Stor og flott kyrkjekonsert i Vikebygd 7. november

Men før desse fekk sleppa til var ei rekkje lokale og dyktige artistar på scenen som var bygd opp framme i kyrkja. Ein entustiastisk Berge Thomas Velde hadde fått med eit erfarent team som rigga lys, høgtalaranlegg og musikkutstyr. Dei måtte kopla om på noko av det elektriske anlegget for å skaffa nok straum til alt utstyret.

Både ordførar Arne Bergsvåg, kyrkjeverje Inghart Lasse Tveit og sokneprest Johannes Nedrelid var som stålande soler i andletet då dei kom ut av kyrkja etter over to timar med musikk av høg kvalitet. Nå vonar soknerådet på drahjelp vidare frå både kommunen, bygdefolk og andre for å få til eit omfattande vedlikehald på denne kyrkja, som av mange er kalla katedralen i kommunen. Ei murkyrkje som snart er 75 år, men plassert på ein kyrkjestad med over 800 år tradisjon. 

Brit Nelly Ness Tveit gjorde ein god jobb som konferansier gjennom konserten.

I avslutninga måtte ho takka og rosa spesielt dei to som tok initiativ og har vore komiteen som har drege lasset med å få til konserten: Rolf Alne og Berge Thomas Velde, som begge sit i soknerådet. 

Meir bilete vil bli lagt ut seinare.

Tekst og foto:
Steinar Skartland
7.11.2010 

Startskotet for Soknerådet si innsamling

Søndag 7. november - klokka 18:30
Kyrkja i Vikebygd er 75 år i 2012.  I det høvet trengs midlar til ei større oppussing av kyrkjebygget. Soknerådet inviterer derfor til ein storslått konsert til inntekt for dette. 

Pris:   Vaksne kr 150,-;  Barn kr 50,- og familie kr 350,-.
På konserten vil du få høyra musikk av:

• Bytunet Antikvariske Jazzensemble

• Vikebygd Skulekorps

• G-17 Teamet (Band og songarar)

• Arne Tveit, Helge Veastad og Lina Fisk Eide

• Jone Bjerga

• Vegard Skartland

Still opp og få ei musikkoppleving !