DET SKJEDDE I 2009:
Her er meldingar som har vore lagde ut på vikebygd.org i år 2009

Året 2009 har teke slutt.
VIKEBYGD.ORG
takkar for det gamle
og ynskjer alle
Gode Nye År

Feiring av nyttår i Vikebygd med storstilt fyrverkeri fleire stader.  I hyttefeltet fyrte dei opp bål og samla seg på ein open plen midt i, der dei sende til vers fyrverket.

Vinterbilder frå bygda ser du HER

Vindafjord kommune
Kommunale vegar blir private
(30.12.09) Gangstø vegen i Vikebygd er ein av vegane som nå vert lagde ned som kommunal veg. Opprinneleg var det fleire vegar i kommunen som skulle privatiserast, men framlegget vekte stor motstand.  Vedtaket om privatisering av vedlikehaldet på kommunale vegar vart sendt til lovlegskapskontroll hjå Fylkesmannen.  Her vart det stadfesta at dette ikkje var lovleg.  Dermed er det nå berre eit lite knippe att som vert lagde ned som kommunale vegar. 

Kommunen skriv på sine nettsider at dette gjeld: Veg til Skiparvåg, veg til Vågafossen (frå kryss til Nybru), veg til Rønnevik, veg til Solbakken, veg til Holmen i Vikedal, veg i Blikrabygda, veg til Eikesdal(siste 800 meter), veg til Frøfisk i Skjold, veg til Toraneset, veg til Gangstø og veg til Åsbø. Desse vegane vert private i 2010 etter at dei er opprusta. Det vert ikkje endring av vintervedlikehald denne vinteren for desse vegane.

Historien frå bygdene våre på trykk
Sogeskrifta for Vindafjord
(27.12.09) I Vindafjord er det to aktive utgjevarar av sogeblad.  Vindetreet vert gjeve ut i samarbeid mellom "Sandeid, Vikedal og Imsland sogelag", "Skjold og Vats sogelag" og "Vikebygd sogelag."  Her kan ein lese korleis det var i gamle dagar i bygdene våre.  Sogeskriftet kan ein få kjøpt  på Vikebygd Landhandel (kr 120,-).

Bjoa, ølensvåg og ølen sogelag har sitt eige blad, kalla Segn og Soge.  Begge desse sogeskrifa er viktige for at nye generasjonar skal få kjennskap til sine eigne røter.  Likevel er det vel erfaringa at dei mest ihuga lesarane av desse skrifta er den eldre generasjon som minnest det dei har opplevd gjennom sitt eige liv.

Sogeskrifta kan ein få kjøpt på butikkane i bygdene.  Vindetreet finn ein m.a. på Vikebygd Landhandel.

Julehelsing frå Skartland - Devlin familien i San Diego  Klikk her

(24.12.09 SS) Korpset spela både med eigne musikkstykke og til allsongen i kyrkja der 220 i alle aldrar var samla klokka 16.00 på juleafta.  Framme var juletreet pynta og ljosa tende.  Det flotte treet var ei gåve frå Reidar Bjordal og skal i romjula flyttast til bedehuset og brukast ved julefesten der 2. januar. 

Lærar og tidlegare misjonær, Gunnar Norenes, var gudstenesteleiar og tala over teksten for dagen, juleevangeliet frå Luk 2, 1-14.

Etter talen fekk vi opplevar Helge Veastad som spela gitar i samklang med Arne Tveit på kyrkjeorgelet.  Jo, det var sanneleg ei fin gudsteneste og ein flott innleiing til julefeiringa som utove kvelden kunne halda fram i hus og heimar.  Ved utgangen stod Sunniva og Marta Tveit med offerposane og samla inn til kyrkjelyden sitt misjonsprosjekt: "Landsbybygging  på Madagaskar."  Heile 6430 kroner kom det inn. 

Me ynskjer alle ei velsigna julehøgtid og rettar ein takk til alle som deltok ved gudstenesta. Les meir om Julefeiringa

Vikebygd kyrkje
Godt frammøte til ljosmessa sjølv med snøfokk ute
(20.12.09 SS) Speidarane og konfirmantar hadde som vanleg ei viktig rolle i gjennomføringa av ljosmessa. Dei las bibeltekstane og bønene som veksellesing.  I starten av gudstenesta kom alle speidarane inn med tende ljos og stilte opp framme i koret.  Her song dei for kyrkjelyden. 

Liturgi og tale var ved fengselsprest Arild Markussen.
-Heller ikkje eg fordømmer deg, sa Jesus til kvinna som var grepen i hor.
-Gå bort og synd ikkje meir, var oppfordringa ho fekk med seg derifrå. Mange som blir dømde for forbrytelsar dei har gjort kjenner det som godt å verte avslørte og få gjera opp, minte Markussen om i talen. Det er tilgjeving å få. Speidarane tende ljos i ein stor trekross framføre alteret.  Mørkret i kyrkja og skinet frå dei tende ljosa ga ei fin stemning der dei nær hundre som var tilstades kunne delta i songen eller lytta til fin solosong.

Vinter i Vikebygd
45 cm med nysnø kom på Skartland
(20.12.09) For ein flott dag! Alt dekka av rein, kvit snø.  Mest ein halv meter. Snømåking og brøyting har stått på programmet søndag 20.12. 

Laurdags-kvelden kosa vi oss med sprakande vedvarme i omnen og stearinlys på bordet.  Straumen forsvann og kom ikkje tilbake før langt utpå føremiddagen søndag.  Men koseleg er det nå å kunna la fjernsyn og pcar stå svarte i kroken for så å finna fram kortspel og nonstop til ljoset frå stakar med levande ljos på bordet.  Kvit jul der borna kunne kosa seg på akebrett og ski.  Nokre var heldige og kunne få med seg foreldra ut på å laga store snømenn eller snøholer. 

Jul i skulen
Vik skule arrangert julefest med fullt hus
(19.12.09 Steinar/Berit) Elevane ved Vik skule imponerte med sine framføringar på julefesten 15. desember.  På barnetrinnet hadde elevane hadde øvd lenge og fekk ros frå mange foreldre for flotte opptrinn.

Alf Prøysen si juleforteljing om "Bygda som gløymte at det var jul" var ei av stykka borna spela frå scenen. Dei var utkledd i flotte kostymer, som her kor borna spelar fuglane som endeleg har fått juleneket sitt.  Og alle borna kom i avslutninga opp på scenen og danna eit stort kor som song for foreldre, sysken, tante og onkel som var komne for å sjå og å høyra borna sine framføringar. 
(Foto: Berit R. Skartland)

Les meir HER

Laurdag 12. desember
Vinterstemning i Vikebygd

(12.12.09 Steinar)  Slike dagar likar eg meg. Sola skein lågt over fjellet i sør og vandra sakte mot Kvamsåsen.  Nokre kuldgrader fekk rimen til å leggja seg på tre og landskap.  Stille og sol med lange skuggar.

Svanene brukar å ha vinterbustaden sin her ved Lisstjønn på Skartland.  Dei er komne, men var ikkje på plass i dag.  Flyttar mellom Vasslivatnet, Lisstjønn og Bruarvatnet. Likar seg gjerne der i sørenden av Vasslivatnet ved over-gangen til Vasslia og Vasslimyra.  Her er mykje godt sev å beita på. Det er fleire vinterbilder på   foto.vikebygd.org

Vikebuen arrangerte
Julemesse med fullt hus

(28.11.09  Steinar) Då julemessa opna klokka 12:00 den 28. november var det fullt av forventningsfulle Vikebuar som ville sjå etter julegåver og julepynt.  På scenen var musikkorpset klart. Rundt veggene stod bord der 21 utstillarar var klare med brukskunst og heimelaga ting.  Her var loddsal og kafè. Noko for kvar og ein med andre ord. I litlesalen var det sal av graut, kaffi og kaker.  I storesalen og møterommet gjekk salet føre seg. Alfred Mitchell frå Bjoa Bær reklamerar med Noregs største Økologiske bærhage. Liv Alne funne seg eit bord der ho selde lefser frå Skånevik. Det var kø av folk føre bordet. 
 
