av Steinar Skartland 23.2.2017

Torsdag 23, februar kunne bygdefolket sleppa å koka middag. Dei strøymde til Bygdahuset. Her hadde skulen, borna og nokre foreldre laga til kafé med sal av lapskaus til middag.  Elevane i 7. klasse hadde sjølv kakekafé til inntekt for skuletur. Og det var flotte og gode kaker å kosa seg med.  I løpet av etter-middagen var det mange mobiltelefonar i aktivitet med å sikra seg minner frå kvelden der elevane hadde gjort ein imponerande jobb med å førebu, øva, laga og nå attpå til å framføra - Vindafjord.

Inne i Storsalen kunne dei besøkjande sjå mange flotte ting elevane hadde laga, som ein del av temaet å setja seg inn i kommunen sin, Vindafjord. Dei gjestene fekk utdelt eit ark med spørsmål forma som ein tippekupong med alternativ for 1-X-2. Svara kunne dei finna i dei oppgåvene som elevane hadde gjennomført og resultata hang på veggen, fulle av lokalkunnskap.

Skulekoret framførte kva dei forskjellige bygdene hadde å by på og elevane hadde lagt opp til mykje god underhaldning som dei sjølv leia på ein flott måte. M.a. hadde dei invitert rallykjøraren Åsmund Holten som vart intervjua om korleis det var å delta i rallykjøring. 

Lokalpolitikarane Rune Hetland og Steinar Skartland vart intervjua om alt frå kva dei likte best av Pepsi og Cola, Ostepopp eller banan. Men også om korleis det var å vera med i politikken.  Innleigd underholdning vart det også med Frank R Abelset og Reinhart Thoresen som både song og drog i gong allsong. Men her fekk nokre foreldre seg ei overrasking.  Nokre frivillige av borna fekk koma på scenen der dei fekk i oppdrag i henta ein av foreldra også. Då alle var samla på scenen sende han borna ned igjen - og det var dei vaksne som måtte kle seg ut og gjøgle.  Eigentleg var dei kanskje stolte av å få stå på ein scene og syngje saman med Frank og Reinhart?

Borna jubla når dei overlet scenen til foreldra som skulle kle seg ut og syngja.
 

Lysande objekt synleg på austhimmelen
Kan vere Venus

Då folket var på heimveg etter kulturetter-middagen kunne dei observere ei lyskule over Alnaåsen. Men køyrde ein lengre nordover, så gjekk det fram at lyset var frå himmelrommet. I desse dagane står planeten Venus godt synleg på austhimmelen etter solnedgang.  Denne kvelden var det stjerneklårt og dermed viste denne planeten seg sterkare enn andre stjerner.

Få oppdatert informasjon om planetane på https://www.timeanddate.no/astronomi/natt/
Gå til Time and Data AS