Kommunestyrevalet 2011

Vindafjord Kommune
Ordførarkabalen på plass
(17.9.11 SteinarS)   Fleire politiske parti i kommunen har gått saman i ein avtale som vil gjera Ole Johan Vierdal frå Senterpartiet til ordførar og Steinar Skartland frå Kristeleg Folkeparti, til varaordførar i Vindafjord Kommune. Partane bak avtalen er Senterpartiet, Kristeleg Folkeparti, Bjoa Bygdeliste og Sosialistisk Venstreparti. Desse er også samde om fleire viktige saker / område som det skal samarbeidast om i komande fireårs periode.  M.a. ynskjer dei å fylgja grunntrekka i langtidsbudsjettet 2011-2014 og ro om skulestrukturen.  Partia vil utarbeida felles framlegg til kommunebudsjett og samarbeida om felles løysingar på viktige politisk saker.

Valdeltakinga var på 61,53%, ein oppgang på 2,4%.  Resultatet kan du m.a. sjå HER. 

Dei store skiljelinjene i partiprogramma gjekk på økonomisk politikk.  Her vil SP, KrF, BBL og SV, oppretthalda eigedomsskatten, medan partia H, AP og FrP ynskjer å fjerne denne skatten.  Andre viktige moment er utgiftssida der å oppretthalde eller leggje ned skular har vore sentrale punkter som skil partia, men det kan sjå ut som om røystarane har vore meir opptekne av kva dei får av tenester for pengane, enn å få bort denne skatten som også vert kalla for "dugnad".  Nå vert det forhandlingar framover for å finne konstellasjonar som kan stå bak ordførar og danne politisk plattform.

Ei anna interessant side er at 38,5 % av dei røysteføre sat heime og "let kommunen sigla sin eigen sjø."  Bryr dei seg ikkje om lokalsamfunnet sitt - Eller synes dei politikarane gjer ein så god jobb at det ikkje er trong for endringar? -Eller?  Om dei deltok så ville deira røyster vera avgjerande for samansetjinga av kommunestyret og kanhende politisk retning i styringa.