Moderne skogsforvaltning
Utmarksbeiter i Årvik kalka frå helikopter
(28.4.12 SteinarS)  Helikopteret bruka berre 3-4 minutt på kvar runde med med den automatiske spreiaren.  I løpet av ein time var 15 tonn kalk spreidd over skogen i Årvik.
 

Pegasus Helicopter kalkar beitemark i Årvik. Les meir om selskapet her

    
Mange lurte på kvifor eit helikopter fauk i låg høgde over tretoppane, mellom Bakken og Årvik på laurdagskveld.  Det synte seg at helikopteret tilhøyrde selskapet Pegasus som var på oppdrag med å kalke utmarksbeiter i Årvik. 

Ein tankbil med tankhengjar stod oppe ved brua over Bakkafossen.  Her fylte dei kalk på ein spreiar.  Kvart tredje minutt kom helikopteret og bytta tobben.  Ein operasjon som tok mindre enn eit minutt. Her stod også ein lastebil med drivstofftankar, der helikopteret måtte nedom ein tur for å tanke, halvvegs i operasjonen. 

Pegasus oppgir på sine nettsider at ein reknar med at kalka skog doblar tilveksten i ein ti-års periode, og såleis skal vera ei lønsam investering.  Oddvar Hølland seier at kostnaden med dette ikkje er så stor samanlikna med det å kjøpa inn kalk i storsekk og spreia med traktor, noko som kan vera vanskeleg i ulendt skog og utmarks terreng.  Han hadde avtala kalkinga gjennom forsøksringen og var svært nøgd med resultatet.  Piloten var erfaren flygar som fordelte kalken godt og innanfor det området som var avtala.

Helikopter i aktivitet i Årvik