Litt frå Vikebygd 2011

Per Øyvind Valen
- Haugalandet sitt fremste O-håp
(29.8.11 SteinarS)  Under Vestlandsmeister-skapen i orientering, som vart avvikla i Skudenes-havn i helga, vart Per Øyvind Valen klart best.  I klassen 17/18-år kom han i mål heile 9 minutt før nr to.  Per Øyvind er vaksen opp i Vikebygd og var i mange år svært aktiv i den lokale orienteringsgruppa med deltaking i ei rekkje mesterskap.  Frå haustsessongen 2010 melde han overgang til Haugesund IL, då han byrja på Haugesund Toppidretts-gymnas, linje for orientering.  Nå vil ha satsa skikkeleg framover og stiller om to veker i NM Langdistanse.

Les meir i Haugesunds Avis  

Tilbod om ”BOK I BUTIKK” i bygdene i Vindafjord.

Dei som ynskjer å lesa ei bok, sjå film høyra lydbok el.a. kan bestilla dette frå Vindafjord bibliotek. Biblioteket køyrer ut bestilte media ein gong i veka, slik at det bestilte kan hentast på ein butikk eller bensinstasjon i nærleiken.

Frå 1. september køyrer dei ut bestilte media til Joker-Vikebygd
Joker- Bjoa, Joker- Vikedal
Shell- Knapphus, Shell- Sandeid

På biblioteket si nettside kan du søka i katalogen og sjå alt kva som er i samlinga, for deretter å bestilla via nettet det du ynskjer: www.vindafjord.folkebibl.no

Du må ha lånekort frå biblioteket og ein PIN- kode. Treng du hjelp til dette, kontaktar du biblioteket på:  Tlf: 53 65 58 60, eller
epost: vindafjord.bibliotek@vindafjord.kommune.no 

NB! På same stadene er det også innleveringskasse, der du kan levera
media som er lånt på biblioteka i heile Rogaland!
Les meir her     ("Biblioteksjefen" 25.8.2011) 

Laurdag var det Tangokonsert med tango-oppvisning i Bjordal. Orkesteret frå Kypros spela til milonga (= tango-dans).  Kypriotisk TV team deltok for å lage reportasje frå arrangementet og Vikebygd.  Og dei røynde instruktørane: Mustafa og Pembe, deltok også i år.  Les meir HER.
Eit TV-team tok turen frå Kypros til Seinsommartango, står det på TangoTare-klubben på si webside. Dei vart verande ei veke for å oppleva Bergen, Haugesund, Karmøy og Vikebygd. Tangodansarane vart igjen for å oppleva Seinsommartango-nachspiel&bursdagsmilonga på Geitungen fyr søndag 28. august.
 

Last ned og sjekk:
       programmet for speidarane hausten 2011. 

speidar-webben:
       www.vikebygd.org/speidar 

Storspeidaren startar opp onsdag 7. sept kl 18:00.  Både nye og gamle er velkommen.