Vikestølsmarsjen 5.9.2010

Vikestølsmarsjen 2010
Mykje folk i alle aldrar tok turen til fjells
(5.9.2010 Steinar) Truleg var det mellom 150 og 200 som la turen til Vikestølen og deltok i marsjen frå Eikås på Bjoa eller frå Vikebygd.

Omlag 100 betalte kontingent og fekk diplom som i år var ein teikning laga av Ingrid Espeland. Ein skuleklasse fekk i oppgåve å laga teikningar, og Ingrid vann med si teikning.

På stølen er det sal av lapskaus, pølser, kaker og kaffi.  Det var laga 70-80 porsjonar med lapskaus, og dei for ut tidleg.  Alt i eitt-tida måtte denne retten strykast frå plakaten, men pølsene som Vølstad grilla var det nok av til alle.

Det er tradisjon med hesteskokasting som ein av aktivitetane.  Nokre hadde betre dreis på kastinga enn andre. Familien Vikingstad frå Karmøy hadde tydelegvis vore borti dette før og dei tre søskena kom høgt på resultatlista der Ola Harald Alne var nøye med målestaven og utrekninga.

Hesteskokasting.  Tradisjonell aktivitet på Vikestølsmarsjen.   Kristine Vikingstad sender skoen avgarde. Damer: Kristine Vikingstad - 32 poeng Astrid Vølstad - 12 poeng Menn: John Øren - 37 poeng Gunnar Birkeland - 32 poeng Sverre Hovland - 24 poeng Jenter: Ingrid Vikingstad - 24 poeng Gutar: Lars Kristian S. Sandsgård - 45 poeng Håvard Vikingstad - 30 poeng Birger Alne - 24 poeng	Kristine traff godt Jakob Rødde prøver hesteskoen
Vinnar av ryggsekken som vart trekt ut mellom dei som hadde signert gjesteboke/gratis loddboka, vart Erik Haraldsen frå Bjoa.  Elles vart det seld mykje lodd så mange fekk med seg gevinstar heim frå stølen.	Loddtrekning
Det er Vikestølsnemnda som står som arrangør.  Bak denne står Idrettslaga i Bjoa og Vikebygd.  Nemnda har nå desse styremedlemane: Toralf Gåsedalen (Vikebygd) Ola Harald Alne (Vikebygd) Mona Fostenes (Vikebygd) Jarle sandsgård (Bjoa) Rita Bjørnøy (Bjoa) John Karlsen (Bjoa)	Loddsal og Diplom
Mange hadde hund med på fjelltuern.  Her er ein kvelp på 5 månader som var veldig interessert i både pølser i låg høgde og å helsa på dei mange store og små han møtte på Vikestølen.	Borna fann mange å leika med oppe i skogkanten