Flott speidar-årsfest 31. mars 2019

Den aktive og store speidargruppa i Vikebygd hadde sin tradisjonelle årsfest 31. mars. Nærmare hundre deltok. Her var speidarar, foreldre, besteforeldre og bygdefolk samla i den store salen på bygdahuset. Mange gode kaker, kombinert med pølse i brød, kaffi og brus, var menyen for dei som tok søndagskaffien på årsfesten. Dei fekk med seg både lysbilder frå aktiviktetar og leiarar i 2018, men også litt av det som kan venta dei som blir med på kanoleir på Nidelva til sommaren.

Programmet i årsfesten var slik:

• Sketsjar og underhaldning frå speidarane.
• Ljosbilete frå speidaråret.
• Utdeling av nuta-stavar og -merke
• Andakt
• Kafe med salg av pølser/brus og kaffimat.
• Loddsalg til ein enkel utlodning

Nuteringar og vandrestav
Alle som hadde gått til toppen av dei seks nutane i Vikefjella, vart ropte opp på scenen. I alt var det registrert 1500 nuteringar og 610 personbesøk i nutabøkene. Heile 48 hadde vore på alle nutane i 2018. Desse fekk eit merke med påskrift: Eg var på adle. Alle fekk ein diplom.

Mest spenning var det til kven som fekk vandrestavane i år. Den for vaksne var det Mona Hetland som hadde fått til odel og eige i fjor, så her var det ein ny stav i år. Ungdomsstaven hadde mange napp frå før.

Dei tre med flest nuteringar mellom barn og ungdom var:
Reiar Julsrud (18) , Even Larsen (26) og Askev Julsrud (27).
Dei tre med flest nuteringar mellom vaksne var:
Ingveig Svendsbøe (36) , Anne Wenche Vik (65) og Mona Hetland (100).

Invitasjonen-
Plakat og program: