Sebastian Tangen - Årets stintefiskar med 1,22 kg
stinter.
Sebastian Tangen vart årets stintefiskar på Vikebygdfestivalen,
men kven er det?
-Det har ikkje vore mulig for oss å finna ut kven dette er, seier Dag Hans Nagel-Alne,
men han vart vinnar i konkurransen som Årets stintefiskar, og skal ha pokal.
Kan han, eller ein som kjenner han, ta kontakt med Dag på mobil 93826355, eller Solveig på mobil 95900136,
så er det von om at premien kan overleverast.
Han fekk ein rekordstor stintefangst som vart vogen inn på heile 1,22 kg. |
|
Festival i Vikebygd
God deltaking på Vikebygdfestivalen 23. juli
(23.7.2011
SteinarS) (Fotoalbum
her) Det var eit heller dårleg utgangspunkt for festival og
feiring, morgonen etter det tragiske terrorangrepet Noreg opplevde.
Festival leiinga vart likevel samde om å gjennomføra festivalen på dagtid, men
avlysa dansen om kvelden. Ei rett avgjerd. Terroren må ikkje få vinna, men
samstundes kjennest det feil med fest og dans når så mange er i sorg.
Leiar og konferansier, Solveig Hortmann, viste til tragedien i opningstalen og
oppfordra folk både der og i avslutninga til å ta godt vare på kvarandre denne
kvelden og gjerne å gi kvarandre ein klem.
Og folk kom det, sjølv om Himmelens sluser opna seg ei stund på dagen. Ikkje så
mange som i fjor, men likevel kjøpte 240 fiskekort til konkurransen, kunne
Rune Hetland fortelje. (I fjor deltok 278). Men humøret
var godt. Køen for å kjøpe Snurringar var til tider lang, og folk tok seg tid
til både aktivitetar for born, salsboder og kafé. Utpå dagen kom sola fram
og ga ein fin avslutning på arrangementet som var eit samarbeid
mellom korpset, idrettslaget og Plassabakeriet. -Både loddsal, kafé og sal av
fiskekort gir gode inntekter til korps og idrettslag, kunne Jorunn Tjoflot
fortelje mellom innskriving i basarbøkene. Solveig Hortmann hadde ikkje
nettoresultatet klart på kvelden, men brutto inntekter nede på kaiområdet blir
truleg over 80.000 kroner. Så går alle utgiftene i frå, kunne ho fortelje.
Omlag 40 dugnadsfolk deltok.
Ikkje alle kunne klaga over dårleg fangst, men stolt visa fram flotte resultat
av den 2 timar lange fisketuren på Ålfjorden. Her er Karl Høie med ein lyr
på 3,1 kg og Cassandra Hoel med ein sei på 3,05 kg. Ho hadde fiska den
sjølv på stang med havsnelle. -Men pappa måtte hjelpa til med å få den opp i
båten, kunne ho fortelje.
Det var ein travel dag for Bjørn Vik og staben på Plassabakeriet. Her
omkransa av assistentane, Ingrid V. Ulveraker og Marie Mortveit, med
snurringsbaksten i det gamle bakeriet. Han fyrte opp om kvelden før og
heldt varme i grueomnen heile natta med lange bakhun som ved. Klokka 6 om
morgonen var han oppe og raka ut av omnen og klargjorde den for baking. -Kom
litt seint i gang med bakinga då vi måtte ordna med avlysing av dansen i kveld,
fortalde Bjørn som heldt det gåande langt utover dagen med bakst og sal av
snurringar. Ute i snurreboden haddde andre ungdomar jobben med å selja.
Og køen vaks. Snurringane var selde før dei kom or omnen.
Fotoalbum frå Festivalen 2011 finn du her.
Kor mange som var innom
festivalområdet er vanskeleg å fastslå, men talet nådde nok ikkje rekorden frå
2010,
(då var
det truleg heile 2000 innom). Men nye kom til når andre gjekk heim, så
det ein kan vera godt nøgd med oppmøtet også i år.
|