Det mangla heller ikkje på god underhaldning. Håvard Larsen og Vegard Skartland song duett til gitarspel av Lene Liodden. Terje Kleiven stilte med ungdomskorpset frå Skjold.Her er det hobby og interesse som er i framsetet, og ikkje minst ei personleg glede i det arbeidet dei held på med.  LES MEIR OM JULEMESSA  2009 her.

Kveldsgudsteneste
Ny sokneprest møtte vikebuen

(15.11.09 Steinar)  Søndag 15. nov. fekk Vikebygd møta den nytilsette soknepresten i Nordre Ryfylke prosti. Harald Eintveit inviterte då til kveldsgudsteneste i Vikebygd kyrkje klokka 19:00. Men det var heller tynt i benkene denne kvelden.  Likevel fekk dei 16 som møtte fram ta del i ei flott gudsteneste med aftensang og nattverd. Brit Nelly Tveit, Lene Liodden og Sunniva Tveit song til akkompagnement av Arne Tveit. Eintveit, som skal ha si hovudteneste i Vikedal, Imsland og Sandeid, har hatt gudstenester i fleire andre kyrkjer i kommunen, og denne kvelden i Vikebygd. Han er opprinneleg frå garden Eintveit i Åkrafjorden.

Sokneråd og bedehus samla til
Medarbeidersamling  

(14.11.09 Steinar S)  Attvald leiar for soknerådet, Brit Nelly Ness Tveit, leia samtalen og utfordra til gode forslag til kva kyrkje og bedehus bør ha fokus på i tida frametter, då 30 ungdomar og vaksne var samle til god mat, forkynning og samtale.  Ein kan bli imponert over kor god aktivitet det er i bygda og kor positive alle er til å vera med på å ta eit tak. Speidarane syner god aktivitet der dei nyttar skog og fjell aktivt.  Mange av møtene er i gapahuken på Børkjenesmyrå, 1 km utanfor Naustvika. To foreningar (Normisjon og Sjømannsmisjonen) samlar mange damer til møter. Dei har i seinare år samlast på kjøkkenet på bedehuset og vil gjerne ha med fleire. Elles er her Laurdagsklubb og TrippTrapp for borna, gladsong og møter på bedehuset annankvar torsdag og gudstenester i kyrkja ein gong i månaden.  Les meir om kyrkje og bedehus HER.

Grendautvalet - ope bygdamøte onsdag 11.nov
Bygdamøtet samla full sal.

(11.11.09  Steinar S)  80 spente vikebuar kom til Bygdahuset for å høyra kva leiar av Egersund Byutvikling, Johan Aakre, plastfabrikkant Kjell Erik Gangstø og ordførar Arne Bergsvåg hadde å seia om framtida til Vikebygd.

At bygda har gode ressurspersonar som ein kan spela på, er grendautvalet med leiar Rune Hetland i spissen, eit eksempel på.  Møtelyden fekk og eit godt eksempel på det då bonden og visesongaren Jone Bjerga fekk sleppa til med gitaren og sjølvlaga viser. Vikebygd har mykje å vera stolt av.  Her er mykje dugnad og kreativitet, og bygda har ei positiv utvikling i folketalet, som nå er på 537. 

Det som opplevest som ei hindring både for busetjing og næringsliv, er vegen frå Vikebygd til Skjold.  Ei teljing av trafikken synte at 625 køyrety passerte Øvrabø på 24 timar.  Her er aukande mengde med tungtransport, både med plast, tømmer og ikkje minst stein og grus frå knuseverket på Skartland.  - Nå er det viktig å få reguleringsplan klar for vegen forbi Trovåg. Denne tek lett 1-2 år, men må vera klar før tunnelbygginga i Skjold.  Då kan overskottsmassar nyttast til fylling for vegen forbi Trovåg mot Skjold., sa ordførar Arne Bergsvåg.

Les meir frå møtet HER

Kvamsåsen Rundt 7. november 2009.
Vestlandet sitt hardaste mosjonsløp for 28. gong
Laurdag 7. november starta 47 ungdomar og vaksne i det 28. Kvamsåsen Rundt løpet på 11km, delvis på landeveg,  traktorveg og 500 meter skogssti. Beste dame vart Anne Kleiven og beste mann vart Johnny Vea. 

Les meir frå løpet i 2009 HER.

Borna sin Idrettsdag.
Som markering på idrettslaget sitt 40 års jubileum vart det samstundes arrangert Barnas Idrettsdag, med start kl. 12:30. Her fekk borna delta i friidrett (kule + lengde), orientering, fotballtriksing og halvkvamsen. Minikvamsen starta i år samtidig med hovudløpet, og det var ein stor flokk born som deltok mens foreldra heia dei fram. 

Først i mål i Halvkvamsen vart Jan Arthur Svendsbøe (gutar) og Amalie Erdal (jenter).

Og inne i kafeen var det som vanleg bygda sine beste kaker!

Sjå bilete frå arrangementet i fotoalbummet HER.
Les meir om resultata i kvamsåsen Rundt: HER
Last ned resultatliste her, eller premieringsliste HER. 

Ny rekord med innsamling av klede
Vikebygd ga sekkevis med hjelp til Ukraina

(29.10.09 Berit & Steinar)  Folk i Vikebygd tok imot utfordringa om å levera sekker med brukte, men gode klede inn på bedehuset 29. oktober. Brita Laugaland, Bjarne Lunde og Bjarne Alne fylte mest opp bedehuset med sekker før lastebilen kom og innlastinga kunne ta til. Omlag 230 sekker til saman, -ein god del meir enn tidlegare (160 sekker i 2008 og 220 i 2007). Takk til alle som ga og ville hjelpa.

Det er organisasjonen: Open Heart Ukraina som står for arbeidet og fordelinga. Halvard Hasseløy frå Haugesund er mannen bak det heile.  Open Heart sitt arbeid ser du meir om HER.  
Les meir her om: Innsamling til Ukraina i Vikebygd

Kyrkja 18.oktober
Hausttakkefest, innsetjing av kantorar, barnekor, dåpsfest

(18.10.09 Steinar)  Hausttakkefesten vart borna sin fest.  Laurdagsklubben fylte opp heile koret i kyrkja då dei stilte seg opp og song.  Så samla prost Arne Øystese borna i midtgongen, der han sjølv sette seg på golvet og tala til dei.  Det vart heilt stilt når han fortalde for den store barneflokken på ein måte så dei vaksne og kunne fylgja med.  Spesielt var alle 4-åringane inviterte denne søndagen. Dei fekk utdelt kvar sin barnebibel, men hadde og fått vore på omvisning i kyrkja dagen før. 

Innsetjing av dei to nye kantorane (organistane) våre, Nelly og Jurij Kotkowitch, hadde og fokus.  Kyrkjeverje Inghart Lasse Tveit las opp tilsetjingsbrevet i starten av gudstenesta og ynskte dei velkomne.  Les og sjå fleire bilder frå hausttakkefesten her.

