Skuleruta 2010-11.      Vêrvarsling    Krusidullar frå Frøken Vims.  

(25.3.2010 Steinar)  Både ordførar og rådmann viser til at etableringa av lakseoppdrettet er lovleg og i tråd med føresetnadane staten har lagt i konsesjonen dei ga for 4 år sidan.  Samla kommunestyre gjekk imot dette.  Det same gjorde grendautval og Tysvær Fiskarlag. Dersom kommunen hadde hatt ein etablert i kystsoneplan klar ville denne kunna ha lagt føringar for korleis saka skulle vore handsama også frå staten si side.  Når ein slik plan ikkje er på plass vert kommunen berre ein høyringsinstans, mens avgjerda ligg hos Fiskeridirektoratet.  Vindafjord kommune har tiltrådt og godkjent den såkalla Hardangerfjordforskrifta, som legg føringar for kor mykje oppdrett det skal kunna vera i fjordane her.  Hadde konsesjonssøknaden vore handsama i dag ville den truleg ha fått nei, men då den vart gjeven for fire år sidan var den i tråd med dei føresetnadar som Fiskeridirektoratet handsama søknaden etter.

Protestar mot nyetablering.
Stort lakseoppdrett vert etablert ved Ulvebne
(14.3.10  Steinar) I det siste er det kome blåser og anna utstyr på plass i Ålfjorden for etablering av fiskeoppdrett ved Buholmen utanfor Ulvebne. Fleire bygdefolk og også medlemer i Grendautvalet, ser med uro på etableringa som dei fryktar vil gje auka forureining av fjorden og hindre tilgang til ein av dei gode fiskeplassane som er ved flua utanfor Buholmen.  Rune Hetland seier Grendautvalet vil drøfta dette i eige møte, men fryktar at det er lite dei kan gjera då konsesjon er gjeven av fiskeridirektoratet.  Da han sat i kommunestyret stemde Hetland mot denne etableringa, og meiner å hugsa at kommunestyret den gong samla gjekk i mot då saka var oppe i 2006.  Hellesund Fiskeoppdrett søkte den gong om å etablera eit anlegg på 2400 m², eller 1560 tonn biomasse.

Kommunen ynskjer volumavgrensingar for oppdrettsfisk
I november i fjor handsama formannskapet i Vindafjord høyringsbrev i samband med den såkalla Hardangerfjordforskrifta, og gjorde fylgjande vedtak:
"Vindafjord Kommune ser med uro på dei utfordringar det er å bevara villaksen i Etneelva, og støttar Fiskeri- og Kystdepartementet sitt framlegg om å leggja nordre delen av Ølen - Vindafjord (inkl. heile Ålfjorden) inn under sona Hardangerfjord, og dermed under direktoratet sin forvaltningsregion Vest.

Kommunen støttar også den delen av dei nye føresegnene som set volumavgrensingar for oppdrettsfisk av laks, aure og regnbogeaure i Hardangerfjordområdet."
Les utgreiinga og vedtaket her.

Grendautvalet går imot etableringa
Vikebygd Grendautval handsama innspel til kommuneplanen i møte den 22.4 2009, og kom der med flg uttale:
"Sak 8: Matfisk anlegg 700 meter vest av Buholmen, søker Hellesund fiskeoppdrett.  Grendautvalget er sterkt imot flere fiskeoppdrett i Ålfjorden.  Det er uheldig for bygda og vår mening er at dette ikke tillates."

Leiar i Grendautvalet, Rune Hetland, har fått opplyst at då kommunen ikkje har på plass ein vedteken kystsoneplan ennå, så kan staten overstyra tildeling av konsesjon / plassering av fiskeoppdrett, noko som her er gjort.  Men då kommunestyret samla gjekk imot denne plasseringa meiner han det er eit statleg overtramt og brot med lokaldemokratiet at staten på denne måten overkøyrer lokale vedtak.

Nå ser vi fram til nærare orientering om etableringa og om den er i samsvar med retningslinene for fjorden.  Er det gjeva konsesjon av staten tidlegare er dette truleg ein konsesjon som vanskeleg kan overprøvast. 

- Rømt oppdrettslaks har potensial til å utrydde villaksen. Nå bør oppdrettsnæringa ta seg sammen, uttalar Bellona i nettavisa Fish.no , som også dokumenterer ein kraftig auke i talet på rømde oppdrettslaks og regnbogeaure. Her kan ein og lesa om Norges Jeger- og Fiskerforbund (NJFF) som meinar at lakselus-situasjonen er ute av kontroll, og krev både stans i vekst og sanering av anlegg i utsette regionar.

