdal er leiar, og i Vikebygd var Steinar Skartland vald for å organisere den lokale innsamlinga. Vi takkar spesielt dei som brukte av tida si til å gå med bøsser i dag:  Inger H. Bjordal, Ingrid Mathilde Sørvåg, Per Schnabel, Signe-Alise Birkeland, Rolf Julsrud, Svend Berge Fredriksen, Aud Mansåker og Jone Bjerga. Fleire av desse hadde også med seg andre familiemedlemmer på ruta. 
Takk for innsatsen!
 
Oppteljing i SR-Bank i Ølen
Tradisjonen tru møttest medlemmene i den kommunale innsamlingskomiteen i lokala til SR-Bank i Ølen etter at bøsserundane var over.  Her deltok dei saman med tilsette i banken, på oppteljing av pengane.

Oppteljing i banken. Biletet viser: Ingrid Steinsland,
Magne Økland, Jan Idar Haugen og Ole Johan Vierdal.

Eller les meir om TV-Aksjonen på: www.blimed.no.