Foto Steinar S
Parkeringsplassen og begge sider av vegen var full av bilar då klokka nærma seg 16 på julaftan.  Inne var det fullt i benkene og kyrkjetenaren kunne rapportere om 263 som hadde funne seg ein plass.  Likevel var det nok mulig å få inn nokre til om ein sette seg tettare, og alle fekk sitja. Korpset spela fleire nummer. Helga Veastad på gitar og Arne Tveit på kyrkjeorgelet spela julesongar i lag.  Prostiprest Eldbjørg Andreassen forretta gudstenesta som både hadde rom for juleevangeliet frå Lukas 2, 1-20 og applaus til dei flinke musikkarane.  I midtgongen stod ei krybba som skulle symbolisera Jesusbarnet som vart fødd for over 2000 år sidan og danna grunnlaget for vår kristne tradisjon.

Dirigent Andreas Ulveraker	Prostiprest Eldbjørg Andreassen

Skule- og ungdomskorpset like dyktig som alltid under sin erfarne dirigent Andreas Ulveraker. Men så er korpset også så heldig å ha med seg ei rekkje erfarne vaksne som trufast stiller opp, år etter år. Dette er nok både ein inspirasjon og ein styrkje for dei unge i korpset som utruleg raskt lærer seg å spela og stødig følgja takt og tone. Denne gongen fekk dei spela for ei fullsett kyrkje av festkledde bygdefolk og julegjester i alle aldrar.

God jul til alle i bygda.

(Fleire bilde kjem seinare. Send gjerne inn litt frå julefeiringa i bygda, som kan nyttast på web.  tips@vikebygd.org  )

Les meir frå julefeiringa i Vikebygd

Kvar dag har sin eigen bibeltekst, som du kan lesa her 

Før var det mange juletrefestar i bygda, kanskje så mange som 5-6.  Ein eller kanskje to i Årvik bedehus. Ein som bedehuset sjølv arrangerte i midtbygda, ein med søndagsskulen og ein som Frelsesarmeen hadde, anten på skulen eller bedehuset. Så var det juletrefest på Øvrebø skulehus og ein del år hadde korpset juletrefest på bygdahuset.

Nå er det berre ein igjen. I år var det laurdagsklubben som stod for denne, med ein fest for alle som ville delta i denne gamle tradisjonen med julesongar, gang rundt juletreet, mat, leiker og utlodding.  Dei 40 som møtte fram var i alle aldrar: Born, ungdom, vaksne og eldre. Dei gamle og kjende julesongane tona i lokalet: O, jul med din glede; Eit barn er født i Betlehem; Deilig er jorden, prektig er Guds Himmel; Glade Jul, Hellige Jul.
Og sjølvsagt måtte det til med: Eg gjekk meg over sjø og land, der møtte jeg en gammel mann.  Trampande føter og klappande hender mellom smilande andlet og glad song frå born og vaksne, fylte bedehuset.

Kjersti Hausberg Bjerga, som både er leiar i Laurdagsklubben og leiar i styret for bedehuset, hadde andakten. Ho hadde med seg ein liten modell av ein stall med krybbe og Jesusbarnet, og ein stor teikning over same motivet.  Fortalde ei historie om ei rosa kule til juletreet.

Ei konfirmantgruppe hadde teke på seg jobben både med å laga til mat og leiker i juletre-  festen. Dei var flinke og ordna også opp med rydding og oppvask.

Tusen takk for all hjelp og god innsats til alle som deltok på juletrefesten. Alle som er med og held oppe denne gamle tradisjonen og let nye generasjonar også få oppleva gleda over å gå rundt juletreet og syngja dei gamle julesongane.

På biletet konkurrerer born om å bli først ferdig med å pakka inn foreldra i dopapir, til både heiarop og latter. Ein av leikane som konfirmantane stod for i juletrefesten. 
(Sjå også her).
Les her meir om Julefeiringa vår

Lysmesse i kyrkja 6. desember
Flott ungdomsflokk laga lysmesse
av Steinar Skartland 6.12.2015


60 unge laga ei flott lysmesse på søndagskvelden. Det var mørkt i kyrkja, men etter kvart som fleire levande ljos var tende i hendene på konfirmantane og speidarane, kom konturane av kyrkjerommet fram. Benkene frå midten og bakover var fullsette. Framme var det rom for ungdommen som fekk lysa opp i rommet og delta med lystenning, tekstlesing og bøner, medan sokneprest Jon Ådnøy kunne tala om Jesus som seier: - Eg er ljoset i verda.