TV-aksjonen 18. oktober for CARE
Vikebuen sine bøsseberarar samla 16.754 kr
(18.10.09 Steinar)  8 kvinner frå laget 'Vikebuen' gjekk turen innom alle hus og hytter i Vikebygd.  Då bøssene skulle teljast opp i SR-Bank i Ølen, viste summen kr 16.754 for Vikebygd og kr 263.693,50 for heile kommunen.  I tillegg har formannskapet gjeve kr 10.000,-. 

Dette er eit flott tal, men ein reduksjon både frå 2008 og 2007.
 
Les meir om TV-aksjonen i Vikebygd her. 
 

Idrettslaget strevar
Kvamsåsen rundt løpet under planlegging

(3.10.09/9.9.09 Steinar)  Det var ei stund tvil om Kvamsåsen rundt skulle koma på beina i år, men det har løyst seg på ein veldig god måte.  Lise Bruland har fått med seg John Magne Svendsbø og Øyvind Valen i styringsgruppa for løpet og dreg dette i gang også i år.

Idretslaget er 40 år, og ein vil markera dette ved å leggja inn fleire ulike idrettsaktivitetar i samband med løpet.  Spesiell fokus får borna. Sjølve 40-års feiringa vert rett over nyttår.

Løpet har vore ein fast tradisjon gjennom 27 år.  Medan talet på løparar har minka av, så er det like mange som stiller opp for å sjå på og å kjøpa kake og kaffi på bygdahuset. Sjølv om det er ungdom og vaksne som spring i hovudløpet så har det vore like mykje ein dag der borna har fått gle seg til med tilrettelagde løp for deira aldersgrupper.  Vi gratulerer idrettslaget med jubileet og ynskjer styret for Kvamsåsen Rundt lukke til med sitt 28. arrangement.

Les meir om Kvamsåsen Rundt løpa her.

Fredag 2. oktober:
Basar på bedehuset - ein levande tradisjon

Basar, der veggene er fulle av ulike tekstilar og heimestrikka klesplagg, har lang tradisjon i Vikebygd.  38 store og små fann vegen til bedehuset fredag 2.okt. Aud Vihovde Hoftun, frå Normisjonen, hadde andakt.  Ho hadde med seg alle dei biblar og bibelbøker ho hadde funne heime.  Det var ikkje få, og slik er det nok for mange i Noreg i dag. Men ikkje alle har biblar på sitt eige morsmål, fortalde ho. Dei over 14000 kronene som kom inn på basaren i Vikebygd skal m.a. gå til arbeidet med å oversetja bibelen. Etter andakten kom fat med påsmurde rundstykke på bordet.  Kjersti Bjerga og Gunbjørg Sørhus, som er med i Normisjon-foreninga i Vikebygd, hadde plass ved eit bord bak i salen.  Her kunne folk få kjøpa lodd og  etter kaffien var det tid for åresal og trekking.  Denne gongen med hjelp av datamaskin.
Les meir om Basaren her.  (Steinar)

Les meir om Kosedag på gamleskulen

Mange som driv med trening  eller som ynskjer å få betre helse og livsstil, er faste kundar.  Herbalife produkt får ein ikkje kjøpt i vanlege butikkar, så mange reiser langt for å koma til Vikebygd for å få kjøpa desse eller å få hjelp og vegleiing. Bente og Øystein har innreia rom i kjellaren heime der dei føretar "kroppsanalyse".  Her har dei og utstilling og sal av produkta sine.  Ho inviterer alle som ynskjer å prøva dette til å ta kontakt eller stikka innom Bente T. Barane's Herbalife, rett over vegen for butikken.  Les meir.

Vindafjord Kommune
-framlegg til reguleringsplan: Trovåg nord

(20.09.09 )  Framlegg til følgjande reguleringsplan er lagt ut til offentleg ettersyn i samsvar med plan- og bygningslova § 27-1, nr 2: Trovåg Nord, Vikebygd del av gnr 338, bnr 1 : Det er planlagt 24 einebustadar og eit område for konsentrerte bustadar nord for Trovågfeltet. Planen inneheld også småbåthamn m/naustbuer og friluftsområde. Les meir HER.

Vikebygd Kyrkje
Ny og betre lyd på gudstenestene

(25.09.09 Steinar S.)  Soknerådet har brukt 8000 kroner og kjøpt inn to nye trådlause mikrofonar med hovudbøyle i kyrkja. Her fylgjer med nye "lommesendarar" og mottakar. Desse vart sett opp på galleriet og kopla til forsterkar og høgtalaranlegg i september. Lyden er svært mykje betre enn med det gamle utstyret.

Stortingsvalet 14. sept. i Vikebygd
Berre 1/3 av dei røysteføre i Vikebygd deltok i valet

(15.09.09 Steinar S.)  1/3 av dei røysteføre i Vikebygd valde å vera likegyldige til styringa av landet vårt.  Berre 2/3, eller 67,77 % møtte opp på bygdahuset for å røysta på Stortingsvalet (inkl.førehandsrøystene).  Er grunnen at vi har det så godt at vi ikkje bryr oss om å delta i samfunnsdebatten og valet på dei som skal styra landet vårt? 

I heile Vindafjord var det 71,68% frammøte.  Også dette talet er lågt. Sjå korleis røystene fordelte seg i Vikebygd, HER.

Val mandag 14. sept
Godt frammøte ved soknerådsvalet

(14.09.09 - Steinar S.)  På bygdahuset i Vikebygd var det to røystelokale. Stortingsvalet i litlesalen og soknerådet i det møterommet ved sida av.  128 møtte for å røysta ved valet på soknerådet, noko færre røysta og på kandidatar til Bispedømerådet.  Oppteljinga viser at det nye soknerådet som vil ta til i tenesta den 1. november i år, skal bestå av:
Faste medlemar: Brit Nelly Ness Tveit Dag Hans Nagel-Alne Steinar Skartland Berge Thomas Velde Ellen Skretteberg Rolf Alne (+ soknepresten, som ikkje vert vald)	og 5 varamedlemar: Jenny Kristin Svendsbøe Geir Mandius Vårvik Marit Elise Erdal Anna Marie Bjørnevik Alfred Trovåg

Dei skal velja ein representant til fellesrådet.
Les meir om Stortings- og soknerådsvala på vikebygd.org

Det var og val på Bispedømmeråd og frå vårt prosti vart desse valde:
Leif Christian Andersen (23 år), sjukepleiarstudent frå Skjold og
Wenche Haugen (50), lærar frå Nesflaten i Suldal.

Vikestølsmarsjen 6. sept. 2009
Deltakarrekord på den 20. Vikestølsmarsjen

(6.9.09 - Steinar) Trass i gråvær og regnbyger så hadde omlag 180 vaksne og born tok turen opp til Vikestølen som del av den årlege familiemarsjen.  Her vart dei møtt av Jarle Sandsgård som delte ut diplom til dei deltakarar som betalte startkontingent.  I jubileumsåret synte diplomen ei ørn, teikna av Jarle Lunde. 

Vinnarane i hestesko-konkurransen vart:
Menn:  Bjarne Trovåg
Kvinner: Marit Fosse
Jenter: Barbro Sælevik
Gutar:  Aleksander Bjørnøy 

Tradisjonen tru hadde Geir Vårvik teke jobben på kjøkkenet i lag med Rita Bjørnøy.  I gratisloddboka for dei som går til Vikestølen i løpet av året, var det omlag 880 innførte namn.  Her vart trekt ut ryggsekker til Audun Haraldsen og Aleksander Vik.  På hovudutloddinga var det Johan Lindegård som stakk av med den store fruktkorga.

