Idrettslaget hadde lagt sin årlege all-idrettsdag til søndagen i år, i von om at det skulle trekkja fleire til idrettsbanen. Med 41 påmeldte born, 13 vaksne, 12 på dugnad og nokre besteforeldre i tillegg, så vart det omlag 70 som samlast ved banen.

Her var mange ulike aktivitetar som heile familien kunne delta i. Vaksne og born i saman. Lengdehopp, kulestøyt, orientering, skyting med boge og armbrøst, fotball, sykkelferdigheiter og sykkelløp, 60 meter og Triatlon (stafett med stylter, løp og sykling). Og alle som deltok fekk premie.

Og når dagen attpå til fekk både varmt vêr og sol, så var det ein kjekk dag der store og små fekk delta i saman.

I kafeen kunne ein kjøpa kake, kaffi, pølser og hamburgar. Med bord og benker utanfor så vart det også tid til å kosa seg i lag.