Ei utfordring for skule og barnehage i Vikebygd er lågt fødselstal gjennom fleire år. Når talet på born som tek til i skulen er lågare enn dei som går ut av 7. klasse, vil det totale barnetalet i skulen gå nedover år for år.  Dette kan endra seg gjennom tilflytting av familiar med born.  Auka fødselstal vil få verknad først seks år fram i tid.

Kjelde:  Årsmelding for Vindafjord kommune 2016, side 36-38

Vikebygd kan koma under 30 elevar i skulen!
Barnetalet i skulane fram til år 22/23:

Kjelde: Vindafjord kommune, Tilstandsrapport for grunnskulen 2016

Ei utfordring for kommunen og innbyggjarane i Vikebygd er å arbeida for auka attraktivitet slik at unge vil etablera seg i bygda og at barnefamiliar får lyst å flytta hit. Dette er ei utfordring som både politikarar, administrasjon og grendautval er viktige medspelarar i.  Ikkje minst at vi talar vel om bygda vår.  Negativ omtale kan både hindra at folk flyttar til, og skapa mistrivsel slik at andre flyttar ut. Positiv omtale derimot - både på Facebook og når vener møtest, er viktig for å skapa tru på bygda, både for dei som vil bu her og dei som vil skapa arbeidsplassar her.