Les meir her om den 20. vikestølsmarsjen

Kronprinsparet på rundreise
Vikebuar med under opninga av Joa-Kari
-musikalsk velkomst til kronprinsparet

(4.9.2009-Steinar) Vikebygd Skule- og Ungdomskorps var med i lag med fleire lokale korps og spela for kronprinsparet då dei kom til Ølen 1.sept. og opna Joa-Kari parken.

Ope møte i Grendautvalet
Ynskjer sentrumsnære tomter og turisme 

(31.8.2009 -Steinar) 18 Vikebuar møtte for å gi innspel til Grendautvalet sitt høyringssvar på kommuneplanen.  Dei hadde tankar både om vegen til Skjold, turisme, leiligheiter og byggjefelt, og det kom mange gode innspel.

Mellom ideane som vart lufta var auka satsing på turisme.  Hotell, pensjonat eller hytteutleige med overnattingsplass til 20 peronar må til for å leggja kurs til Vikebygd.  Oppstillingsplass for bubilar er eit aukande behov. Det må kombinerast med sanitæranlegg og liggja så sentrumsnært at turistane vil nytta butikken, serveringsstaden Plassabakeriet og andre lokale tenester. 

Bustadfelt må også liggja sentrumsnært for å styrkja bygda.  Kort veg til barnehage, skule og butikk er viktig for mange unge som vil etablera seg.
 
- Det er betre å pendla til jobb i Hauugesund med frådrag for reiseutgiftene, enn å pendla til hytte i Vikebygd utan frådrag, kommenterte Rune Hetland, som leia møtet på ein ryddig og god måte.

Les meir frå møtet HER.

Sjå arealplanen (21 MB): HER  

Vikebygd Kyrkje
50-års jubilantar og konfirmantar.

(30.8.2009) Det var feststemning i kyrkja på søndag den 30. august.  Ein stor flokk var samla i kyrkja, og nokre hadde pynta seg ekstra.  Dei hadde eit 50-års jubileum å feira.  Ei markering av at dei 1959 stod konfirmant her i Vikebygd. 

Vi gratulerer jubilantane med dagen.

Denne dagen vart også eit nytt ungdomskull med konfirmantar presenterte for kyrkjelyden.  Dei skal nå framover få undervisning, delta på leir og i gruppe-samlingar før dei skal konfirmerast til våren.  Vi ynskjer dei lukke til og oppfordrar alle til å ha dei i sine tankar og i sine bøner.

Les meir HER.

Trovåg
Malasetvatnet får ny stemm

(11.8.2009) På nordsida av hovudvegen ved krysset til Trovåg, stod ei gammal demning. Murt opp av gråstein for å sikra vatnet til den tidlegare mølla i Trovåg.  Nå er det fiskeoppdrettet, Trovåg Laks, som nyt godt av vatnet her. Men muren er gammal og vert nå erstatta av ei demning i betong. 

Ei gravemaskin har grove seg 6-7 meter ned, langt under den tidlegare muren.  Mens arbeidet pågår er det laga ein provisorisk stemm nærare vegen, slik at ein kan arbeide på tørt land. Nå skal det forskalast og støypast før ny stemm er klar ved trovåg. 

Men det er store planar for Trovåg og Trovåg Mølle.  den skal restaurerast og her skal etablerst eit turistanlegg med lokale for servering, kurs og overnatting

Les meir om dette  HER.

Dugnad har fornya bedehuset
Nytt tak, ny kledning og isolerte vindauger 

(30.8.2009) Det siste åra har bedehuset i Vikebygd vorte kraftig utbetra.  Arbeidet er gjort på dugnad og materialer er komne gjennom innsamla midlar og gåver frå bygda.

No er det komen på plass ny kledning, isolasjon og nye vindauger på vestsida. Det var naudsynleg då kledningader var svært dårleg, men det vil nok også vera med å redusera straumkostnaden i huset. 

Den store og allsidige aktiviteten på huset er komen i gong igjen for hausten.  Laurdagsklubb og Tripp Trapp samlingar for born, møter, basarar, foreningsmøter og nokre tilfeller av annan bruk som td selskap ved konfirmasjon og åremålsdag.  Oppussinga av kjøkkenet har gjort dette teneleg.  At folk set pris på bedehuset og aktiviteten ser ein av frammøtet.  På Sjømannsmisjonen sin basar i juli var her så fullt av folk at dei måtte setja opp bord også på gangen.  All ære til dei som tek seg av huset og den gode aktiviteten der. (Steinar S)
Les meir om bedehuset HER. 

Der regnbogen sluttar er ei kiste med gull

(22.8.2009) Sagnet seier at "der regnbogen sluttar, der ligg ei kiste med gull." Men så er det ikkje lett å nå bort dit som regnbogen er.  Han flyttar seg etter kvart som ein kjem nærare.  Denne dagen var det på Utbjoa at biletet vart teke.  Det er ikkje alltid like lett å finna enden. Her er slutten midt i Bjoafjorden.  Så eg køyrde like godt heim.  Nyttar ikkje å leita her.  (Steinar S)

Vikebygd IL
Ein våt KM-stafett i Årvik søndag 18.8.09

(16.8.2009) Trass i kraftige regnbyger og tungt terreng gjennomførte Vikebygd IL ein vellukka stafett og Krinsmeisterskap i orientering, søndag 16. august.  26 lag med til saman 78 løparar deltok. I tillegg til ei stor gruppe som var med både i småtroll og nybyrjar løyper.  Saman med arrangørar og tilskodarar både frå bygda og frå klubbane var det langt over hundre som samlast i Årvik skogen denne dagen.  
Ganddal vann i klassane H17 og D17. 

Erik Lima sprang siste etappe for Ganddal sitt herre-lag.
Haugesund 1.lag vann kl H140 og open klasse.

Vikebygd sitt herrelag kom på 7. plass i stafetten på søndag, men dei har likevel noko å vera stolte over.  I Suldal var det løp også dagen før. Her vann Per Øyvind valen gull i klasse 15-16 og Einar Marius Hjellestad Martinsen vann Sølv i klasse herre 17-18.  (Steinar S)

Resultat frå løpet i Vikebygd kan du sjå HER. 

Sjå også: O-Gruppa si web-side på:  Klubben Online

Grannar:
Tom Roger Aadland klar med ny plate

Vikebuen og gitarristen, Tom Roger Aadland, har i det siste halde på med innspeling av ei ny solo plate i ABC studio i Etne, melder Grannar. "Blod på spora" er ei nynorskomsetjing av Bob Dylan si "Blood on the Tracks," og han ventar å gje den ut i midten av oktober.

Les nyhetsmeldinga på grannar.no her.

Tur på Sætrefjellet i Vikebygd
Mengdevis av modne blåbær

(9.8.2009) det var fleire som valde å leggja søndagsturen opp i fjellet denne helga. Men få hadde tenkt på bærspann.  Det kunne ha vore nyttig, for på fjellet var det store mengder modne blåbær klare for henting.  Mange av dei fann vegen ned i magen, så turgåarane vart nok blå om leppene og på fingrane.

Ungt initiativ
Bærsal ved Sandvik

(7.8.2009) Dei hadde rigga seg til med hagebord og stor parasoll, dei to borna som sat i vegkanten ved Sandvik.  Tydeleg at dei selde noko godt.  Eg nytta høvet til å stoppa.

