Sida er sist endra 31. juli 2011

(SteinarS 30.7.11) Dei 50-60 som valde å ta turen til Plassabakeriet denne laurdagskvelden, vart ikkje skuffa. Plakaten hadde varsla konsert med Tom-Roger Aadland, Vikebuen som fekk Aftenposten sin kritikar til å setja overskrifta: "Imponerende fornorsket klassiker" etter at han kom ut med CD på nynorsk. - Ei gjendikting av legenda Bob Dylan si kan hende beste utgjeving: Blood On the Tracks." Så var det også ein av låtane frå denne innspelinga; "Vikla Inn i Blått" (Tangled Up In Blue), som fekk innleia den nær halvannan times konserten der den røynde nynorsk-røysta fekk tonefylgje av gitar og munnspel. 

Etter ein rekkje med fornorska Dylan-låtar kom turen til eigne Aadland songar.  Mange av desse hadde han fått inspirasjon til, sa han, på turane langs E-134 frå Oslo til Vikebygd. Særleg på ein spesiell vegstrekning aust for Vinje.  -Her fekk eg ein dag ein tekst i hovudet, som eg måtte gjera ferdig straks eg kom fram til Vikebygd, fortalde han.  Det var ein sigøyner-inspirert tekst og melodi, som fekk tittelen: Støyande Hjarte."

Ekstra konsert med Bytunet Antikvariske Jazzensemble Ikkje før var konserten over - så tok nye musikkarar til å bera inn instrument.  Andreas Ulveraker i spissen for Bytunet Antikvariske hadde i ei veke halde på med øving og førebuing til konsertar på Sildajazzen. Nå  fekk Vikebu og hyttefolk oppleva gladjazzen frå New Orelans i restaurant teltet i Vikebygd.	Tom-Roger Aadland har gjeve ut: Obviously embraced Blod på Spora  Det du aldri sa	FRÅ STØYANDE HJARTA:   Eg veit at du ikkje tenkte Å vere så kort og kontant Og eg hadde ikkje trengt å Ta det fullt så galant Men no er terningen kasta No er stormen på veg Eg har surra meg fast til masta Eg blundar og ser for meg deg Her er mitt støyande hjarte Her er min døyande puls Eg kan trenge litt hjelp med å starte Klarar du det, er me skuls Då eg såg deg først, gjekk eg i dørken Det var eitt eller anna ved deg Som sa meg at førti års ørkenvandring Var over for meg Du førte deg nett som ei dronning Som om du var skjult bak eit slør Du smakte som mjølk og som honning Ingenting kunne bli slik som før	Ny CD under arbeid. Tom-Roger sin tredje CD, og andre på nynorsk, kom ut i mars i år og fekk tittelen: "Det du aldri sa." Eit album han tok til med i Sør-Afrika og som er gjort ferdig i Oslo, Telemark og på Vestlandet. -Me spela inn 18 ulike låtar, og det er berre ti av desse på denne CD'en så eg har nok til å gje ut ein til. Den er planlagt til neste haust, kunne musikkaren fortelje.  Stemninga i konsert teltet utanfor Plassabakeriet steig utover i konserten.  Tom-Roger fekk publikumet med seg i ein av låtane.  Ikkje til å syngje, men til å reise seg etter tur etter kvart som stikkord i teksten dukka opp. I slutten vart han overtalt til både å vera for-songar på "Happy Birthday to you" for Hanne Jorunn som feira dagen sin i dag, og til eit ekstra nummer.  Og at musikken og songane ga meirsmak var det ikkje tvil om.  Salet på CD'ar etter konserten synte tydeleg dette i tillegg til lovord og applaus. Vikebuen er nok litt stolte over alle dei musikkarane som kjem frå bygda.
Andreas Ulveraker - trompet, Svein Sandvold  -trombone, Terje Ek - tuba, Trygve Strand - Klarinett Sax og Trygve Flåtene - banjo og vokal.

Informasjon om Vikebygd. Bygda som ligg
ved Ålfjorden i Vindafjord Kommune i Nord-Rogaland. 
--------------------
Har du ynskje om å få lagd link herfrå til gode Vikebygd sider,
så send ei melding om dette til Steinar Skartland, eller 
Tilbakemeldingar om websida HER.