Hyttebrann i Vikebygd 2. januar

Brann i hytte i Vikebygd.
Hytteigar kjørt til sjukehus med røykskader.
(2.1.2010 Steinars / bilder: Kåre S.) Det oppstod brann i ei hytte på Dommersnes søndag morgon.  Hytteeigaren låg og sov inne i hytta og vakna av brannen litt før klokka 8:00.  Han klarte å komma seg ut gjennom eit vindauga og brannvesenet vart varsla.  Eigaren vart køyrd til sjukehus med røykskadar og skade i eine handa, men skal ikkje vera alvorleg skada.  Brannvesenet som rykka ut med bil og seks mann, klarte å få kontroll over brannen, men hytta har store røyk, brann og vannskader innvendig.  Årsaken til brannen er ikkje kjend førebels. I tillegg til sjukebil rykka også to politibilar ut til brannstaden.  Utover føremiddagen samla det seg mykje skuelystne bygde- og hyttefolk på hyttefeltet.

Vindauga i hytta var utstyrt med barnesikring og mannen, som ikkje fekk opp barnesikringa, måtte pressa seg ut gjennom den smale opninga, fortel naboar. Andre som kom til ga straks opp forsøket på å sløkkja med vanleg brannslokningapparat, til det hadde brannen fått  for godt tak.  Dei lukka igjen vindauga som var opna og seinka dermed brannutviklinga noko.  Den uheldige hytteeigaren hadde berga seg ut i berre underkleda, og naboar henta straks ei kjeledress og klede han kunne få på seg.

Brannen skal ha starta ved peisen og kan skuldast feil med denne.
Les om brannen også i h-avis.no   NrK.no   Grannar.no   Radio Haugaland

Mildt gråvêr og lågt skydekke ved inngang til 2011
(31.12.2010 SteinarS)  Som sagt.... Dersom isen på Skartlandsvatnet (eller Vasslivatnet..) ber hest og mann føre jul, så blir det mildvêr etter nyttår.  Ja, isen bar godt i adventstida, men nå er det + 3-5 grader og regn i lufta.  Fekk mest lyst tl å senda ut ein etterlysing.  Har nokon sett Alna-åsen i dag, eller vikefjella?

Eg vil med dette ynskja alle Vikebuar eit GODT NYTT ÅR

1. januar, år 2011 etter Kristus
Stormfull nyttårsfeiring i Vikebygd
(1.1.2011 Steinar) Det var mange i Vikebygd som starte oppskyting av fyrverkeri tidleg.  Frå klokka 20 og utover var det jevnleg blink og smell frå rakettar.  Det var nok alle dei som hadde vore inne på YR.NO og sett på vêrvarselet for kvelden.  Det var meldt auking til liten kuling mot midnatt, mens det var periodar med nokså stille vêr tidlegare.  Likevel, då klokka slo 12 slag midnatt var det eit flott skue over sentrum av bygda.  Om pinne-rakettar var erstatta med bakkefyrverkeri, så lyste det flott då den eine tusenlappen etter den andre vart omgjort til lys og glede.   

Med mildvêr, regn og vind så forsvann fort det flotte skiføret vi har hatt i Vikebygd i romjula.  Nå ligg berre restar att bortover bakkane.  Men ennå er det langt til vår, langt til rogn i blomstring står:

Sov du vesle spire ung, ennå er det vinter, ennå sover bjørk og lyng, roser hyasinter. Ennå er det langt til vår. langt til rogn i blomstring står. Sov du vesle spire, ennå er det vinter. Himlens sol ser ned på deg solskinnskyss den sender. Snart blir grønt langs sti og vei, småblomst varmen kjenner. Enn en liten solskinnsbønn; Vesle spire, bli snart grønn! Himlens sol ser ned på deg solskinnskyss den sender.          (Etter Z. Topelius)