Dei unge fotballspelarane fekk diplom og pokal for god innsats gjennom fotballsesongen. Kvert kull ble tatt fram til scenen. Oppmenn og trenarar fekk også ein oppmerksomhet.

Ung og lovande musikar
Vegard Skartland vann Stjernå
(3.11.2012 SS)  - I “Stjernå”-finalen sang Vegard Skartland (15) seg inn i publikums hjerter med Kaizers Orchestras “Hjerteknuser”, skriv H-avis i sin reportasje frå finalen. 

Finalen gjekk føre seg på ein scene inne på Amandasenteret laurdag 3. nov. Etter fleire rundar der publikum og andre kunne stemma med SMS, var det fire igjen i finalen der "Stjernå" skulle kårast. Til slutt stod Ine Rossebø Knudsen og Vegard Skartland igjen oppe på scenen.  Vegard song "Hjerteknuser" til musikk av Arne Tveit.

Vegard vann førstepremien som var ein sjekk på 10.000 kroner frå Mediehuset Haugesunds Avis. Amandasenteret dobla dette beløpet med ein ekstra sjekk på 10.000 kroner. Dei andre finalistane fekk kvart sitt gåvekort på 3.000 kroner.

Vegard er ein aktiv gut som er aktivt med både i korps, orientering og fotball, når han ikkje køyrer rundt med traktor heima på garden der han bur. Etter finalen hadde han tenkt seg på pizzabowling med fotballaget han er trenar for. – Og så skal eg heim til Vikebygd og vera glad, sa han då finalen var over. 
Sjå bildeserien frå konkurransen, her. 
Høyr Vegard i semifinalen her 

Utviding av Jokerbutikken (SteinarS 15.10.2012)  - Eg har søkt om å få byggja om inngangspartiet på butikken, kan Rolf Alne fortelje. Eit utbygg som vil gå ut frå der døra er i dag og til flaggstonga, og med dør vendt mot sør.  - Då vil det verta mindre trafikkfarleg, og folk går ikkje rett ut i vegen.  Løysinga får automatiske dører som opnar seg til sides, og det skal verta romsligare forbi kasseapparatet. Dette er eit tiltak for å gjera butikken betre tilgjengeleg for rullestolbrukarar og ein del av universell tilrettelegging. 

Kjøpmannen har søkt kommunen om tilskott til denne tilrettelegginga som vil gjera butikken meir kundevenleg og vonleg tryggja framtida. 

Mange våte dagar i Vikebygd denne hausten
(10.11.12 SS) Natt til laurdag 10.11. gjekk Fylkesmannen sin beredskapsavdeling ut med varsel om mykje regn i ytre og lågareliggjande strok i Hordaland og Nord-Rogaland.  Vassmengdene kunne merkast godt både om natta og i elvane dagen etterpå, slik biletet her er frå Vikeelva viser.

Nyheter om flaumfare og vassføring kan du finne på: www.nve.no/no/Flom-og-skred/

Yr.no melder om fint vêr og sol i Vikebygd på måndag. (Melding: Klarvær. Svak vind, 3 m/s frå vest. 0,1 mm nedbør i døgnet.) Men som det gamle ordtaket seier: Kor lenge var Adam i Paradis?   Tysdag er varsla regnet og vinden tilbake, og varslar:   Regn. Laber bris, 8 m/s frå sør-søraust.
4,9 mm nedbør i døgeret.  Sjå langtidsvarselet her   

Vikebygd Kyrkje
NY INNGONG FOR RULLESTOLAR
 

(24.11.2012 SS)  I november har det gått føre seg arbeid ved kyrkja for å laga rullestolinngang.  Denne blir bygd saman med trapp i hovudinngangen.

For nokre år sidan vart det laga ei midlertidig løysing på baksida av kyrkja.  Nå skal rørslehemma sleppa å måtta gå inn bakvegen, men kan koma inn eller ut saman med resten av kyrkjelyden, vener og familie.

Så hadde vore veldig flott om ein også kunne få lagt til rette eit toalettrom tilpassa handikappa.