(1.5.2011 SteinarS)  -Då vi starta opp Vikeputten for 10 år sidan var det kanskje med 20 lag.  Dette har auka gradvis og i år er det ny rekord med 76 lag, fortel primus motor for Vikeputten, Rune Hetland. 

  Leiaren i fotballgruppa, Tore Espeland, legg vekt på den rolla Rune har spela i å få til dette arrangementet.  Saman gler dei seg over at arrangementet har gått knirkefritt og takkar sponsorane for den økonomiske hjelpa.  Dei viser stolt fram gåvesjekken på 25.000 kroner frå SR-bank.
  -Men den lokale verksemda, Dommersnes og Larsen AS, har gitt minst like stor støtte, understrekar Rune.  Dei har sponsa 700 T-skjorter til alle spelarane og alle premiane.

Har det vore nokre skader?
   -Vi hadde beredskap med to sjuke-pleiarar, men det har ikkje vore alvorlege skadar, seier Tore.  Det var ein fot vi måtte kjøle ned med is, men det var ikkje beinbrot. Elles berre småskrammer.

Og folk var fornøgde og glade
   - Eg har berre ein ting å klaga på, sa ei mor frå Bokn, det er all bjørkepollen som nå er i lufta i Vikebygd. Og allergikaren naus kraftig innimellom snufsinga..
 

Fotoalbum for Vikeputten - klikk HER
Dersom her er lagt ut bilete som nokon ynskjer skal fjernast
så send ei melding til steinar.skartland@vikebygd.org

Kostar det noko å delta?

    -Dei 76 laga som deltek betaler kvar 450-500 kroner alt etter kor mange lag dei har med, seier Rune.
    -Saman med utruleg god støtte frå ca 50 store og små sponsorar og ikkje minst ein fantastisk gjeng som sel mykje og rimeleg frå kafeen, så blir det ein fin netto på arrangementet.
    -Det fortener og dei om lag 100 i bygda som nå deltek med ein imponerande dugnadsinnsats før og under Vikeputten. Eg er utruleg takknemleg og imponert over kor positive og ikkje minst flinke alle er i sine oppgåver, seier Rune Hetland.

Dugnadsbygda
    Dugnadsinnsatsen kan denne bygda verkeleg vera stolt over.
Og pengane kjem vel med; både til å finansiera klubbhuset, opprusting av anlegget, utstyr og drift av laget.

    -Med Vikeputten og Vikebygd-festivalen slepp me å gjera all slags smådugnader for å skaffa pengar til laget og kan elles konsentrera oss om det sportslege.
   ....og sjølv om det kostar tid og krefter er jo det verkeleg givande å sjå at me klarer å få til eit så stort arrangement som skaper så mykje trivsel for dei unge, og det ser ut til at dei vaksne også kosar seg i Vikebygd denne dagen.  At me set Vikebygd på kartet er og viktig.
 

I tillegg til alle parkeringsplassar ved Bygdahuset stod bilar langs vegen mange hundre meter.
 

Jentene frå Etne møtte Vikebuen

Flaggheising på Trodlanibba og i parken, gudsteneste i kyrkja, kransenedlegging, folketog, leikar, talar og ikkje minst folkefesten i slutten av dagen. Vikebuen er på beina frå morgon til kveld.  Nasjonaldagen 2010

Årleg tradisjon frå år 1900. Enten siste søndag i juni eller første søndag i juli blir det arrangert stemne på Vikestølen.  Her samlast folket frå det fem kyrkjesokna Vikebygd, Bjoa, ølen, Skjold og Vats, men også frå andre bygder og byar.
Vikestølsmøtet 2010
Les 100 år på Vikestølen her

Årleg tradisjon der utstillarar kjem med saft, bær, brukskunst og anna. Her er tivoli og stor fiskekonkurranse.
Festivalbilete frå 2010 HER 
Festivalbilete frå 2009 HER 
Les meir her

Første søndag i september arrangerer idrettslaga i Bjoa og Vikebygd ein familiemarsj eller utflukt til Vikestølen.  Her kjem dei i alle aldrar og deltakarane får diplom.  På stølen er det matsal, konkurransar og utlodding til inntekt for hytta.
Vikestølsmarsjen sept. 2009

Familieidrettsdag erstatta Kvamsåsen Rundt
Arrangert: 2. okt. 2010