Innsamling til Ukraina - Open Heart
1090 sekker på bilen frå Vindafjord
(25.10.2012 Berit&SteinarS) Vogntog som lastar sekker med brukte klede utanfor bedehuset i Vikebygd, har vorte ein årviss tradisjon.  Brita Laugaland er den lokale eldsjela som utfordra folk til å sjekka garderobeskåpet og fylla sekker som Halvard Hasseløy og organisasjonen Open Heart Ukraina skal få dela ut til fattige og trengjande i Ukraina. Frå Vikebygd, Skjold og Vats fekk dei med 1090 fulle sekker.
 
Skapet på semihengaren var fullt med 1090 sekker, fylt med klede som skal varme trengjande.

Då 220 sekker var borne ut av bedehuset og stue inn i hengaren, var det mest heilt fullt.  På førehand var det henta 220 sekker i Skjold og ca 650 i Vats. 

- I juni i år var det allereie sendt 340 sekker frå Vats på ein annan tur, kunne Ingeborg Vågen fortelje. I Vats samlar dei inn klede heile året, og Hallvard Hasseløy med sine ukrainske hjelparar sørgjer for å få dette trygt fram.  Ingeborg og Gudvin Vågen var med til Ukraina i sommar og såg med eigne auge at hjelpa kom fram.
- Alt kjem fram til dei som treng det, og ingen ting blir solgt, fortalde dei.

Open Heart Ukraina driv fleire barneheimar med midlar dei samlar inn.  Frakta av sekkene til Ukraina betaler dei som gir.  Saman med kvar sekk leverer dei 50 kroner.  Overskottet frå dette og innsamlingar på bedehusa går til hjelpearbeidet elles.  Sjølv har Hallvard Hasseløy halde på med dette arbeidet i 30 år.

Hallvard Hasseløy og Brita Laugaland saman med to av dei Ukrainske hjelparane.

Les meir om Open Heart Ukraina

(Les også om innsamling tidlegare år: 2009) 

Snøen vart liggjande nokre dagar og med fleire netter med nattefrost.  Det er tid for å ta på vinterdekk på bilane.  Men som vanleg kom mildvêret etter ei veke med store mengder regn. Samtidig kom det store snømengder i Odda, Røldal og innlandet. Dette førte til at alpinanlegg og skiturar fekk ein tidleg oppstart i år.