Julekonsert med lokale krefter

by Steinar Skartland · 7. desember 2019

Lokale musikarar og songarar utgjorde ein variert og flott konsert i kyrkja. Omlag 130 var dei som samla seg i kyrkjebenkene og fekk oppleva halv-annan time med flott og variert musikk. Det var både amatørar og profesjonelle som var med og gjorde kvelden flott for alle som valde å ha laurdags ettermiddagen i kyrkja til ein konsert som er ein tradisjon i Vikebygd. Publikummet responderte med varm applaus til dei som delte musikk og tonar med oss.

Musikkarane som deltok denne kvelden gjorde dette på dugnad. Her var både amatørar og profesjonelle med. Overskotet skulle gå til Kirkens Bymisjon Haugalandet, fortalde Brit Nelly. I Vikebygd har vi mange dyktige innanfor musikkmiljøet. Derfor går folk til kyrkjes når det vert tillyst konsert med lokale krefter.

Hanna Frøvik Svendsbøe og Annelen Bakkevik

Vakker song av Tina Larsen til piano akkompagnement av Caroline Thorland Bjørnevik

För att jag älskar dej, var ein av songane Dan Bergmann framførte

Sandra Bjørnset Sælemyr delte med innleving vakre juletonar med oss i kyrkja

Fantastisk flott å få med seg den profesjonelle musikaren, Tom Roger Aadland, og å lytta til hans flotte gitarspel

Dan Bergmann kom opp i korgangen på ny og fekk med seg Torsdagsklubben

Torsdagsklubben er eit lokalt band med dyktige musikkarar som har spelt saman i lang tid. Bandet har medlemmer frå Skjold, Vats, Vikebygd og Haugesund, og møtest torsdagskveldar. Dei spelar til selskap, dans og gjerne i kyrkja, men det var val første gongen dei framførte musikken sin i kyrkja i Vikebygd, til stor glede for dei som var til stades. I oktober hadde dei konsert i Skjold kyrkje. Faste musikarane i Torsdagsklubben er: Arne Tveit (tangentar), Berge Thomas Velde (rytme/slagverk), Alf Helge Stendal (gitar), Knut Ståle Storesund (bass) og vokalisten Kjetil Ohm. Dei hadde med seg tre vokalistar til på denne konserten: Sunniva Tveit Gregersen, Iselin Eidhammer Tveit og Ingebjørg Susort Velde.

I slutten av konserten vart Ingrid Mathilde Sørvåg ropa fram. Koret frå Torsdagsklubben ville takka henne for ein flott innsats med å organisera konserten og alle deltakarane. Men dei hadde ein ting il på hjarta: Å få alle med på å syngja fødselsadagssongen fo Ingrid, som fylte 60 år på fredagen.

Så vart konserten avslutta ved at alle songarane stod samla framme og Arne Tveit tok plass på orgelkrakken. Til tonane av kyrkjeorgelet kunne alle syngja med på: