Påsken 2011

(17.4.2011 SteinarS)  Palmesøndag fekk namnet sitt fordi Jesus saman med disiplane var på vandring frå Betania til Jerusalem for nær 2000 år sidan. Mange andre var og komen til hovudstaden for å feira den store Jødiske høgtida. Jesus fekk setja seg på eit esel, medan resten av fylgjet gjekk til fots.  Dei vart møtt av jublande folkeskarar som la palmegreiner på vegen og ropte Hosianna.

Slik var det også ein heil del som ga seg i veg til fots oppover til Vikestølen i dag.  Vi vart ikkje møtt med palmegreiner, men langs vegen var det hogd ned mange små furutre som låg der i vegkanten.  Det kunne kan hende gi oss assosiasjonar?  Utanfor Vikestølshytta var det omlag 35 som samla seg på terrassen.  Eit bord var pynta; ein kross laga av bjørketre var sett opp, og ei klokke var hengt opp i eit tre.  Her skulle vera Friluftsgudsteneste tillaga av Bjoa sokneråd og med prostiprest og fengselsprest Arild Markussen som liturg. Han tala frå teksten i Johannes' evangelium, kapittel 12 (v.1-13). Om Jesus som vart salva med dyr nardussalve, noko som til vanleg berre var tiltenkt kongar. Og Jesus vart denne spesielle dagen hylla som ein konge, -på veg inn i Jerusalem. Arild forklarte oss at Hosianna, som folket ropa og song, eigentleg betyr: "Kom og hjelp oss ut, da vel."

Når denne denne kyrkjelyden med folk frå fleire bygder hadde fått gudsteneste og åndeleg føde, så var det sjølvsagt også tid til kaffi og mat for magen, før vandring tilbake til våre eigne bygder og vår påskefeiring, tok til. 

15.4.2011 - Påsken nærmar seg.
Vêret i Vikebygd kan bli slik:

Kva finn vi på ?

Tur i skog og fjell i påskeveka - lokalt i Vikebygd