Vik Skule og Barnehage

Stadnamn i Vikebygd
Kva namna fortel om staden
(11.6.2010 Steinar)   Rune Birkeland, som sender sine beste helsingar frå Korea, har engasjert seg i spørsmålet om kva stadnamna i Vikebygd tyder, og viser til flg. link til professor Oluf Rygh sitt bokverk: Norske Gaardnavne. Desse er lagt ut på internett, og universitetet i Oslo har laga ein søkemotor kor ein kan søkja opp namn og tydingar. Prøv denne HER. Interessant lesing som ofte viser oss andre tydingar enn dei som ligg nærast tanken vår.  Eks.:

Tindeland, der første delen kan koma av mannsnamnet: Tindulfr (Tindulfsland). Blir også kalla "Tilland" (etter uttalen).

'Krekaveien' og 'Tonjen' er to namn sør i bygda. Professor Oluf Rygh, skriv i 'Norske Gaardnavne': "Kriken med Tangen. Udt. kréKen, Tånjen. Krik vert i Søndhordland bruka om ei Bugt av ei Elv.

Vi tenkjer ikkje alltid over det.  Stadnamn har eit opphav som kan seia noko om landskapet eller om hendingar som er knytt til namnet.  I Vikebygd har vi t.d. Bjordal.  Bjor kjem av gammalnorsk Bjórr som tyder Bever. Her har truleg vore bever i tidlegare tider.
Årvik er eit vanleg namn fleire stader. Første del, År kjem truleg av treslaget Or eller Older, men kan og ha samanheng med Å (elv).
Kvamme er eit namn som kan ha røter attende til vikingtida.  Etter Aasen har Kvam tydinga: "en Afkrog, en Dal eller Vig." (Kvamme er bøyingsforma dativ eintal av Kvam). I gammalislandsk tyder 'hvammr' ein liten dal.
Alne / Alna står litt. Alen tyder 'underarm' og er eit lengdemål (frå albogen til langfingerspissen = 2 fot) mens 'al-' tyder: 'den veksande'. Alnaåsen veks jamt oppover. 
Skartland er på eldre kart skreve som Skatland, men  også langt bakover i tid finn vi namnet med 'r'.  'Skat' er greiner / buskar og det kan derfor godt hende at dette har vore opphavet.  Vender ein augo opp mot fjella så ser vi at dei er kjenneteikna av mange djupe skar.  Eit skore landskap.

Les hans omtala av fjella HER