Store hageblåbær i ferdige plastboksar, var det dei selde denne fredags ettermiddagen. Hausta i "Blåbærhagen" som er ein av dei store leverandørane av økologisk dyrka bær på vestlandet.
Les meir om Ungt Initiativ HER

Søndag og dåpsdag
Festdag med trippeldåp i kyrkje

(2.7.2009) Det vart travelt for sokneprest Johannes Nedrelid som først hadde gudsteneste i Sandeid klokka 10, og så i Vikebygd klokka 12. Men i kyrkja i Vikebygd var 106 små og store samla. Mange av dei, både menn og kvinner, i flotte bunader. 

Her vart innmarsj og dåp, der 3 små jenter vart borne til dåpen.  Dei fekk med seg eit eige dåpsljos som vart tend under dåpen og dåpskluten som vart nytta til å tørka hovudet til barnet med.  Den var laga på Madagaskar og hadde fått barnet sit namn og dåpsdato brodert inn av Marta Tveit. Slik får borna eit flott minne med seg frå dåpen.  (Steinar S)   Les meir HER. 

Bakedag på Plasset 25.juli
Lang kø for å kjøpa snurringar

(25.7.2009) Det lukta godt av nysteikte boller då vi kom forbi Plassabakeriet i halv tre tida på laurdag.  Utanfor døra til det gamle bakeriet var det kø og inne hadde Bjørn Vik hendene fulle med baking og sal av nybakte, varme snurringar.  Det siste brettet med boller var utseld i tre-tida, og bollene fekk ikkje tid til å kolna.
 
Bakeriet og serveringsstaden har eit sus av kultur og tradisjon over seg som gjer at folk gjerne tek turen og stiller seg i kø for å få med seg litt av det gode som vert laga og servert her.

Fisk og fest
Vikebygdfestivalen 18. juli

Ein regntung marknad med godt humør og mykje fisk.

Størst og mest fisk fekk Jørgen Vik, med den største fisken på heile 6,22 kg.  Med denne sikra han seg premiering både som:
1. plass for gutar under 12 år, Størst fisk og mest fisk! (-uavhengig av klasse)
Oversikt over vinnarane ser du - HER.

Her har du også sjå bilete frå festivalen.  Kanskje du er på eit av dei?
(Foto:  Else Valen):  Fotoalbum frå Vikebygdfestivalen 2009.

Det Kongelige Selskap for Norges Vel
Fortenestemedalje for lang og tru teneste

(1.7.2009) Onsdag 1. juli troppa ordførar Arne Bergsvåg opp på Ølen Betong i Ølensvåg. I lag med adm.dir Arne Haldorsen kunne han gratulera Knut Arne Skartland, Otto Aalmo og Monrad Berge med tildeling av Fortenestemedalje for arbeidstakere som har minst 30 års tilsetjing i ei verksemd. Medaljen er tildelt av 'Det Kongelige Selskap for Norges Vel'. (Steinar S.)

For å lesa meir, klikk HER.

Fjellstemne
VIKESTØLSMØTET Søndag 28. juni

(28.6.09)  Han må kallast veteran på Vikestølen, Magnus Sørhus. Med sine 96 år stod han rakrygga og tala varmt om Vikestølsmøta og minna om dei som han i tidlegare år hadde møtt her. Og ikkje minst om korleis dei hadde vitna om Jesus i song og tale.  Men her var også fleire andre veteranar som har delteke på stølen gjennom mange år. Nokre av dei gjekk til fots og sytte ikkje med å gå bakkane opp frå Vikebygd, andre måte få skyss. 

Det var svært varmt i år.  Likevel hadde 35 funne vegen opp skogsvegane, dei fleste til fots frå Eikås på Bjoa. Nokre eldre fekk bruka bil opp.  Hovudtalar på møtet var John Birger Wold, men elles deltok også Jørgen Landa og Steinar Skartland som sit i styret for Vikestølsmøtene. Mellom dei to møta var det pause med matøkt.  då kom nisteboksar, saft og kaffi på bordet.  Ein del familiar med born deltok også.  (Steinar S)

Les meir om møtet her: Vikestølsmøtet 

Speidarane  24. - 28. juni.
Med kano på Telemarkskanalen.

28.6.09)  Speidarane er vel heime etter kanotur på Telemarkskanalen onsdag - søndag.  Undervegs sende dei over bilete frå opplevingane, med mobiltelefon, slik at desse kunne verta lagde ut på Internett med det same. 

Sjå bileta HER.

Les meir på Speidarsida

Eller les meir om kanoturen her:  Kanoturen i Telemark 

St. Hans feiring
Bryggjebakken i sol og bålvarme

(23.6.09)  Laget "Vikebuen" inviterte til St.Hans feiring på Bryggjebakken. Familiane strøymde til då grillane vart tende opp i seks tida om kvelden. Kanskje så mange som 200 var innom Bryggjebakken og fekk kjenna varmen både av kveldssola og den tørre pallestabelen som vart tend på klokka åtte. 

Les meir om St. hans feiringa HER
 

Vikebuen og FAU arrangerte
Loppemarked med auksjon på gamleskulen

(20.6.09)  Gamle skulesaker, pultar og kart over Paulus sine misjonsreiser fekk nye eigarar når FAU baud dei fram for sal. Saman med laget Vikebuen hadde dei samla massevis av gamle og brukte ting i det nedlagde skulebygget. Som vanleg strøymer fastbuande og hyttefolket saman når noko slikt skjer i Vikebygd. På ettermiddagen vart det auksjon der rektor, Anne Marte Tveit, var auksjonarius. Boda kom tett og ein og annan fekk kanskje med seg heim noko han ikkje hadde tenk kjøpa, men slik er det på auksjon.  (Steinar S)

Les meir om denne loppemarkedet HER
 

Vik skule
Ålfjorden på langs med båt

(27.5.09)  Tirsdag 26. mai drog heile skulen i Vikebygd på båttur langs Ålfjorden. Over 50 born saman med lærarar og nokre lokalkjende vaksne som kunne fortelja kva dei såg. Her var mykje spennande. M.a. fekk dei turen innom fiskeoppdrettet i Fjon der dei fekk sjå masse små fiskeyngel som sømde rundt i kara. Turen gjekk også innover til Haraldseidvågen der det før var gamald handelsplass.

Det er nokre ti-år sidan det gjekk faste båtruter langs Ålfjorden.  Men olde- og besteforeldra til dei som nå går i skulen var nok van med at det gjekk fraktebåtar innom mange småkaiar. Der leverte dei varer både til butikkar og og dei som budde der. 

Og folk kunne reisa med båten og. Nå er det landevegen som er ferdselsåra, og for mange er desse vågane og hamnene ukjende i dag.  Flott at ein då kan ha med kjentfolk som Sven Årvik, fødd og oppvaksen her ved fjorden og Oddmund Tjoflot, som i åravis har gått med skøyta si langs fjorden.   (Steinar S)  (Bilder: Berit R.S)

Frå Madagaskar til Vindafjord
To veker i Norge vart avslutta på Romsa

(26.5.09)  I to vekar var ei gruppe på 10 personar frå Bara provinsen og venskapsbyen til Vindafjord, Ihosy på Madagaskar, på vitjing i kommunen. Mellom gjestene var ein biskop, ein lærar og medlem at styringsgruppa for Bara prosjektet, direktøren for aprosjektet og ordføraren i Ihosy, men og ein historikar, journalist og speidarar.  Mandag 25. mai var det politikarar som saman med kystkulturlaget var med dei til Romsa.  Her var det omvisning og kulturinnslag med song og musikk både frå Madagaskar og Vindafjord.

