Ny butikk opna i Vikebygd
Fire damer satsar i Klokkargarden
(Opphavleg 4.11.2011 SteinarS)  I eit lite hus ovanfor landhandelen i Vikebygd har dei innreia eit koseleg butikklokale kor dei sel husflidsartiklar, brukskunst, pynt og klede. 

-Me skal ha ope på fredagar frå klokka 16:30 -  19:00 og laurdagar klokka 10:00 - 14:00, men elles er det berre å ta kontakt, så opnar me, fortel Hanne Jorunn. -Når du ser skiltet nede ved hovudvegen så er det ope.

-Me skal ha opning av juleutstilling her når advent startar og julegrana skal tennast nede ved Daglegvarebutikken.  Då tar me tar fram juleartiklane.  

I hyller på veggene og på bord rundt i rommet ligg det mykje spennande og fint, alt laga lokalt i Vikebygd.  for dei som tenkjer på julepressangar så er det litt av kvart å finna her.  Rosemåla fat og tiner, hekla tepper, strikkavotter, flotte postkort eller kan hende eit par sokkar?  Du finn det her.

Hanne Jorunn Helgeland, Hilde Fredriksen, Liv Fredriksen og Brit Jorunn Veastad i Klokkargarden.

Alle fire har lang erfaring med å laga husflidsartiklar og handarbeid.  Hanne Jorunn dreiv i fjor "Skattekammerset," utsal av husflidsartiklar i ei brakke ved landhandelen. Dei deltek på julemessa som Vikebuen arrangerer kvart år på Bygdahuset, for ikkje å gløyma Julabutikken som nokre av dei hadde i kjellar etasjen på butikken hos Rolf i 2008.

Les om Klokkargarden på Facebook her,
Laget med glede av Hanne Jorunn
Slik står det på ein lapp på nokre hekla tøflar. Men det er ikkje berre desse fire damene som stiller ut husflid.  Asseline Årvik er storprodusent av flotte og fargerike lubbar og vottar.  Også desse kan ein få kjøpt i klokkargarden.  Eller kanhende ein rosemåla kakespade?

Brit Jorunn syr også klede og fleire kjolar som ho har laga, er stilt ut i butikken.  Liv Fredriksen har dreve mykje med rosemåling, men seier det er blitt mindre av dette dei siste åra.  Likevel er mange flotte ting stilt ut i dette bygget som tidlegare var studio og butikk for rosemålinga.  Dei fire kompanjongane i butikken har alle andre yrke. 

Butikken i klokkargarden er hobbyar som har vorte til ein profesjon. -Nei, vi kan ikkje leve av dette, fortel Hilde med eit smil. Men vi vil ha ope så lenge varelageret rekk.  Skal vi døma etter besøket på opningsdagen så må dei nok produsera meir utover vinteren.  Kundane var mange, og salet var godt.