Vik Skule og Barnehage

Prisutdeling frå Vindafjord kommune
Næringsprisen til
Kjell Erik Gangstø
(15.6.10 Steinar)   Etter kommunestyremøtet tysdag 15. juni inviterte ordføraren kommunestyremedlemar med følge til eit samvær i den nye Skjold Arena. Her var også invitert dei som kommunen har tildelt ulike prisar. mellom dei var Kjell Erik Gangstø frå Vikebygd. 

Utval for drift, utvikling og kultur, som hadde tildelt næringsprisen for 2009 til Gangstø
Transport AS ved Kjell Gangstø, ga denne grunngjevinga for tildeling:
Kjell Gangstø er ein gründer som i mange år har jobba målbevisst med å byggja opp ei verksemd frå grunnen. I dag er Gangstø Transport eit aktivt transport og gjenvinningsfirma med mange tilsette. Firmaet er ein god representant for initiativtakarar som me treng i Vindafjord kommune.  Kjell Erik kunne fortelja at han nå har 9 tilsette ved fabrikken sin på Dommersnes.  Eit fargerikt fellesskap av mange nasjonalitetar. Prisen var ein akvarell av den kjende kunstnaren Gerhard Meling, saman med diplom og blomar.

Omsorgsprisen vart tildelt Lambrigt Landa frå Øvre Vats.  Etter at han pensjonerte seg frå butikken sin heldt han fram med å ta imot bestilling på varer frå eit 20-tals eldre i bygda. Han gjekk då på butikken og handla for dei, og køyrde varene heim til dei, noko han ennå gjer for ein del.  Prisen var eit måleri av Gerhard Meling.

Elles var det kulturpris, kulturstipend, Kjerringpris mm.
Les meir om prisutdelinga i Grannar.

Les meir Her.