Sokneprest Martin Ivar Arnesen var med som tolk.  Han og kona snakkar flytande gassisk etter å ha vore misjonærar på Madagaskar i 10 år.  Det var dei som då starta opp NMS-prosjektet "Landsbybygging i Bara provinsen."  Kyrkjelydane i Skjold og Vikebygd har dette som eit innsamlings- og misjonsprosjekt.  Nå fekk dei oppleva 17. mai feiring i Norge og fekk delta på speidarleir i Vats.   (Steinar S)
Les meir om besøket HER på Vindafjord Kommune.

14 Vikebuar starta dagen på Trodlanibba
Strålande sol, korps og folketog

(17.5.09)  Før kl. 07:00 var det 14 sprekingar på Trodlanibba og heiste flagget.  Gjennom dagen var det full fres med gudsteneste, folketog, leiker, og fotballkamp. Her fekk både sokneråd og Vikebuen ta seg ut - utkledde til det ugjenkjennelege. 

Men festen slutta ikkje med dette.  Då kvelden kom samla 200 vikebuar seg til folkefest på bygdahuset med Chester Danielsen som talar. 
 

Slik feirar Vikebuen og held dei gamle tradisjonane oppe gjennom ein imponerande dugnad.  (Steinar S)
Les meir frå dagen HER. 

Vikebygdsongen: HER.  
 
Fotoalbum frå feiringa i Vikebygd HER  

Haugesund:
70 års jubileum og forsmak på 17. mai

(14.5.2009) 14. mai 2009 var ein stor dag i Haugesund. Feiring av 70 års jubileum for Risøybrua og samstundes markering av at dette vegprosjektet er tildelt Vegdirektøren sin pris: 'Vakre Vegar'. Under- teikna fekk vera gjest i arrangementet og representere betongbransjen i samanheng med at denne brua er laga i betong. På 70-talet budde eg tre år på Risøy. Det vart mange turar over brua, om eg då ikkje reiste med 'Flytten', ein liten båt som kosta 1 krone å reisa med.  Arrangementet starta med veteranbilkortesje over brua, følgd av musikkorps og barnetog.  Vegdirektør Terje Moe Gustavsen og ordførar Petter Steen jr. avduka ein plakett som er støypt inn i brua og markerer pristildelinga.  Les meir om arrangementet HER.     Bilder frå finn du HER.   (Steinar S)

Kyrkjeleg festdag
Konfirmasjon i kyrkja 10. mai

(10.5.2009) Så kom dagen då Christoffer Bjørnevik, Marte Gangstø, Per Øyvind Valen og Mandius Vårvik skulle verta konfirmert. I kyrkja samlast 104 av familie, vener og bygdefolk til gudsteneste.  Konfirmantar og prest kom inn i prosesjon der klokkaren gjekk fremst og bar krossen.  I midtgangen stod ei stolar der dei fire ungdomane skulle sitja på ei rekkje.

Ein spanande dag som tok til i kyrkja og heldt fram i familieselskap.  Ein fest dag med stadfesting av dåpen gjennom forbønshandling.  Kvar konfirmant fekk teikna ein kross med dåpsvatnet i panna før dei knela ved altarringen. Men og ein festdag som markerer ein overgang til dei vaksne sine rekkjer.  Vi ynskjer kvar og ein av dei alt godt og lukke til vidare i livet. 
(Steinar S)

Laurdagsklubben
Pølser, andakt og leik i parken

(9.5.2009) Laurdagsklubben brukar å samlast på bedehuset annankvar laurdag. Det er eigentleg søndagsskulen som har bytta dag og samlar born frå fire til tolv år. 

9.mai var siste samling borna skulle ha denne våren, og over tjue born kom.  Sjølv om det var einskilde regndråpar i lufta, så valde leiarane at denne dagen skulle dei vera ute og i parken.  Solgløtt, barnelått og leik gjorde det til eit flott samvær.  Nå blir det sommarferie fram til hausten.
(Steinar S)

Vindafjord kommune
To nye kommunalsjefar frå Vikebygd

(9.5.2009) Vindafjord kommune er i ein prosess med omorganisering for å få ein betre tilpassa organisasjon.  Nyleg har dei tilsett Øyvind Valen som kommunalsjef innan rammeområdet barn og unge, og Gunn Vikingstad som kommunalsjef innan helse og omsorg.  Valen har tidlegare vore rektor i Vikebygd og Skjold før han vart konstituert som rådmann i Vindafjord kommune i 2008. Ved årsskiftet gjekk han over i stilling som kommunalplanleggjar her.  Vikingstad har bakgrunn som sjukepleiar med vidareutdanning innan økonomi og administrasjon.  Ho er aktiv politikar og representant i kommunestyret og formannskapet i dag. (Steinar S)

Torsdag 7. mai
Stordugnad ved kyrkja og i parken

(7.5.2009) Vikebuen spanderte 8000 kroner på soknerådet til ny singel utanfor kyrkja.  Torsdagskvelden var her full aktivitet.  Tre traktorar og 13-14 kvinner og menn var i full aktivitet med krafser, river og hagereiskapar. Nå er det utvendige klart til konfirmasjon og nasjonaldag. 

I dugnadsgjengen var både ungdomar, vaksne og nokre godt over pensjonsalder, Men samarbeidet i dette soknerådet er svært godt, og det var ein munter tone i dugnadsgjengen denne kvelden.  Først klokka halv ti kunne dei siste pakka saman.
 

Ein stor takk til alle som deltok og til Vikebuen som støtta opp med midler. Ikkje alt gjekk til grus, så soknerådet vil få gjort meir dugnadsarbeid i løpet av sommaren for å bevara den finaste kyrkja i bispedømmet.  "Ei Domkyrkje i miniatyr", kalla stiftsdirektøren i Bispedømmet kyrkja vår.  

Les meir HER
(Steinar S)

Speidarane
Aktiv speidergruppe nyttar naturen

(3.5.2009) Speidarane har denne våren vore aktive utandørs med aktivitetar på leirplassen ved Malasetvatnet. Her er bygd bru, grue og vedskjul. 

Born og ungdom får lære å greia seg ute i naturen, samstundes som dei byggjer gode venskapsband og får fylla fritida si med positive aktivitetar.

LES MEIR HER.   (Steinar S)

Dyrelivet vaknar
Vårsola vekkjer naturen til liv igjen.

(2.5.2009)  Fredag ettermiddag høvde det med ein tur til Såta. I alle fall fekk me hengja oss på med Else opp gjennom skogen frå Skartland.  Kjersti Bjerga har gjort ein god jobb med å få merka opp igjen stien frå Skartland til Fossel, og vidare derfrå opp til Såta, der stigen er brei som ein vestlandsveg.

Men det var på heimtur me traff på han.  Like ovanfor garden Stien.  Han krølla seg saman i sola og nytte tilværet. Men vart nok mistenksam på desse store vesena som vart ståande og stirra nedpå han som låg i lyngen.  Då det ikkje nytta å stirra tilbake, fann han det best å smyga seg i raserfart til tryggare stader bak stein og lyng. (Steinar S)

VIKEBYGD Idrettslag, O-gruppa, arrangerte:
VIKESPRINTEN 2009,  1. mai.
 
(1.5.2009) Nær 100 orienteringsløparar stilte til start i Vikesprinten fredag 1. mai. Mange sprang for første gong, men her var også mange røynde løparar frå eit stort distrikt.   (Steinar S)

  REPORTASJE og RESULTATLISTER ser du: HER.

FOTOALBUM:  VIKESPRINTEN 2009 
 

Vikeputten fotballturnering 25. april:
59 fotballag gjorde dagen til ein fest
(25.4.2009) Det var trafikkork og køkjøy-ring då 59 fotballag med vener, familie og supportarar strøymde til Vikebygd på vårens vakraste dag.  Sol og varme i kombinasjon med glede og smil. 

