Misbruk av kyrkja sin konteinar?
Det står tydeleg oppslag på både konteinaren og oppslagstavla ved kyrkja at denne berre er for kyrkjegardsavfall (ei teneste for dei som steller gravene for
sine avlidne slektningar)
(Steinar 22.7.12)  Er det fastbuande eller ferie-gjester som kastar det private avfallet sitt i kyrkja sin konteinar?  Undrar eg meg.

Konteinaren er sett her for at dei som ryddar og steller på gravplassen til sine avlidne slektningar, skal kunna kaste "hageavfall" blomar og gravpynt her.  For ei tid sidan var det ein raud sofa oppi her.  Nå er det mange sekker med avfall som garantert ikkje kjem frå gravplassen. Kanskje det er ein namnelapp på noko av det som er kasta?

Ei rekning på 250 kroner pr sekk til dei som har levert her, kunne kanskje vera på sin plass, så kan dei midlane koma vedlikehaldet av kyrkja til gode?  Kyrkja betaler leige av konteinaren og betalar for kvar tømming der dei leiger bil til å transportere bosset til kommunal avfallsplass.  Dette er ikkje ein konteinar som skal nyttast til anna enn kyrkjegardsavfall.  Ein konsekvens av dette misbruket, om det gjentek seg, kan bli at ein må ta bort denne konteinaren (slik ein måtte gjera for nokre år sidan då folk som fiska på fjorden her, kasta fiskesloet i konteinaren etter sløying).

PS.
På ein fottur strekninga Veastad - Skartland har eg tald omlag 40-50 tomme snus-boksar, av merka Skruf, i vegkanten (det var dei eg såg). Mitt ynskje er at foreldra kan læra borna sine å ta hand om avfallet dei skaper.  Å kasta avfall ut av vindauga på bilen er for meg ufatteleg. Ungdom og vaksne: - Ta hand om ditt eige avfall og legg det i søppeldunken heime eller på arbeidsplassen din. Det forventar vi andre av deg. Så er du med og tek vare på den flotte bygda vår.
  
Og om du ikkje veit kva Skruf er - så les litt her.

Søppel langs vegen
Kasta av bilistar?
(Steinar juli 2012)  På ein fottur strekninga Veastad - Skartland har eg tald omlag 40-50 tomme snusboksar, av merka Skruf, i vegkanten (det var dei eg såg). Mitt ynskje er at foreldra kan læra borna sine å ta hand om avfallet dei skaper.  Å kasta avfall ut av vindauga på bilen er for meg ufatteleg. Ungdom og vaksne: - Ta hand om ditt eige avfall og legg det i søppeldunken heime eller på arbeidsplassen din. Det forventar vi andre av deg. Så er du med og tek vare på den flotte bygda vår.
  
Og om du ikkje veit kva Skruf er -
så les litt her.