Vikebygd skule og ungdomskorps

(16.4.2011 SteinarS)  Dei 50-60 som hadde møtt opp for å høyra konserten, vart imponerte over kor samspelte og dyktige dette vesle korpset har vorte.  Laurdag var dei utan dirigenten, men Solveig Hortmann trampa takten og talde opp.  Dei hadde øvd i fleire veker, og dette viste resultat.

12 av korpsemedlemane med utandørs minikonsert.

	-Nå er dei ikkje lengre aspirantar. Dei nye som tok til i fjor er ferdige med opplæringa og fullverdige korpsmedlemmer nå, kunne Solveig Hortmann fortelje mens korpset gjorde seg klare til konsert.  12 av dei 15 medlemane var med i dag.  Bakerst stod unge Daniel Liodden med tromme, elles var det blåseinstrument.    Korpset etterlyste for kort tid sidan fleire musikantar som kunne tenkja seg å bli med.  - Vi har fått 10 nye som har meldt seg, kunne Solveig stolt fortelje.
Stine Lise og Mona har spela i korpset i mange år		Solveig Hortmann brenn for korpset

   - Dei kjem saman på skulen kvar fredag ettermiddag.  Der blir dei underviste av Andreas Ulveraker, fortel Kjetil Skartland, ein av ei verkelege veteranane i korpset. 
- Vi prøvde tidlegare med opplæring gjennom musikkskulen, men det gjekk ikkje.  Med Andreas, som både er dyktig musikar og underviser på musikkskulen i Haugesund, har opplæringa av aspirantane fungert veldig bra.

Men det kostar å ha så profesjonell hjelp.  Korpset må leggje ut 45.000 kroner i året til dirigent og opplæring av aspirantane. I tillegg til instrument og andre utgifter så ser ein at korpset har ei stor utfordring i å få inn nok midlar til å halda på.  Denne konserten var kombinert med Påskelotteri i tillegg til sal av kaffi og kaker, for å få inntekter.  Hovudpremien er 5 menn i to timar - kva dei skulle nyttast til var visst opp til vinnaren.  Rolf Alne var ikkje i tvil:  - Vinn eg så skal dei få vaska huset mitt, flirte han.  Kjøpmannen hadde nok ein god dag.  Konsert og sal av kaffi og kaker trekte kanskje ein del ekstra kundar?

(8.4.11  SteinarS)  Vikebygd Skule- og ungdomskorps skal igjen i elden.  Laurdag 16. april klokka 11:00 har dei tillyst minikonsert utanfor Jokerbutikken.  Her vil dei og selja lappar og kaker til inntekt for korpset. 

Arrangementet er kombinert med påskelotteri, som skal trekkjast kl. 14:30, laurdag 16.  Dei har fått mange flotte og kreative gevinstar. Denne dagen bør både bygdefolk og hyttefolk planleggja god tid når dei skal på butikken for å handla. Her er musikk og kaker og høve til å støtta eit flott kultur og ungdomsarbeid i Vikebygd.  Sjå plakaten her.

Har du lyst til å spela i korpset?
Korpset treng nye medlemmer og har sett i gong ein vervekampanje.
- Vi har fire ivrige, flinke aspirantar  og fem dyktige, lovande ungdomar! fortalde Laila Øvstedal Espeland til vikebygd.org i mars.  I tillegg er det fire iherdige vaksne med, men dei vonar at fleire, både nye og folk som har spela før, kan melda seg.
Vervekontakt er: Marijann Belt Larsen, mobil 90 06 58 95.

Aspirantane spela i kyrkja 7. november 2010

(21.3.2011 SteinarS)   Vi er stolte av det vi har i Vikebygd.  Og mellom desse mange ting vi har å gle oss over, er korpset.  Gjennom mange år har ei lang rekkje unge og vaksne i saman gjort dugnad og stått på for at bygda skal ha musikkorps.  Vi kan berre rosa alle dei som har vore med og gledd oss med flott musikk i konsertar, tenning av julegrana, på juleafta og 17.mai.  Kjempebra jobba!