|
 Vellukka
arrangement med 55 deltakarar
(23.8.10
Birgitte Torbjørnsen/Steinar Sk.)
Arrangørar
og deltakarar var svært nøgde med tangokurset
20.-22. august. Dei 55 deltakarane kom frå eit
stort distrikt, men berre ein frå Vikebygd utanom kommiteen.
55
personar var med på eitt
eller fleire av kursa eller dansekveldane på Plassabakeriet
og Bjordalstunet. Det var deltakarar frå Voss,
Jondal og Kinsarvik i aust, Bergen og Øystese i
nord, Haugesund i vest og Stavanger i sør og faktisk ein
ferierande frå Sveits som hadde lese om hendinga i Grannar.
Men at berre ein frå Vikebygd kom var komitéen
noko forundra over.
 Herleg mat vart servert.
- Deltakarane
var strålande nøgde med alle lokala,
kursinnhald, instruktørane og ikkje minst den herlege maten
me fekk servert, oppsummerer
Birgitte då helga er over.
- Først
med taco på Plassabakeriet
fredagskvelden, karbonader og salatar av Rolf på laurdagen,
hjortesteik som festmiddag laurdagskvelden i Bjordal og lasagne med
herleg kaka på Gamlatunet sundagen.
Ho rettar ein stor takk til dei som stilte lokala til
disposisjon og stod for
den herlege maten!
På laurdagen arrangerte også Magne Bjordal felles
tur til Trådlanibbå som pausegymnastikk
for dei som ynskte.
Vikebygd
har topp lokale for seinsommartango.
- Bygdahuset
eigna seg særs godt til kursa då me
kunne halda parallelle kurs i Litlesalen og gymsalen samstundes. I
pausane kunne deltakarane nyta brus, kaffi, te, småkaker og
frukt i møterommet der biljardbordet står,
kan Birgitte fortelja.
Dei to dansekveldane heldt på til midnatt fredagen og heilt
til totida laurdagskvelden, før det var på 'an
igjen dagen etter i 10-tida med nye kurs. Det heile vart runda sundagen
i 17-tida.
Instruktørane frå Kypros storkosa seg i den svale
vestlandssommaren etter å ha rømt frå
den varmaste sommaren på Kypros sidan 1880 med heile 43
grader i skuggen.
Laurdagskvelden
heldt begge instruktørpara
eit kvarters oppvisning i tangodans for begeistra tilskodarar.
Fellesbilde av kursdeltakarane samla på Bygdahuset i Vikebygd.
Nybyrjarkurs i Tango på
bygdahuset.
Meir informasjon om arrangementet
på: http://seinsommartango.wordpress.com/
|
LES /
SKRIV i 