Tnenning av julelysa i Vikebygd 26. november

Advent og førjulskos
Korpsmusikk, fakkeltog og graut då juleljosa varet tende.

Ljostenning til korpsmusikk
(26.11.2010 Steinar)  Då klokka nærma seg 18:00 på fredag 26. november samla folk seg utanfor landhandelen i Vikebygd. Trass i åtte kuldegrader og svak vind så møtte omlag 50 born og vaksne i tillegg til korpset med 11 musikarar. Rolf hadde gløgg gryta og faklar klare.  Handlegata i Vikebygd er kort, men lysa skulle likevel tennas for å markera at vi nå går inn i advent. Korpset spela fleire nummer, men kulden gjorde at ventilane på eit og anna instrument vart for trege.  Kjetil Skartland valde å varma tubaen sin over open eld for å få ventilane  til å virka.  Og korpset svikta ikkje.  Vakker julemusikk fekk fylla den mørke kvelden.  Rolf Alne viste i si takksemd for at dei alltid stiller opp med godt humør, og overrekte ei gåve til korpset ved Solveig Hortmann etter at han hadde tent ljosa på juletreet ved butikken.

Fakkeltog
Då konserten var over fann Rolf Alne fram faklar.  Borna fekk kvar sin som dei tende i ei tønne med open eld. Saman  gjekk store og små i fakkel-tog til Gamlatunet.  Her fyltes stovene opp. Jakob og Anita hadde fått hjelp til grautgrytene av familie-medlemmer. Dei selde over 60 tallerkenar med graut og i tillegg pølse i brød, kaffi og kaker.  Folk kosa seg samen til levande musikk frå korpset som hadde benka seg oppe i andre etasje. Litt lettare å få fram jule-tonane når dei fekk varme i både fingrar og instru-ment.

Kristtorn for skuletur
Og utanfor Gamlatunet hadde to skule-ungdomar stilt seg opp.  Amalie og Glenn selde kristtorn til inntekt for klassetur i 7. klasse til våren.  
 
-Me har ikkje bestemt kor turen skal gå ennå, fortalde Amalie. Men fortalde at dei gledde seg både til turen og til å ta til på ungdomsskulen i Skjold til neste år. 

Så var dette endå eit eksempel på korleis folk i Vikebygd samarbeider og får til ting i saman.  Om bygda er lita så er gleda over å få laga til noko kjekt i saman, desto større.

Les meir HER.