Kor mange som var rundt idrettsbanen veit ein ikkje sikkert, men dei fleste meiner talet var godt over 1000.     (Steinar S)

LES kampresultat og reportasje frå Vikeputten 2009: HER!  

Fotoalbum frå Vikeputten 2009: HER

Bondens gull
Det luktar vår og penger.

(19.4.2009) Lukt av vår er ikkje alltid like god på våre kanter. Men lukta er av arbeidsplassar, levande bygder og trivsel.  Våren kom tidleg i år, og vårsola vart godt nytta til å få ut hevda.   (Steinar S)

Les meir HER.

Politiet
Fann fem påhengsmotorar.

Fugleinteresse
Vårviks Zoo - midt i Vikebygd

(5.4.2009) Gudstenester både på Vikestølen og i kyrkjene, Påskesong med Kristina Flatebø på orgelkrakken, og nattverd.  Slik valde mange å feira påskehøgtida i kyrkjelydane i Vindafjord.  Prost Arne Øystese samla 40 fjellvandrar til gudsteneste i bålrøyk på Vikestølen, der Bjoafolket etterpå kunne delta i skattejakt på Eikås.
   (Steinar S)

LES MEIR FRÅ PÅSKEN 2009 HER

Bedehuset
Basar og årsmøte
(3.4.2009) Basar og årsmøte med val på styre for bedehuset er tradisjon rett før påske. Det nye styret består nå av: Jens Tveit (leiar), Berit Ryvik Skartland (kasserar), Anders Sørhus, Torbjørg Skogen og Sigrun Alne. Jens retta stor takk til deisom gjekk ut av styret etter mange år. Store oppus-singsarbeid av huset i seinare tid til tross, det er penger i kassen. 
Les meir om basaren HER.  (Steinar S)

Misjonsdag
Gassisk mat og opplevingar

(21.3.2009)  Ungdomar frå Vikebygd som fekk oppleva julefeiring på Madagaskar  deltok i misjonsdag på bedehuset. Sunniva viste fram fleire gjenstandar dei hadde med seg frå opplevingane på den Afrikanske øya som nå er prega av ein meir uroleg kvardag enn då ungdomane var der.    Les meir her.     (Steinar S)

26.3.2009)  Det var dekka til 255 i storesalen på Bygdahuset i Vikebygd.  Og folket kom.  Her fekk dei både middag og marknadsførings-show for Joker.  Men folk veit kva det betyr å ha lokal kjøpmann i bygda.  7 millionar i året handlar bygdefolk og hytteeigarar hos Rolf. Nå kunne han feira 10 års jubileum.   (Steinar S)
 
Les meir om arrangementet HER.

Lokale tiltak på internett
Vikebygd Vassverk

(16.3.2009) Vassverket i Vikebygd si web side vart teken i bruk for fleire år sidan, men dessverre har oppdateringa ikkje blitt følgd opp sidan 2007. Nå vil styret i Vassverket gjera ein innsats for å få informasjonen på web sida oppdatert igjen. Dei siste åra har stadig fleire offentlege tenester og informasjon vorte gjort tilgjengeleg på internett. Derfor er det naturleg at også det lokale vassverket heng med. Årsmelding, rekneskap, informasjon om vasskvaliteten og driftsmeldingar bør liggja tilgjengelege for brukarane til ei kvar tid.
 
Dersom det er andre tenester, bedrifter eller lag og foreningar som alt har websider her i bygda, så kan desse koplast mot vikebygd.org. Eller det kan leggjast inn ei eiga underside for laget. Om ynskjeleg så kan ein kontakt med Steinar Skartland for å få vurdert kva som er mogeleg, og evt. få laga ei informasjonsside for laget.

Kyrkja drøftar framtida
Årsmøte i Vikebygd kyrkje  

(15.3.2009)  Soknerådet inviterte til kyrkjelyden sitt årsmøte etter gudstenesta den 15. mars.  Her vart tid for både kyrkjekaffi, årsmelding og drøfting av den nye gudstenesteforordninga som vil gje færre gudstenester i Vikebygd.  Biskopen har peika på at både presteressurs og dåpsopplæring må styrkjast i Vikebygd.  Difor er det eit krav at redusert tal på gudstenester vert kompensert med andre tenester frå prest og kateket.

(8.3.2009) Dei seinare åra har det vore 20-21 gudstenester årleg i kyrkja i Vikebygd. Minimustalet som det er vedtak på er 17, med tillegg av gudsteneste 17. mai og juleafta (dvs 19).

Sokna i Vindafjord kommune har i ei tid drøfta korleis framtidig organisering skal vera.  Frå dei store sokna, slik som t.d. Ølen, har det kome ynskje om å få gudstenester oftare m.a. for å få plass til dei mange barnedåpar som er der.  Dette vil i så føra til færre gudstenester i mindre sokn. 

Det ligg nå føre eit framlegg frå sokneprestane og prosten der Gudstenestetalet i Vikebygd vil verta redusert til 15 gudstenester i året.  Søndag 15. mars fekk kyrkjelyden uttala seg i årsmøtet for Vikebygd kyrkje.  Tirsdag 17. skal så soknerådet vedta si innstilling.  
 
Her kan du lasta ned framlegget til ny gudstenesteforordning.

I den mørke natt
Måne-formørking over Vikebygd

(27.2.2009) Fredag kveld fekk vi oppleva måne formørking over Vikebygd. Bildet her er teke over Skartland mot Vest klokka 19:30. Her ser ein tydele skuggen av jordkloden som dekkjer mest heile månen.  Berre ei smal stripe med ljos frå sola  kan sjåast.
(Klikk på bildet så vert det litt større).
 

Helsing frå England

(26.2.2009) A bit of history. My sister Lois Dommersnes, planted the slightly darker Trees in the centre of your panoramic view of Vikebygd during world war two to stop soldiers looking into our bedroom windows.
 
Sincerely, Robert .
 
Les fleire helsingar HER.

Nutaturar i 2008
Roald og Ingveig til topps

(24.2.2009) Av dei 38 som var minst ein gong på kvar av alle 6 nutane i Vikebygd, så er vinnarane nå kåra. Roald Årvik hadde i alt vore innom 77 fjelltoppar og Ingveig Svendsbøe tok for seg 42 fjell. Dette står det respekt av og desse to vinnarane kan i eit år smykka seg med nutastavane. Om Rolad held fram i same sportsånda også neste år, så vert han eigar av staven som han nå har vunne 2 år på rad. Ingveig hadde i år første napp i ungdomsstaven.
 
Det heile tok til i 1996, og speidarane har halde tradisjonen ved like, noko lista over alle som har fått nutastavane, syner.

Vinterlege utfordringar
Kjøpmann på glattisen

(20.2.2009) Fråmidten av februar førte mildvêr kombinert med snø til dårlege forhold på vegen gjennom Vikebygd og Bjoa. Sjølv om det vert brøyta så låg det mykje snø att i kjøyrebanen. I tillegg har både strøing og salting vore mangelvare, noko som fører til problem både for dei som skal tidleg på jobb, og dei som har transportoppdrag langs denne vegen. Dette er noko som Rolf Alne fekk kjenna på kroppen når han tidleg kvar morgon skulle til Skjold og henta ny forsyning med boller og brød til Jokerbutikken i bygda.
 
Når plastfabrikken til Kjell Gangstø ferdig, vil talet på vogntog langs vegen auka monaleg. Det er ikkje tvil om at her trengs oppgradering både av vegstandarden og av vintervedlikehaldet.

