Advent er ei årstid som vert markert av den kristne kyrkja.  Den markerer førebuingane til juletida. Namnet kjem frå latin Adventus (Redemptoris), «(Herrens) ankomst». Første søndag i advent er første dag i kyrkjeåret.  I denne tida nyttar kyrkja den liturgiske fargen: Lilla, og folk i Noreg brukar lilla stearinlys, m.a. i adventstaken.

Ord i Advent

Desember og advent
Vinter og snø i Vikebygd
av Steinar Skartland 1.12.12
Snøen lava ned utover fredagskvelden og laurdagsmorgon var 10 cm laus nysnø over blaute, ufrosne bakkar.  Til glede for borna som fann fram skiutstyr og akebrett.  Termometeret synte under frysepunktet heile dagen, der det for det meste var fint ver. Så kom det meir snø på laurdagskvelden. Våte snøflak kom frå oven og landa i 3 kuldegrader. Etter ein lang og svært våt haust blir det fint å få nokre kalde og tørre dagar.

Til dei som ikkje synes snø og kulde er kjekt ... så hugs:  Det finnes ikkje dårlig vêr, berre dårlege kler.  Så ta på deg ein ullgenser, vottar, stillongs og luve. Kom deg ut av godstolen og nyt det flotte vintervêret.  Det er herleg, så lenge det varer.  Regnet og sydvesten får vi tissnok igjen.

Jo, det hender eg saknar dagane i nord med knallblå himmel og sol, der det knaka under skosolane og kinna vart strame i 25 - grader.  Luftfukta så låg at det opplevdes omtrent som berre 10 kuldegrader på våte Vestlandet.  Eller då eg køyrde buss ned mot Karasjok i svarte vinterkvelden og kjende at rattet vart tyngre og tyngre å svinga ... ettersom hydraulikkolja fraus i temperatur under - 35. 

Eller nettene i telt inne i Halkavarre i militæret, med vedomn og kuldegrader godt under - 30.  (Ein gong i timen gjekk eg runden og starta opp alle lastebilane.  Måtte la motorane gå 10 minutt for så å stoppa dei igjen.  Elles ville vi ikkje fått dei i gong om morgonen.) Eg ville ikkje vore utan dei minna. 

Så har eg slege med ned ein plass der det regnar vassrett på normalen.  Av og til så saknar eg at det knitrar under skosolane når eg går meg ein tur.  Og somrane med sol 24 timar i døgeret på ein av Europa sine nedbørfattigaste plasser. Men mottoet er å sjå det flotte i det vi har nettopp nå og nettopp her.  Så i dag sat eg på akebrettet ned bakken og gledde meg med smårollingane som leika i snøen.  Det er her eg er frå og her eg bur.  Vi har jammen ei flott bygd.  Det er vinter og snø!

Kvamme 1.12.2012

Veastad 1.12.2012	Veastad 1.12.2012	Skartland 1.12.2012