Konsert
i Vikebygd kyrkje
4. mai, klokka 19:30
Billettar kr 200,-
Arr.: Kulturutvalet i Skjold og Vikebygd sokneråd
KRITIKAR-ROST DYLAN-GJENDIKTING
(Innsendt av Tom Roger Aadland via Soknerådet / Bente
Helen)
Rockepoeten Tom Roger Aadlands nye album «Blondt i blondt» (Bob Dylans
meisterverk «Blonde on Blonde» gjendikta til nynorsk) har fått ei
strålande mottaking av eit samla kritikarkorps. «Suveren nynorsk utgåve
av Bob Dylan-klassikar», skreiv Fredrik Wandrup i Dagbladet då plata kom
ut, mens NRK P1 Norsk på norsk kåra «Blondt i blondt» til årets album,
med følgjande kommentar:
«Av og til kommer det skiver som tar pusten fra deg, rett og slett
fordi de er så intense og vakre. Dette var en slik oppleving».
Singelen «Eg må ha deg» (ein energisk pop-rock-versjon av «I Want You»)
har fått mykje speletid på P1, og blei hylla av artistkollegaer då han
kom ut. «Bravo!!», skreiv Sivert Høyem på Facebook, og Hellbillies’
Aslag Haugen kommenterte at: «alle som driv i faget låtskriving,
veit at fallhøgda her er ekstrem... Tom Roger gjer dette på sitt eige
morsmål på meisterlig vis!».
Den siste hausten har Aadland sunge Dylan på nynorsk
for fulle hus over heile landet. Og midt oppi det heile, blei altså Bob
Dylan tildelt Nobelprisen i Litteratur.
Tom Roger Aadland hadde stor suksess med albumet «Blod på spora» (Dylans
«Blood on the Tracks» gjendikta til nynorsk) i 2009. Omfattande
turnering over heile landet, universitetsføredrag og bokutgjeving følgde
i kjølvatnet, og Tidal kåra opningssporet «Vikla inn i blått» til ein av
tidenes beste norske coverlåtar. Aadland har gjeve ut seks kritikarroste
album som soloartist, og er kjent for radiolåtar som «Min beste ven på
ein dårleg dag» og «Like til mi dør». Han har også skrive tekstane til
åtte av tolv låtar på Hellbillies’ nye album «Søvnlaus», mellom anna
radiohitane «20 år på vegen» og «Søvnlaus».
2016
