Nyttår og nyttårsbarn 31.12.2010 - 1.1.2011

Nyttårsbarnet i Rogaland vart ein ny Vikebu.
(3.1.2010 Steinar)
Årets første barn i Rogaland er frå Vikebygd.
-Barnet som vart fødd 1. januar 2011, kl. 00:49, veg 4078 gram og er 51 cm lang, fortel Elisabeth W. og Rolf Julsrud.

-Vi var ikkje klar over at det var så mykje oppstyr rundt det å komma til verda som nyttårsbarn, og er vel berre glade for at 3. mann i søskenflokken (Askev 5år og Ella 2år) slepp å vere minstemann også når han byrjar på skolen, seier dei glade foreldra, som også kan fortelje at

-Den vesle guten har fått namnet Reiar Winterhus Julsrud. Han kom heim til Vikebygd alt klokka 20:00 på søndagskvelden.  Alt står bra til med både mor og barn og pappaen er fornøyd med litt forlenga juleferie.  Dei reknar med at kommunen nå vil sikra skulen i Vikebygd når dei slik bidreg til barnetalet. 

Vikebygd.org gratulerer dei stolte foreldra med den vesle guten. 

Mildt gråvêr og lågt skydekke ved inngang til 2011
(31.12.2010 SteinarS)  Som sagt.... Dersom isen på Skartlandsvatnet (eller Vasslivatnet..) ber hest og mann føre jul, så blir det mildvêr etter nyttår.  Ja, isen bar godt i adventstida, men nå er det + 3-5 grader og regn i lufta.  Fekk mest lyst tl å senda ut ein etterlysing.  Har nokon sett Alna-åsen i dag, eller vikefjella?

Eg vil med dette ynskja alle Vikebuar eit GODT NYTT ÅR

1. januar, år 2011 etter Kristus
Stormfull nyttårsfeiring i Vikebygd
(1.1.2011 Steinar) Det var mange i Vikebygd som starte oppskyting av fyrverkeri tidleg.  Frå klokka 20 og utover var det jevnleg blink og smell frå rakettar.  Det var nok alle dei som hadde vore inne på YR.NO og sett på vêrvarselet for kvelden.  Det var meldt auking til liten kuling mot midnatt, mens det var periodar med nokså stille vêr tidlegare.  Likevel, då klokka slo 12 slag midnatt var det eit flott skue over sentrum av bygda.  Om pinne-rakettar var erstatta med bakkefyrverkeri, så lyste det flott då den eine tusenlappen etter den andre vart omgjort til lys og glede.   

Med mildvêr, regn og vind så forsvann fort det flotte skiføret vi har hatt i Vikebygd i romjula.  Nå ligg berre restar att bortover bakkane.  Men ennå er det langt til vår, langt til rogn i blomstring står:

Sov du vesle spire ung, ennå er det vinter, ennå sover bjørk og lyng, roser hyasinter. Ennå er det langt til vår. langt til rogn i blomstring står. Sov du vesle spire, ennå er det vinter. Himlens sol ser ned på deg solskinnskyss den sender. Snart blir grønt langs sti og vei, småblomst varmen kjenner. Enn en liten solskinnsbønn; Vesle spire, bli snart grønn! Himlens sol ser ned på deg solskinnskyss den sender.          (Etter Z. Topelius)