Midt under lysmessa tok kraftige haglbyer til. Det tromma kraftig på tak og vindauge - og så gjekk straumen. Heldigvis var det levande lys som var i bruk i kyrkja - så programmet kunne halda fram. Arne Tveit flytta seg frå kyrkjeorgelet til pianoet framme i kyrkja der han fekk hjelp av konfirmantar med  stearinlys og lommelykt for å sjå notane.  Dei som kunne tekstane utanåt på songane, song kraftig i så dei andre også kunne fylgja songane. "La oss vandre i lyset - slik som han er lys".

Først når lysmessa var over og folket var på veg ut, kom straumen tilbake. Med tette skyer på himmelen var det ikkje lett å føta seg ned trappa for dei første som kom ut. Ein fekk oppleva kor viktig det er å ha eit lys når det er mørkt. Les meir her

Høg kvalitet og stor variasjon i songvalet av koret Scala, som hadde med tenoren Ole M Velde og sopranen Isabel Espelid. Scala er et miljøkor frå Torvastad og tel 40 medlemmer. Dei har eit allsidig songrepertoar som spenner frå viser, balladar til salmar.

Tenoren Ole M Velde og sopranen Isabel Espelid som deltok i konserten, har begge to si utdanning frå København. 
Repertoaret
I Skjold kyrkje framførte Scala og solistane songar frå den verdsvide songtradisjonen. Dei framfører songar frå den nye engelske korlitteraturen representert med komponisten John Rutter. Nye songar av norske songarar signert Edvard Hoem, Trygve Hoff, Helene Bøksle. Songsolistane song mellom anna: The Prayer, I believe, The Lords Prayer mm. Ein fin konsert til oppmuntring og glede!   (Arr.: Skjold sokneråd)
Konsert med koret Scala

Tenning av lysa på juletreet 4. desember
Ein tradisjon med korpsmusikk og fakkeltog
av Steinar Skartland 4.12.2015
Det er ein tradisjon at Rolf Alne tenner lysa på juletreet utanfor butikken tidleg i advent. Her serverer han gløgg og peparkaker mens korpset spelar. I år skjedde dette 4. desember. Korpset stilte opp i sine luer med nissar og pynt. Regnet tok ein pause og det var stille før stormen Synne slo inn over landet. 

Borna fekk utdelt faklar og starta på toget bort til Gamlatunet.  Der var risgrauten, kaffi og kaker klar. Familiemedlemane frå Øvstedal og Rødde ordna maten og praten kunne gå både lenge og vel. Oppe på loftet hadde korpset sessa seg og framførte eine nummeret etter det andre.  Les også her

Jul
Kristen julefeiring er feiringa av at Gud blei menneske . Gud blei født som eit lite barn i Betlehem. Kyrkja startar julefesten med høgtidsringinga på julaftan, og så går festen over i sjølve høgtidsdagen, juledag.

Les meir i kyrkjebladet Hyrdingen på www.hyrdingen.no

Les meir om emnet her 

1940? Frå venstre: Sven Årvik, Johan Skartland, Ivar Skartland, Olav Lauvås (prest), Ingrid Dommersnes, Eldbjørg Alne, Berta Gangstø, Krisbjørg Alne (seinare Bjørnevik),
Astrid Revheim, Gunnbjørg Øvrebø og Aslaug Halvorsen.

Austre Vikebygd kyrkje
Informasjon og
nyheter

Kyrkjebladet

Årleg tradisjon frå år 1900. Her samlast folket frå dei fem kyrkje-sokna Vikebygd, Bjoa, Ølen, Skjold og Vats, men også frå andre bygder og byar. Siste søndag i juni eller første søndag i juli.
Les her om møtet i 2014. 
Les her om møtet i 2015. 
Les om 114 år på stølen

Aktuelle lenker

Kommunereforma
Kyrkja gjennom 800 år
Vikestølen gjennom 115 årVêrvarsel for Vikebygd
ORD FOR DAGEN I DAG

Gudstenester

Les også om:

Anna info

Websida med informasjon om VIKEBYGD, ved Ålfjorden i Vindafjord Kommune, Nord-Rogaland. 
 
Gi tilbakemeldingar
om websida HER 

Webansvarleg:

Steinar Skartland
5568 Vikebygd

Tlf 90873170