Bøsseinnsamling søndag 22. oktober
Vikebuen ga kr. 19.800 i bøssene!
av Steinar Skartland, medlem i aksjonskomiteen i Vindafjord, 22.10.17
|
I solskin og vind gjekk 8 vikebuar med bøsser og banka på alle dørene i
bygda, i tillegg til to som stod for organiseringa. Dei vart alle godt
mottekne, og var det nokon som ikkje hadde kontantar eller som ikkje var
heime, så fekk dei ein lapp med kontonummer og VIPPS nummer for å kunna
senda pengar elektronisk.
I heile Vindafjord kom det inn ca.
kr 250.000, i dei 114 bøssene. Totalt var nær
130 personar i aktivitet med innsamling, organisering og oppteljing. Vi kan
berre retta ei stor takk til alle som deltok og alle som ga.
Ikkje alt blir registrert i oppteljinga.
I tillegg til bøssene så var det ein næringslivstafett dagane før innsamlinga. I
Vindafjord kom her inn kr 101.572 inkludert bidraget frå kommunen på kr
25.000,-. Men ikkje alt kan registrerast lokalt. Midlar som kjem inn
via VIPPS og direkte bidrag til aksjonen sin konto, vert ikkje fordelt på
kommunen. Dei er likevel med i totalbeløpet på landsbasis.
Totalt i Vindafjord kom et inn kr 250.085 i bøssene og med andre registrerte
bidrag er totalen kr 366.162. Ein reknar med at dette stig m.a. med
det som kjem inn på VIPPS og andre bidrag.
Vil du gi, kan du nytta
VIPPS nr.: 2133
(valgfri sum).
eller
SMS: send TVA til 2133 (250 kr). |
|
To av eldsjelene i arbeidet med aksjonen lokalt er Jon Olav Velde og
Magne Christi-ansen (banksjef i SR-bank), som saman med lokale
innsamlingskontaktar i kommune-komiteen og medhjelparar frå banken, stod
for oppteljinga søndag kveld. |
Dei innsamla pengane skal gi barn i Colombia, Mali, Syria, Pakistan og
Sør-Sudan tilgong på læring. Eit av fem barn i krig- og konfliktområde står
i dag utan skulegong. Unicef jobbar hardt og målretta for at barn ikkje skal
få øydelagt framtida på grunn av dei vaksne sine krigar og konfliktar.
Skulegong gir born som lever i konfliktområde ein moglegheit til å læra,
leika og vera saman. På sikt bidrar utdanning til å byggja opp att samfunn
og gi håp for framtida.
Aksjonskomiteen vil takke for godt samarbeid og god hjelp frå frivillige til
komitearbeid og som bøssebærar.
Følg med i
kor mykje som kjem inn her.
|
Bøsseinnsamling søndag 22. oktober
Vikebygd har 8 bøsseberarar på plass!
av Steinar Skartland, medlem i aksjonskomiteen i Vindafjord, 18.9.17
Årets TV-aksjon går til Unicef og har som mål å hjelpa barn og unge i krigssonar
å få den skulegangen dei har rett på. Slagordet er «Hvert barn er en
mulighet»
Sjå meir på:
www.blimed.no,
-der er mykje flott informasjon om aksjonen og organisasjonen.
Politikarar på ringedugnad i næringslivsstafett
Onsdag 18.9. deltok ordførar, varaordførar, utvalsleiar og leiar for servicetorget i kommunen, på dugnad saman med politisk leiing i alle kommunane på Haugalandet. Dei nådde å ringa til ein stor del av verksemdene i kommunen og utfordra dei på å støtta TV-aksjonen med ei gåve.
Totalt var det til og med onsdag kveld kome inn kr 27.063.084 i Noreg.
Av dette er beløpet i Vindafjord, frå bedrifter og kommunen, på kr 94.086
Om vi ikkje nådde fram til di bedrift, kan du ennå delta i stafetten på
websida:
giverstafett.no/gi-gave
Følg med i
kor mykje som kjem inn her.
|
Bøsseinnsamling søndag 22. oktober
Vikebygd har 8 bøsseberarar på plass!
av Steinar Skartland, medlem i aksjonskomiteen i Vindafjord
Årets TV-aksjon går til Unicef og har som mål å hjelpa barn og unge i krigssonar
å få den skulegangen dei har rett på. Slagordet er «Hvert barn er en
mulighet»
Sjå meir på:
www.blimed.no,
-der er mykje flott informasjon om aksjonen og organisasjonen.
Kommunekomiteen i Vindafjord er organisert likt som dei tidlegare åra:
Ordførar leiar kommunekomiteen med ein kontaktperson i kvar bygd,
som er oppnemnd av formannskapet. Gunnbjørg Nesbu er
bindeleddet mellom tv-aksjonen og kommune. Ho hjelper ordførar med
organiseringa.
Dei lokale kontaktpersonane / innsamlingsleiarane i kvar bygd har som
oppgåve:
- Skaffa bøsseberarar og fordela dei på rodane og så vera deira
kontaktperson med all informasjon.
- Henta og klargjera materiell og bøsser.
- Avtala lokale for aksjonsdagen, der ein møter bøsseberarane
- Ut- og innlevering av bøssene på aksjonsdagen
- Vera med på oppteljinga i banken i Ølen søndag kveld.
Bøsseberarane i Vikebygd møtest på skulen og går ut klokka 15:00 (kl. 3 em) på aksjonsdagen.
Når alle bøsseberarane har returnert dit med bøssene, tek den lokale kontakten
desse med seg til Ølen der pengane vert opptalde i banken.Då årets aksjon gjeld skule og utdanning, vil
kommunekomiteen senda ekstra informasjon
til skulane om aksjonen og arbeidet pengane skal gå til.
Meir info ser du her:
www.blimed.no
|
|
|
|
|
| |
Les også andre
nyheiter frå Vikebygd |
Sjå gamle
bilete her |
Likar du Vikebygd.org?
Følg med på
Twitter
Totalt
117.003 besøk på
vikebygd.org i
2016. |
Gå
til hovudsida for Vikebygd
|
|
|
2016
