Ei sprudlande Denise Gordon og det norske Jazzorkesteret, Jazzin Babies, fekk dela glade gospeltonar med ei nesten full Skjold kyrkje fredag kveld,  11. august. Soknerådet hadde også i år klart å få ein av sildajazz konsertane lagt hit.

Den engelske jazz/blues sangerinna og songwriter Denise Gordon har turnert på den internasjonale jazzscena i over 10 år. Den musikalske inspirasjonen henter ho frå sine karibiske røter og amerikansk gospel, og står såleis støtt i den afro-amerikanske musikktradisjonen. Jazzbandet var også forsterka med australske Shannon Barnett på trombone.  Ho imponerte med sin spelestil.  Shannon Barnett er ein allsidig australsk trombonist, vokalist og komponist, utdanna ved 'Victorian College of the Arts'.
Les meir her

Jazzin Babies, kjent for New Orleans jazz, består av Torgeir Koppang (piano), Per Johan Frydenlund (trommer), Jermund Kristiansen (bass), Torbjørn Kristiansen (banjo), Shannon Barnett (trombone), Erik Eilertsen (Trompet), Lars Frank (Klarinett og saxofon), og med vokalisten Denise Gordon.

158 publikummar skaffa seg billett til 200 kroner, men fekk god valuta og musikalsk oppleving for pengane.  Soknerådet får ikkje noko av desse pengane, men hadde sal av kaffi og kaker etterpå, og dette gjekk til soknerådet.

Torgeir Koppang imponerte med trakteringa av flygelet under konserten. Han er ein av Noregs aller fremste unge jazzpianistar. Han har klassisk bakgrunn og underviser ved Norges Musikkhøgskole, deltar på jazzfestivalar i inn- og utland, bl a som sentralt medlem i ensemblet Jazzin’ babies.