Skuleruta 2010-11.      Vêrvarsling    Krusidullar frå Frøken Vims.  

Inneklima i barnehagen
Alarmerande radonverdiar i Vikebygd barnehage
(29.3.2010 Steinar S)  Det har lenge vore kjent at Vindafjord er ein kommune der Radongass kjem opp frå grunnen og utgjer eit problem i mange bygg. Etter at ein m.a. i Skjold måtte inn med ekstra tiltak for å tryggja barnehagen ba utval for Oppvekst og Omsorg om at nye målingar vart gjorde i alle barnehagane. Nå syner målingar at gjennomsnittsnivået på radon både i Vikebygd og Bjoa barnehagar ligg langt over tiltaksgrensa. I Vikebygd er det målt gj.snitts verdiar opp til 498 Bq/m³. Tiltaksgrense er 100 Bq/m³ og maksgrense 200.  (1000 Bq/m³ tilsvarar risikoen for lungekreft som ein som røyker dagleg).  Når ventilasjonsanlegget er på reduserer dette verdiane til akseptabelt nivå, og inntil vidare er det føreslege at dette startar opp 3 timar før barnehagen opnar.  

Kommunen vil også setja inn vifter som skaper undertrykk under bygget og tek gassen bort før den får koma inn i rom der borna skal opphalda seg. Barnehagen har alt frå bygget vart sett opp fått montert røyr under bygget som er klargjort for slike vifter.
Les meir om dette i Grannar sin reportasje.
 
Eit naturleg spørsmål er sjølvsagt: Korleis står det til i dei private husa i bygda? Bur mange familiar i hus med radongass utan å vita om det?
 
Les HER rapporten om Radonmålingar i Vikebygd.
Les HER kva Radongass er og korleis den oppstår og vert målt.
Les svar på ofte stilte spørsmål om Radon HER.

Fleire reportasjar frå 2010 ser du her.