Grendautvalet inviterer til bygdedugnad 11.april
Liofeltet skal bli meir innbydande

Ein ivrig dugnadsgjeng var i aktivitet med skoging og rydding av tomter i Liofeltet laurdag 11. april. På bildet til venstre er nokre av dei samla til dugnadsmat og grilling.(Bilde: Laila Ø Espeland/ Facebook.  LINK)
-----------

- Bygda treng fleire innbyggjarar! er den klare bodskapen frå leiaren av Grendautvalet, Frantz Lea.
- Fortrinnsvis småbarns familiar. Flotte tomter er framdeles ledige på Liofeltet.  Slik har det vore i mange år.

Grendautvalet inviterte nyleg kommunen, tomteselskapet og Lio Vel til eit møte på Gamlatunet.  Betre veg frå Skjold til Vikebygd har dei jobba med lenge. Nå har denne vegen klatra oppover prioriteringslista.  Mykje er gjort og meir kan skje når vegvesenet nå skal laga ei muligheitsvurdering for fylkesvegen.  Dei fleste er samde om at ein av grunnane til at det har vore vanskeleg å få fleire bedrifter til å etablera seg på industrifeltet på Dommarsnes, er nettopp vegen som ikkje er bra nok. 

Ledige, byggjeklare tomter med kort veg til skule, barnehage og butikk
Eit anna tema i møtet var kva ein kan gjera for å få fleire til å gjera Vikebygd til sin heimstad.  Her er ledige, byggjeklare tomter i sentrum, tilrettelagt av kommunen og tomteselskapet.

Inviterer til dugnad 11.april - og her er tjangs til å få ved med heim
- Det er mange meiningar om mykje i bygda og det er bra, meiner Frantz Lea.
- Grendautvalet tar i hvert fall tak i saken med ein felles dugnadsdag kor tomtane skal ryddast for småkratt og trær. - Blir det noe ved, så er det bare å forsyne seg. Vi ryddar ei tomt av gangen alt etter kor mange som stiller.  Det blir grilling,  kaffi, vaflar og bålbrenning. Ta med heile familien, så håpar vi på ein flott vårdag akkurat denne lørdagen.

Vikebygd Grendautval inviterer til ein felles dugnadsdag,
med fylgjande oppfordring:

Møt opp kl. 11:00 - Laurdag 11. april
Vi må få fart i salet av de ledige tomtene!
Kom og gi ditt bidrag, vis at du bryr deg…
vi må gjera det vi kan for å få fleire til å
busetja seg i bygda.

• Rydding av småskog og kratt på dei ledige tomtene
• Ta med stor greinsaks, motorsag, ryddereiskapar
• Det blir grilling, vaflar, kaffi, saft til ungane
• Vi ryddar ei tomt om gangen
• Veden kan vi ta sjølv…

For nærare info ring 913 89 218 Frantz Lea, Vikebygd Grendautvalg

Sjå her plakaten for bygdedugnaden på Liofeltet.

Mulighetskartlegging av Vikevegen
Vegvesenet vurderer utbetring av FV 734
av Steinar Skartland 9.3.2015

- Eg kan starta med ei gladmelding, innleia ordførar Ole Johan Vierdal med i eit møte mellom grendautvalet i Vikebygd og representantar for kommunen, torsdag 5. mars. Grendautvalet hadde då invitert ordførar, varaordførar og den nytilsette samfunns-utviklaren, Erik Baust, saman med Morten Helland i Tomteselskapet og repr. for Lio Vel, til eit møte på Gamlatunet. Utgangspunktet var kva ein saman kan gjera for å få selja fleire tomter i Liofeltet og å få fleire til å flytta til bygda. Dette er m.a. viktig dersom skulen skal ha ei god utvikling vidare med å oppretthalda barnetalet.

Vegvesenet har informert ordføraren om at dei nå vil sjå på fylkesvegen og vurdera kva som kan gjerast for å utbetra denne. Utbetring av fylkesvegen stod på 3. plass på prioriteringslista, og dei to første prosjekta er nå sett i gong. Då er Vikevegen neste.

Vegvesenet har også enda på å leggja sykkel og gangstien frå Isvik til Trovågsfeltet på austsida av vegen, noko som gjer det mogeleg å tilrette leggja justeringar på vegen etter kvart, fortalde ordføraren. Informasjonen vart godt motteken og Frantz Lea jubla over gladmeldinga som Grendautvalet var dei første til å få.

Betre veg er fordel både for utvikling av industriområdet og for å gjera det meir freistande for folk å flytta til Vikebygd. (Biletet til venstre er frå ei tidlegare synfaring med vegvesenet i 2013).

Morten Helland og Eirik Baust peika også på at det viktigaste vil vera at bygda har ei god ordning for å ta i mot dei som kjem til bygda, enten for å sjå på tomter, elles for å vitja familie og andre. Vi kan ikkje vedta at folk skal flytta hit, men dei må sjølv finna det som flott og freistande. Korleis dei vert tekne imot er derfor avgjerande.

Grendautvalet hadde fokus på skoging og rydding av tomtene. Det er vel og bra, men Morten Helland understreka at det viktigaste er likevel korleis folk blir møtt og tekne imot når dei kjem hit. Saman kom det fram fleire gode idear til tiltak i møtet. m.a. å få presentera bygda på internett. - Kommunen skal koma med nye og betre web-sider etter påske, fortalde Eirik Baust. Han vona at ein her skal kunna få til betre presentasjon også av tomtene i kommunen.

Tilbake til hovudsida

Link til FOTOALBUM for Vikebygd

Fleire reportasjar frå Vikebygd 2014 ser du her.