Kommuneplan Arealdel

Nye bustadfelt i Vikebygd
Kommuneplan vedteken
(8.2.11 SteinarS)  Kommunestyret vedtok 8. februar arealdalen av Kommuneplanen for Vindafjord.  Her er det lagt inn fleire nye bustadområde i Vikebygd (mørkt gult). M.a. Lio 3, mellom Lio 2 og skulen.  Mange har sett fram til å få på plass nye tomteområde, som det nå er opna for.  At tomteområda er plasserte i sentrum strykjer Vikebygd og gir meir folkeliv, bygging og aktivitet lokalt.  Mindre områder for hus-klyngjer er lagt inn fleire stader i bygda.

Nye familiar vil tryggje både skule, barnehage og butikk.  Vikebygd har mange verksemder som vil ha glede av auka aktivitet og busetjing. 

Det er lagt ned mange år med arbeid i denne planen, der kommunalsjef Øyvind Valen har vore sentral.  Det har vore stor aktivitet med møter i planutval (utvida formannskap) og ulike politiske fora, i tillegg til mange folkemøter i bygdene.  Alle politiske parti i kommunestyret rosa planen som nå endeleg er på plass og vil leggja føringar for bruk og utnytting av areala i kommunen, med enklare saksgong då ein slepp dispensasjonssøknadar i same grad som før. Her er nokre av dei punkt som gjeld Vikebygd:

• Vikebygd – Dommersnes: Området er redusert noko i nordre ende slik at det ikkje blir konflikt med hyttefeltet som er regulert der.
• Det er i planen sett av tomteland som skal dekka 20-40 tomter
• Kommunen har kjøpt meir areal slik at dei to gamle Lio-felta kan bli bygde saman. Nyleg oppkjøp vil gi 10 - 15 tilgjengelege tomter.
• Nord for Trovågfeltet er det sett av eit nytt byggjeområde for bustadar. Dette vil gje 15-20 nye einebustadtomter og ein del konsentrerte bustadar.
• Planen legg opp til at: Vidare utbygging i Vikebygd bør skje i sentrum. I planen er området mellom Liofeltet og skulen tenkt som det første framtidige utbyggings-område i bygda. I tillegg er det lagt inn ei husklyngje på Tindeland og ei på Ulvebne. Saman med eksisterande ledige tomter vil dette gje god dekning dei neste 7 – 10 åra.