Terror i Noreg

Noreg vart 22. juli 2011 råka av ein terroraksjon då Anders Behring Breivik sprengde ei kraftig bombe utanfor regjeringsbygget i Oslo.  Her vart 8 drepne og mange skada.  Deretter reista han til Utøya i Tyrifjorden, forkledd som politi. På øya skaut han mot ungdomar som var på AUF sin sommarleir og drap 68 menneske.  Totalt har 77 menneske døydd etter terrorhandlinga, i tillegg vart mange skadde.  Fleire ungdomar frå Haugalandet deltok på leiren, og det var både skadde og drepne mellom dei.  Anders Bering Breivik, som sympatiserte med ytterliggåande høgrekrefter og anti-islamittiske organisasjonar i både Norden og Europa, vart arrestert på Utøya.  Noreg var nærast i sjokk, men statsministeren og politikarar i alle parti gjekk raskt ut og oppmoda til meir openheit og meir demokrati.  Terrorhandlinga skulle ikkje få knebla Noreg og demokratiet.

Over heile landet var det markeringar og store fakkeltog som samla tusenvis av menneske på tvers av religiøse, politiske, etniske og aldersmessige skiljelinjer.  All politisk valkamp vart sett i bero til etter den 13. august.

Les meir på  NrK.no
 

La oss nå ikkje bli fulle av hat - men hjelpa kvarandre til å gå vidare og halda fram med å byggja landet som ein open og demokratisk nasjon.  Vi må la politiet få gjera jobben med å etterforske og finne årsaker.  Så får domen koma frå domstolane. Det som har skjedd kan skje igjen.  I staden for å fylle sinnet med hat - la oss fylle det med omsorg og medkjensle for dei som er råka og med dei som vi møter i kvardagen.

Eirik Larsen (15) talte til 15.000
Vikebuen Eirik Larsen (15) talte til dei nærmare 15.000 på rådhusplassen i Haugesund under folketoget sist mandag 25.juli.
 
Som leiar i Haugaland AUF var det ei tøff oppgåve for den unge vikebuen å tala til dei nærmare 15.000 personane som hadde møtt opp i fakkeltoget gjennom Haugesund sentrum for å minna ofra etter terrorangrepet i Oslo og på Utøya, meldte Grannar.
Les meir HER.  
 

Vindafjord Kommune:
Kondolanseprotokoll utlagd
Frå kl. 12.00 måndag 25 juli vart det lagt ut kondolanseprotokoll på Vindafjord rådhus knytt til tragedien på Utøya/Oslo. Alle som ynskjer det, er velkomne til å nytta høvet til kondolanse her.  Les meir HER. 

Kontaktnummer i samband med tragedien i Oslo og Utøya
Helsedirektoratet har bedt alle kommunar om å oppretta eit kontaktnummer som kan nyttast.  På dagtid (kvardagar kl. 08.00- 15.30) kan du nytta sentralbordnummeret til Vindafjord kommune - 53 65 65 65. Ved kontakt med dette nummeret kan me formidla hjelp frå kriseteamet eller andre aktuelle ressursar i kommunen. Dersom du treng hjelp til andre tidspunkt er kontaktnummeret til Vindafjord kommune:
48 89 17 54.      Les meir HER