Oppdrettsanlegg ved Buholmen
Konsekvensar for elvar og lokalsamfunn
(18.3.2010/ endra 19.3. Steinar S) Hellesund Fiskeoppdrett AS vart 9.12.2005 tildelt konsesjon for å etablera anlegg for Laksefisk med øvre grense 1200 tonn mtb ved Trovågneset i Ålfjorden. På grunn av protestar frå mattilsynet vart ikkje konsesjonen teken i bruk og Fiskeridirektoratet, region Sør valde då å trekkja konsesjonen tilbake. Etter klage frå Hellesund Fiskeoppdrett AS, utforma som ny søknad med lokalitet Buholmen, valde Fiskeridirektoratet å innvilga konsesjon under føresetnad: "Anlegget skal plasseres frittliggende i Ålfjorden, ca midtfjords."
 
I flg brev frå Fiskeridirektoratet skal plasseringa ha vore klarert med Tysvær Fiskarlag, Norges Notfiskarlag avd. Rogaland, kommunen og berørte etatar som bakgrunn for sakshandsaminga.
 
Dette stiller fleire seg undrande til. Kommunen protesterte m.a. med samrøysta kommunestyrevedtak mot etableringa. Svein Terje Vestbø, som tidlegare var styremedlem i Tysvær Fiskarlag, tek kraftig til motmæle mot at dei skal ha vore samd i plasseringa.  Dei var sterkt imot dette og meiner at fôrrestar og kloakk frå fisken etter kort stund vil dekka havbotnen under anlegget med slam og dermed også gjera det umogeleg for andre fiskeslag og krepsdyr å leva her.  Gift som vert nytta mot lakselus drep også krepsdyr og øydelegg miljøet i området der oppdrett er plasserte.

Avstanden til Dommersnes Industriområde er kort. Plasseringa av fiskeoppdrett her kan redusera kommunen sine alternativ for etablering av industri. Sjukdomar kan spreia seg til andre eksisterande oppdrett i fjorden, noko m.a. Bremnes Seashore i Trovåg er opptekne av. Dei er avhengige i periodar å pumpa sjøvatn til det landbasserte anlegget.  Så store fiskemengder konsentrert i mærar vil også gje store utslepp av kloakk.  Som kartet syner er vegen kort til Skjeljavika badestrand, som kan verta øydelagd som fylgje av oppdrettet.

Rømming av oppdrettsfisk er ikkje lengre noko som er unntaket, men regelen. T.d. rømer mellom 100.000 og 200.000 oppdrettslaks og regnbogeaure i året. Noko som har synt ein kraftig auke i seinare år. I oktober stakk 1000 laks av frå eit anlegg i Gamle Hellesund på Sørlandet, noko som skapte stor frykt for framtida til villaksen i elvane på Sørlandet. "Villaksen er i ferd med å forsvinne", seier styreleiar Aage Wold i organisasjonen Norske Lakseelver til NTB. Miljøavdelinga i eit av Noregs største oppdrettsfylke meiner kommersielt fiskeoppdrett ikkje er berekraftig, og seier nei til at næringa får utvide produksjonen.
 
Spørsmålet er heller om ein ikkje nå må utvikla fiskeoppdrett vidare slik at alle anlegg etter kvart vert flytta på land, der det vert bygd anlegg etter prinsipp med kunstige elvar kombinert med store kummar. Det vert dyrare, ja, men kva kostar den utviklinga vi nå ser der villaksen forsvinn og sjukdomar og lakselus spreier seg?
Les også meir om Lokale protestar mot lakseoppdrett
Les kommunen si utgreiinga og vedtaket her.

Lakseoppdrett i fjorden
Ureina kloakk tilsvarande ein småby rett ut i Ålfjorden
Sjå 'Pure Salmon'-videoen om norsk lakseoppdrett som er lagt ut på YouTube i fire deler.

Gjennom dei siste ti-åra har det vore sett inn store ressursar for at fjordane våre skal vera reine. Kloakk skal ikkje gå rett i sjø og vassdrag. Alle byar etablerer reinseanlegg slik at berre det reinsa vatnet vert slept ut på djupt vatn.