Klikk her for å gå til reportasje i Haugesunds Avis.

Ut i natruren
Knall-fine dagar på Olalia

(31.1.09)   Dei som valde å leggja turen til fjels og då til Olalia på laurdag 31. desember, fekk oppleva ein sjeldan fin vinterdag. Sol frå blå himmel, stille vêr og nokre få kuldegrader var akkurat det som skulle til. På fjellet er det fint snøføre heilt frå parkeringsplassen på Opheim og innover. I tillegg til alle dagsbesøkande hadde 25 teke med seg sovepose og overnatta på hytta, som trillingane Kristin, Rasmus og Martin Lærdal som var her saman med foreldre og vener. Her hadde dei laga seg hoppbakke nedanfor hytta.   Les heile artikkelen her.

Bilder frå Olalia-turar
(15.2.2009)  I første del av februar hadde vi flotte dagar i Vikebygd.  Kuldegrader har gjort at snøføret har vore tørrt og flott.  noko som har gjort at mange har nytta fritida utandørs.  Til vedhogst eller fjellturar på ski.  Bilder frå Olalia turar kan du sjå på fjelltur.vikebygd.org  

Grendautvalet
Offensivt grendautval i Vikebygd

(8.2.09)  Vikebygd har fått eit grendautval med dyktige medlemar som ikkje vil sitja og sjå på at historien vert skreven av andre.  Med den erfarne ex-politikaren og lobbyisten frå LLA (Generalsekretær), Rune Hetland, som leiar, så vil dei setja dagsordenen for utviklinga i Vikebygd. Dei ser potensialet og kor skoen trykkjer, og vil vera ein positiv støttespelar for næringslivet og bygda.  Difor treng Grendautvalet innspel frå dei som bur i her. 

Onsdag 18. februar inviterte dei næringsdrivande i Vikebygd til eit møte for dialog om framtid og utvikling i bygda.
Les heile artikkelen her.  Les nytt frå kommunen her.
Og om valet på Grendautvalet her.

Industri og næringslivs satsing
Kjell Gangstø sin plastfabrikk reiser seg

(3.2.09)  På Dommarsnes reiser eit nytt bygg seg.  Det er plast-fabrikken til Kjell Gangstø som nå tek form.  Han reknar med at den tidlegast kan vera klar i april.  Utanfor bygget ligg haugar med plast som er samla inn frå bønder og bedrifter. 

Når verksemda er klar vil her kanhende verta så mange som 11 nye arbeidsplassar i arbeid med å produsera plastpellets av retur-plast. Vi ynskjer han lukke til med etableringa og oppstar-ten, som kan verta noko utsett pga finanskrisa og nedgang i marknaden for plastpellets.  Les artikkelen her.

Vikebygd Kyrkje
Trong for omfattande vedlikehald

(30.1.09)   I samband med bispevisitasen i 2008 vart kyrkjebyggkonsulenten i Stavanger Bispedømme, Finn Bårdsen, beden om å utarbeida ein status rapport for vedlikehaldet på kyrkja i Vikebygd. Rapporten syner at det er trong for omfattande vedlikehaldstiltak. Gjennom fleire år med små løyvingar har mange mindre forhold fått utvikla seg.
 
Kyrkja i Vikebygd vart innvigd i 1937 og skal såleis feira 75 års jubileum i 2012. Då er det ein viktig milepæl der det i forkant bør gjerast tiltak for å setja kyrkja i god stand. Kostnaden er ikkje kalkulert ennå, men ut i frå Bårdsen sin rapport, ser ein fort at dette kan bli kostbart. Kyrkjeleg Fellesråd ved kyrkjeverja har ansvaret for vedlikehaldsarbeidet, og soknerådet har sett ned ei arbeidsgruppe som skal vera pådrivar lokalt. Alle rapportar er sende til kommunen, men så langt er det ikkje sett av ekstra midlar.  Les heile artikkelen her.
Les om saka og rapporten frå Bårdsen HER.
 
Les tilstandsrapportane i arkivet til Vindafjord Kommune.

Data inn i landbruket
Han brukte nettet og vann pc

(28.1.09)   Helge Veastad søkte produksjonstilskott via nettet og vann ein flunkande ny bærbar pc melder lokalavisa Grannar.

Kommunen sette då opp ein pc som premie som skulle trekkjast ut mellom dei som nytta nettet i staden for tradisjonell papirsøknad. Målet var å få oppsving på nettsøknad, som forenklar sakshand-saminga for Eining Landbruk.  Helge Veastad er både bonde musikar, m.a. som gitarist og vokalist i Haugesundsbandet "Shakey Ground Blues Band").  På bildet over er han i samspel med Arne Tveit under konsert i kyrkja her i Vikebygd i 2008.  Les meir her.  

Fugleliv
Skarv i Vikebygd ??

(25.1.09)  Skarv har fleire gonger vorte observert i Ålfjorden, seiest det.  Søndag sat ein av dei og kvilde seg i sola på ein stein i Vasslivatnet, nord for Kvame.   Avstanden var for lang til å få eit skarpt bilde, folk i Kvame var overtydde om at det nok var Skarven som hadde slege seg ned i vatnet. (Klikk på bildet for å forstørre dette)

Kyrkjelege val i 2009
Eit spanande val for Vikebygd

Les meir om saka her.

Meir informasjon om valet finn ein på kyrkja.no

Helsing frå Amerika
Lyle Dean Frerichs, Lubbock Texas, på Norgestur.

(16.1.09)   My grandfather was Pedar ALNE. He and brother Andrew and sister Bertha (Alne) Danielson came to the US when they were teens. Bertha moved back to Norway. His brothers and sisters included Knut, Kari, and four others I can't remember right now. I'll write when I have their information in front of me. My mother, Gloria ALNE is the only child of Pedar who is still alive.
 
Peder Alne var onkel til m.a. Glenda Barane.
Om nokon i Vikebygd ynskjer kontakt med Lyle, så er e-postadressa i  slekts-gjesteboka. 

Lokale speidarar i Oslo
Avvæpna demonstrantar i Oslo

(11.1.09)  Seks rover-speidarar frå Vikebygd, Skjold og Kopervik hadde teke turen til Oslo for å delta på nyttårsball for KFUK-KFUM speidarane.  Ein speidar er jo alltid beredt, og let ikkje sjangsen gå frå seg til å hjelpa politiet under demonstrasjonar mot krigen på Gaza i Oslo, laurdag. 

5.klassingane i Vikebygd
Fekk biblar i kyrkja
(11.1.09)  11 av dei 13 5. klassingane hadde teke imot invitasjonen frå kyrkja om å vera med på gudstenesta den 11. januar.  Desse fekk alle overlevert ein flott bibel til odel og eiga.  Saman med denne fekk dei og invitasjon til ei samlig på bedehuset torsdag 22. januar og til ein leir på Brandøy denne våren.  Her skal dei få vera saman med andre 5.klassingar frå Skjold og Vats.

(4.1.09) Vikestølsmarsjen trekkjer  årleg ut ein vinnar mellom dei som har skreve seg i gjesteboka siste året. Vinnaren i 2008 vart  vanskeleg å spora opp, då namnet var frå Tyskland. Men etter at dette var lagt ut på både Bjoanett og her på Vikebygdsida, kom ei melding hit på e-post, frå Myke Schmidt: -Renate Golm frå Cumlosen i Tyskland er mi mor.  Får ho premien? Med meldinga var ei adresse til vinnaren. 

Les her korleis det gjekk med ryggsekken som reiste att og fram.
Les meir om Vikestølsmarsjen HER.